Cf. Grandes Chroniques, t. VII, p. 96, chap. xxxi. X

XXII chevaliers et m hauz clers, riches et nobles, avec vi^'' serganz.

Aprèz ce, li rois Looys recueilli ses genz qui trop asprement enchauçoient les genz le roy d'Engleterre et fist ses prisonniers^ mener par divers lieus de son roiaume. La nuit du jour de celle bataille avint que li rois d'Engleterre et le conte de la Marche s'enfuirent, atout le remanant de leur gent, de la cité de Saintes et laissierent tout vuit le chastel. Et lors, l'endemain par matin, li citoien de Saintes vindrent au roy Looys et li rendirent les clés du chastel et de la cité, en laquele li roys fist maintenant mètre la garnison de sa gent. En ceste manière, conquist li rois de France Looys grant partie de la terre au conte de la Marche ; mes il i perdi moult de bons chevaliers qui morurent pour le chaut qu'il faisoit et pour l'air qui estoit corrumpuz et enfers^. Le jour du mardi aprèz la feste saint Jaque ^, Renaus sire de Pons qui avoit esté en l'aide le conte de la Marche, fu touz espoentez de la force le roy et de la grant victoire que Diex li out donnée ; si avint à lui en la ville de Coulombiers qui siet à une Hue de Pons et fist son homage au conte de Poitiers communément devant touz. En ce meismes jour, l'ainné filz au conte de la Marche, Hues, qui chevaliers estoit vint au roy Looys pour traitier de pais en la forme qui ensuit. C'est à savoir que toute la terre que Looys roy de France avoit conquise sus le conte de la Marche son père, demourroit paisiblement au conte de Poitiers frère le roy ; et du remanant de l'autre terre, le conte de la Marche, sa famé et ses enfanz se metroient du tout en tout en la merci le roy ; et bailleroit ledit conte de la Marche au roy m fors chastiaus que il avoit : Melpin, Crosen et Haquardi, es quiex li rois avoit