II faudrait Dreux de Mello

comme hérite et inobediens à son propre archevesque des latins, revint lors à s'eglise et moult d'autres Griex qui avoient esté escommuniez et inobéissanz, et furent assouz et renuncierent à aucunes hérésies que il avoient soustenu. Moult de Sarrazins ausi qui estoient lors en Chipre comme esclaves en chaitivoisons requistrent le saint baptesme et furent baptiziez.

Des messages as Tartarins qui vindrent au roy Looys en Chipre.

^ Vers la feste de Noël, si comme li rois Looys demoroit à Nichocie une cité de Cypre, vindrent messages à lui de par I grant baron des Tartarins qui avoit non Ercalthai ; et li aporterent lettres de par leur maistre. Illuec fu presenz frère Andrieu de Loncjumel, de l'ordre des Préecheeurs, qui cognut le greigneur des messages qui David estoit nommez, quar il l'avoit veu en l'ost des Tartarins quant il et autres frères furent envoiez de par le pape, si comme il est desus dit, à l'ost des Tartarins. Li roys Looys, quant il ot receu les lettres qui estoient escriptes en arabic et en langue de Perse, si les fist mètre en latin par frère Andrieu et les envoia en France seelées de son contre seel, à la royne Blanche sa mère. Les messagiers disoient que li granz rois des Tartarins que l'en nommoit Cham avoit pris le saint baptesme et estoit chrestiens et pluseurs autres de princes tartarins dès m anz a jà passez et acompliz du jour de la Thyephaine passée, et tenoient la foi chestiane. Pluseurs anz avoit jà passez que Ercalthai leur maistre iert chrestiens et estoit envoiez de par le grant roy des Tartarins Cham a grant multitude de Tartarins pour essaucier et pour acroistre la foi chres-