Cf. Grandes Chroniques, t. VII, p. 92, chap. xxx
3. En note : « Tout aussi comme le lyon est prest à sa proie. »
moult courouciez et fîst maintenant l'assaut croistre et recommencier plus forment. Les chevaliers de France, qui fors et nobles combateurs estoient, assaillirent forment le chastel tout entour, si comme li rois l'avoit commandé à touz. Si forment assaillirent que en poi de temps le chastel fu priz et ceuz qui estoient dedens. Illuec fu priz i fil le conte de la Marche qui bastars estoit, et xi, chevaliers avec iiii'^'' serganz et autre menuaille qui illuec estoient a grant plenté. Grant partie des prisonniers fist li rois envoier à Paris et en autres liex de son roiaume, et les commanda diligaument à garder, et puis fist abatre le chastel et les murs de la ville rez à rez de terre.
Aprèz ce que Fontenoy fu ainsi conquis, li rois vint à un autre chastel qui a non Villers et le conquist tantost avec touz ceuz qui le chastel gardoient. Le chastel estoit Guy le seigneur de Rochefort, qui en l'aide au conte de la Marche estoit venuz ; et pour ce le fist li roys abatre tost et isnelement. Quant Villers fu gastez, li rois vint au chastel de Preic et l'enclost tout entour de sa gent et le prist par sa force. Puis ala au chastel que l'en nomme Saint Gelaiz et le prist quant il l'ot assiz en pou de jours. Aprèz vint au chastel de Taunay qui siet seur i flueve que l'en nomme Votonne et le prist en poi de temps et le garni de sa gent. Et lors, li rois Looys qui vit et aperçut que Diex adreçoit touz ses fais et conduisoit son ost, vint à un chastel que l'en nomme Mautaz et le prist en poi de temps et fist abatre une forte tour quarrée qui illuec estoit. Quant la tour fu versée et menée à noient, li rois ala au chastiau de Torum qui fu Eblon de Rochefort. Mes cil qui ou chastel furent, quant il virent l'ost du roy si grant, si aperçurent bien que il ne porroient longuement endurer la poissance le roy ; si vindrent, pour ce que il doubterent que il n'encorussent l'ire le roy et son mal talent, touz nus sanz armes encontre le roy et li rendirent le chastel. Li rois fist le chastel bien garnir de sa gent, et aprèz chevau-
cha vers le chastel d'Aucerne et le prist en poi de temps et le fist tout arraser. Aprèz, li rois chevaucha atout son ost prèz d'un mares et fist lever i pont pour plus legierement passer outre vers le roy Henri d'Engleterre qui s'estoit repost en la cité de Saintes. Mais il n'out pas conseil de passer lors.
La veille de la Magdalene tourna vers Taillebourc, I chastel Giefîroy de Rancogne, qui siet sus la rivière que l'en dit Charente, et fist tendre ses paveillons sus la rive de l'iaue. Quant li roys d'Engleterre qui estoit d'autre part de la rivière, et avecques lui Richart son frère conte de Cornouaille, le conte Hue de la Marche et Symon de Montfort conte de Lycestre, atout grant plenté de chevaliers, d'arbalestiers et d'autre gent appareilliez à bataille vit l'ost de France et le roy, si se retraist arriers le trait de ii arbalestées atout sa gent ' , pour ce que il se doubta à assambler à son seigneur lige le roy Looys. Mes quant les François aperçurent l'ost des Angloiz retraire, si firent tantost passer par le pont devant dit, v' serganz bien armez et avec euls grant plenté d'arbalestiers et d'autre gent à pié. Li contes Richars frères le roy d'Engleterre quant il vit que Françoiz passoient, si mist ses armes jus et courut tantost vers euls, et leur pria que il li appelassent Robert le conte d'Artoys pour parler à lui de trêves prendre. Mes li contes d'Artois, quant il sout ce, n'ala pas lors au conte Richart, ainçoiz couru à son frère le roy Looys pour avoir conseil de ceste chose. Et pour ce que le conte d'Artoiz ne venoit pas à lui si comme il cuidoit, les Engloiz qui orent paour tournèrent en fuie au plus tost que il porent vers la cité de Saintes ^.
1. En note : « Ja soit ce que yceli roy d'Angleterre feust appareillié jà devant pour combatre contre li, et que ce feust sa singulière volenté. »
2. En note : « Ne n'atendirent pas la response dudit conte. »
Ci aprèz ensuwant parole comment li roys Looys se combati au roy Henri d' Engleterre défiant la cité de Saintes et conquist la cité.
^L'endemain, le jour de la feste de la Magdaleine, li rois Looys et son ost passèrent la rivière de Charente par le pont, et lors tantost commanda li roys que ses fourriers courussent jusques vers Saintes. Si comme les fourriers coururent, si avint que i garçon qui les vit l'ala hastivement dire au conte de la Marche qui estoit ou bourc de la ville a toute sa gent par devers l'ost as François. Tantost li cuens de la Marche et ses m filz s'armèrent, et avec eulz grant plenté de chevaliers, d'Engloiz, d'Escos et de Gascoins, et alerent contre les fourriers le roy de France, et leur coururent sus ; mes ce fu à leur mal. Quar le conte de Bouloigne, Aufons, qui plus tost sont que nulz des autres que il estoient mêliez as fourriers les envaï devant touz, lui et sa gent. Et lors, à ce premier assaut fu occiz le chastelain de Saintes qui portoit l'enseigne le conte de la Marche. Françoiz qui orent grant desdaing de ce que Engloiz les avoient premiers envaïs, leur coururent tantost sus, et illuecques s'assamblerent les ii rois atout leur ost. Là out grant bataille et grant occision de gent, et dura la bataille longuement aspre et dure ; mes au derrenier ne porent les Engloiz souffrir la vigueur des Françoiz, ainçoiz commencierent à fouir. Quant ce vit li rois d'Engleterre, si fu esbahiz et s'entourna au plus tost que il pout vers la cité de Saintes. Les François qui desrouter les virent, les enchaucierent hastivement et tost et en occidrent grant plenté et retindrent. Illueques furent priz
