Cf. Grandes Chroniques, t. VII, p. 87, chap. xxviii

3. En note : « Aussi comme se ce feussent aoustes qui y faussent et couvrissent toute la terre. »

tel que l'en nomme Fontenai ; et le tenoit Gyefroy, sires de Lisignien qui estoit en l'aide le conte de la Marche. Li rois fist asseoir le chastel et le prist en poi de temps par sa force avecques i autre moult fort que l'en nomme Novent, et estoit audit GiefProy.

^La famé au conte de la Marche, qui mère estoit le roy Henri d'Engleterre, vit bien et aperçut que son mari ne porroit longuement contrester contre le roy de France ; et pour ce, elle prist serganz à cui elle donna dons, et les envoia atout venin que elle leur bailla, à la court le roy Looys pour occirre lui et ses frères. Mes, Nostre Sires, qui touz jours garde les siens, destorba ce que la mauvaise dame avoit pourpensé, quar les serganz furent aperceus et pris atout le venim ; lesquiex li rois fist mètre et geter en cruel chartre.

^Li rois Looys qui vit son ost grant et fort et prest et appareillié d'endurer grant bataille^, vint à un autre chastel que l'en nomme Fontenoy, cloz a ii paire de murs, a pluseurs tours fors et grosses et bien garnies. Il fist assegier le chastel ; mes cil qui dedenz estoient se dépendirent forment et reçurent l'ost des François viguereusement. Quant li roys Looys vit et aperçut la force du chastel et la proece et le hardement des genz dedenz, si fist drecier tours de fust et drecier contre mont, à ce que ses genz peussent plus legierement assaillir le chastel, et les perrieres et les engins drecier. Li rois prist forment à grever ceuz qui le chastel gardoient. Mes euls, comme nobles deffendeurs, soustindrent forment l'assaut de la gent le roy ; dont il avint que i arbalestier à tour traist i quarrel et feri le conte de Poitiers, qui frères estoit le roy Looys ou pié, et le navra griement. Quant li rois vit le cop, il fu