juillet
ses garnisons as cous et as despenz le conte. Et pour ce que li contes de la Marche n'estoit pas presenz à ces convenences, li rois retint Hue son fil en ostages jusques à l'endemain que li contes venist faire estable ce que son fil avoit proposé.
L'endemain par matin qu'il sout et cognut de pieça la debonnaireté et le piteus cuer du roy Looys, vint à lui il et sa famé et ii de ses enfans que li rois d'Engleterre avoit fait chevaliers, présent Hue son ainné fil, à pleurs, à souspirs et à lermes, et se mistrent à genous devant le roy, et pridrent à crier hautement : « Très débonnaires roys, pardonne nous t'ire et ton maltalent, et aies pitié de nous, quar nous avons mauvaisement et orgueilleusement ouvré vers vous ^. Sire, selonc la multitude de ta très grant miséricorde pardonne nous nos mefîais. » Li rois qui vit le conte de la Marche si humblement devant lui, si ne pout contenir en ire sa miséricorde, ainçoiz le fist lever sus et li pardonna debonnairement quanques il li avoit mefîait. Et lors quita le conte de la Marche tantost au conte de Poitiers les chastiaus et les fortereces que li rois avoit conquis seur lui. Et pour ce que il ne courouçast dès lors en avant le roy par son outrage, li rois prist les m chastiaus desus diz en sa main et les fist garnir de sa gent. Aprèz, le conte de la Marche, sa famé et ses enfanz jurèrent que il tendroient dès lores en avant toutes les choses desus dites loiaument du roy et du conte de Poitiers, et leur feroient servise tel comme il apartenoit à leur fié.
Par ceste pais faite, détint li rois à soi les homages Renaut sire de Pons, Gieffroy de Rancone et du conte d'Eu, de la terre que il avoient en Poitou, et l'omage Gief-
1. En note : « Sire, je recongnois mon délit, car je ay orguilleusement ouvré encontre toy. Et pour ce, selon la quantité de ta miséricorde, ayez mercy de moy. »
froy de Lisignien du chastel de Mervent^ et de celi de Vovent ^ que il tenoient du conte de la Marche. Ces choses achievées le jour de la feste saint Père, qui est le premier jour d'Aoust, li rois Looys jut es prez de Pons, outre la ville, et là vindrent à li li sires de Mirabel et li sires de Mortaigne ^ en qui chastiaus le roy d'Engleterre avoit séjourné li et sa famé et sa gent en sa venue. Ces ii seigneurs firent homage au roy de France et au conte de Poitiers son frère, et les autres seigneurs du pais de ce que il tenoient, jusques à la Gironde. Ce jour meismes, li roys d'Engleterre et son frère Richart, le conte, qui estoient à Blaives, oïrent dire que li rois de France venoit seur euls. Et lors firent tantost leur gent passer la Gironde, et alerent à Bordiaus. Illuec se pourpensa li rois d'Engleterre comment et en quel manière il se porroit apaisier envers le roy de France qu'il avoit couroucié par sa folie, et fu espoentez pour ce que il oï dire que il devoit venir en Gascoigne et la proposoit à mètre sous sa poesté. Et pour ce que il fu en doubtance de ceste chose, il envoia messages au roy Looys pour prendre trêves ; lesqueles li rois de France ne vout lors otroier ja soit ce que il en fu priez de moult de genz. En la parfin, avint toutes voies que li rois Looys s'apensa en soi meismes que nul salut naquist onques hons de dur cuer* ; si se fléchi as prières de ceuz qui l'en prioient et li donna trêves jusques à v ans. ^Incidence. En ce temps avint que les Tartarins qui
1. Merveat, Vendée, arr. de Fontenay-le-Comte, cent, de Saint- Hilaire-des-Loges.
2. Voi>ent, Vouvant, Vendée, arr. de Fontenay-Ie-Comte, cant. de La Châtaigneraie. Ms. 16 G VI, Noi>ent.
3. Ms. 16 G. VI, fol. 398 : « le seigneur de la Montaigne » ; latin : « dominus Mauritanise ».
4. « Nus de dur cuer naquit onques saluz » [Rec. des hist. des Gaules et de la France, t. XX, p. 341).
