Sout, a coutume de

3. En note : « a grant quantité de gens d'armes moult honnourablement ».

qui estait assiz des barons de France ; et du conte de Bretaignc qui se révéla contre lui.

^En l'an Nostre Seigneur MCC et XXVIII, ou secont an du règne le roy Looys, pluseurs barons des barons de France furent dolens et courouciez pour ce que le conte de Champaigne s'estoit ahers- au roy Looys contre la volenté et l'aliance qu'il avoit faite aus contes de La Marche et de Bretaigne, et pour ce que il avoit révélé leur mauves conseil^, assamblercnt grant ost et entrèrent en la terre du conte par devers Alemaigne. Chastiaus, villes, hamiaus et fortereces abatirent et ardirent jusques à Chaourse qui siet entre Bar sus Saine et la cité de Troies, et la pridrent forment à assaillir. Li cuens de Champaigne, quant il vit l'ire des barons ainsi acroistre de jour en jour, si manda au roy Looys son seigneur, ce que les barons li faisoient en sa terre que il tenoit de li et li pria que il li deignast secourre et defTendre sa terre que les barons gastoient en despit de lui.

Quant li rois oï ces nouveles, si pensa en son cuer la loiauté que le sougiet a envers son seigneur, que autele loiauté doit porter le seigneur au sougiet ; ne ne vont pas alongier par demeure ne denier au conte de Champaigne aide. Ains fist faire lettres apertes et autentiques, et manda as barons et leur deflendi que il ne grevassent plus, ne ne gastassent la terre au conte de Champaigne. Mes les barons oïrent les lettres et les messages le roi a demies oreilles et a demis les iex clos, quar ne par lettres ne par messages ne se voudrent partir du siège. Quant li rois sout ce, si fu moult esmeus et assambla grant ost et grant