Les mots entre crochets ont été ajoutés en note
pris que les autres dont il soloit user, si comme ses devanciers les rois de France avoient acoustumé, il establi que son aumosnier donnast une somme d'argent pour Dieu as povres, outre ce que il soloit donner, qui valust autant comme les greigneurs choses desus dites valoient plus des meneurs dont il avoit commencié à user. Li très bons et très sages rois ne voloit pas que les povres perdissent rien en s'umiliation, quar les robes estoient touz jours données pour Dieu quant il les lessoit. Avec le roy, ala mesire Oedes evesques cardinaus de Tusculaine qui estoit legas en France, et le conte d'Artoiz Robers, et Challes conte d'Anjou, frères le roy, et moult d'autres barons et de prelas du roiaume de France. Ses frères Aufons conte de Poitiers, demoura celle année avec sa mère la roine Blanche pour garder le roiaume, ja soit ce que il fust croisié ausi comme li autre.
Li rois ala par Bourgoigne jusques à Lyons et visita derechief le pape Innocent qui encores sejournoit illuecques, et s'en parti assez briement quant il out sa beneïçon receue. Il vint de Lyons à la~ Roche de Glin, 1 chastel fort desus le Rone, et le fist assaillir et le prist par sa force, pour ce que le seigneur du chastel roboit et despoulloit et charchoit de trop mauvaises coustumes touz ceuz qui par le chastel ou prèz du chastel passoient. Li rois fist le chastel destruire en partie, et puis le rendi au seigneur sus tele condicion que il laisseroit à despoillier dès lors en avant et à grever les trespassans ^. Aprèz ce, li rois se départi d'iluecques et erra tant que il vint à Aigue-Morte, et entra le mardi aprèz la feste saint Bertremil l'apostre en sa nef, et séjourna illuec ii jours pour attendre bon vent. La contesse d'Artoiz qui grosse d'enfant estoit, retorna du port d'Aigue-Morte en France, et
i. En note : « Et de ce ot caucion et ostaiges. »
atendi à passer jusques atant que le conte de Poitiers ala outre mer.
Le vendredi aprèz ensuivant, H rois à cui Diex donna bon vent se parti du port ; et siglerent tant si marinier par mer, que le juesdi devant la feste saint Maci l'apostre, li rois arriva de nuit en Chipre au port de Nimeçon. Illuec entra li rois en Chipre et prist terre et y séjourna tout river par le conseil de ses barons et des barons de la terre pour atendre ses genz, ses nez, ses galées et ses arbalestiers qui n'estoient pas encores venuz. Endementres que li rois de France sejournoit en Chipre, li rois et les barons et les prelas de Chipre, prezques touz, pridrent la croiz et jurèrent au roi Looys que il iroient avecques lui, là où il les voudroit mener quant li yvers seroit passez.
En ce temps avint que li soudanz de Babiloine, qui vers Damas estoit et s'apareilloit de venir sus les chrestiens de la terre d'outre mer ; quant il entendi les nouveles que li rois de France venoit pour passer outre mer, si rapela ce qu'il baioit à faire. Haine estoit lors grant entre ce soudan de Babiloine et celui qui fu soudan de Damas et ceuz de Halape. En ice temps meismes, morurent, des pèlerins de France, Robers evesques de Biauvez et le conte Jehan de Montfort, le conte de Vendôme, Guillaume^ de Mellou, Guillaume des Barres, chevalier preus et viguereus ; Archembaut seigneur de Borbone ; le conte de Dreues Robert, et moult de autres chevaliers jusques à ce et xl ; et Challes le conte d'Anjou frère le roy Looys fu lors malades griement d'une lièvre quartaine. En ce temps meismes f u apaisiez par le cardinal de Rome, monseigneur Oede, une descorde qui avoit duré longuement entre l'archevesque de Nichocie et les chevaliers de Chipre ; et furent tuit assous d'un cardinal. Li archevesques des Griex en Chipre qui avoit esté gieté hors de ses églises ausi
