Cf. Grandes Chroniques, t. VII, p. 115, chap. xl

bevoit et courut comme devez ou despit des chrestiens vers la croiz et vout pissier desus, mes il morut illuec tantost de mort soubite. Ces m miracles ainsi avenuz de la sainte croiz, si comme les chrestiens looient Nostre Seigneur, uns bons riches nez de Grèce qui fu espriz de la grâce de Dieu, vint au bailli de la terre et li pria que il li vendist la place où la croiz seoit pour faire une église, et il en donroit xxii™ soûls au Soudan. Mes quant ce oï li evesques des Turs, si l'empeecha et destourba à faire ^

^Ou temps et en l'an desuz nommé, Landegraves le duc de Thoringe qui avoit esté nouvelement esleus en roy d'Alemaigne, morut et fu esleuz emprèz lui, Guillaumes le conte de Hollande.

Saint Emez de Ponteigny qui fu archevesque de Cantorbire, fu eslevez de terre et mis ou registre des sains.

Comment li rois Looys de France ala outre mer la première foiz.

^En l'an de l'Incarnation Nostre Seigneur MCC et XLYIII, li rois Looys s'esmut pour aler outre mer, et issi de Paris a granz processions qui le convoierent jusques à Saint Antoine, le vendredi d'emprèz Pentecoste. De ce jour en avant, il ne vout puis vestir robe d'escarlate ne de brunete ne de vert, ainçoiz vesti robe de [moult simple] * couleur, ou de camelin ou de pers ; ne ne vout puis espérons dorez, n'estriers, ne sele dorée ; mes simples choses et blanches vout avoir et user dès lors pour sa chevaucheure. Et pour ce que ces choses estoient de meneurs