Cf. Grandes Chroniques, t. VU, p. 121, chap. xliii
tiane. L'entention et le propos d'Escalthay estoit à faire et procurer le pourfit de touz ceuz qui aourroient la sainte croiz et combatre soi contre touz ceuz qui de la sainte croiz estoient anemis, et desiroit moult à avoir l'amour et la bone volenté le roy Looys de France, qu'il avoit oï dire qu'il estoit arrivez en Chipre. Et encores disoient les messagiers et aiïermoient pour certaine chose, que Ercalthay devoit assegier la cité de Baudas où le Calife des Sarrazins demouroit, dedenz la feste de Pasques prochaine à venir, par lequel calife, le soudan de Babiloine avoit souvent aide et avoit eue ou temps que Damiete fu assegié du roy Jehan de Jérusalem. Toutes ces choses dites et moult d'autres nouveles oïes et entendues par les devant diz messagiers et par leurs lettres, H rois fu liez et reçut les messages moult honorablement et les fist reposer et aisier, et aministrer quanque mestier leur fu. Le jour de Noël furent avec le roy de France à la messe en l'église li messagier et au diner le roy, et à la Tyephaine ausi, et si s'orent moult bien et honestement en la manière des chrestiens, si comme l'en pout apercevoir. La teneur des lettres du roy des Tartarins Cham, qui fu envoie au roy Looys en Chipre fu tele.
« Par la poissance du très haut Dieu, les messages Ercalthay qui aportent les paroles du grant roy Cham, roy de moult de provinces, noble combateur du monde, glaive de Chrestienté, victoriens deffendeur de la religion des Apostres et de la foi de l'Euvangile, au roy de France. Nostre Seigneur croisse ta seignorie et ton roiaume gouverne par lonc temps ; tes volentez acomplisse en sa loi en cest monde et maintenant et touz jours. Diex te doinst conduit par vérité divine et tes genz voille garder par les saintes proieres des prophètes et des apostres Amen. Cent mille beneïçons et cent salus te mant. Par ces lettres té prie que tu reçueves ces salus, quar c'est grant chose en-
vers li, et Diex face que je voie toi qui granz rois ies. Li hauz Crierres du ciel et de la terre face que nous, en charité, puissons si assambler que nous soions touz un. Aprèz ces salus, saches par ceste epistre que nostre entention est faire le pourfit de Crestienté, et ce nous otroie Dieu par l'aide des rois chrestiens. Je pri et requier Dieu que il doigne victoire à l'ost des chrestiens et sousmete à euls leurs adversaires qui despisent la croiz. Par le très haut roy, essauce Diex le roy et croisse sa hautesce si que chascun le voie. Nous volons par nostre poesté et par nostre mandement, que tuit chrestien soient franc et hors de servage et soient quittes de treu, de corvée et de paage et de toutes autres coustumes et soient en honeur et en révérence, et nulz n'atouche à leurs possessions. Nous volons que les églises destruites soient reedifiées et que l'en sonne les cloches et les tables, et que nulz ne s'enhardisse à deveer leur à ce que il ne prient paisiblement de cuer et volentiers pour nostre roiaume. Et pour ce, nous a Dieu en cest temps amené en vie que nous gardons et façons le profit de chrestienté que il" nous otroit. Ces choses nous avons envoiées par nostre loial home et honorable Sabeldinmoufïat David et par Marc, pour ce que il anoncent bouche à bouche comment les choses se portent envers nous. Recoif nos lettres et nos paroles quar elles sont vraies. Cil qui est sires du ciel et de la terre acroisse si sa hautece que il commande que nulle différence soit entre Latin et Grieu, Ermenien, Nestorien, Jacobin et touz ceuz qui aourent la croiz. Et ausi, requérons nous que li granz Diex ne devise pas entre euls, ains soions tuit i, et sa pitié et sa debonaireté soient et durent sor touz chrestiens. Donné en Fruemer Charran. Et sera bonne chose Diex l'otroit.
D'une autre epistre qui fu envolée au roy de Chypre.
^As lettres Cham le roy des Tartarins resambloient unes lettres qui furent envolées i poi devant cestes au roy de Chipre, et furent bailliés au roy Looys ; desqueles li legaz, mesire Oedes, envoia le transcript au pape Innocent le quart avec le transcript des lettres le roy des Tartarins ; et fu la teneur des secondes lettres tele.
« A très haut et poissant home, monseigneur Henri par la grâce de Dieu roy de Chipre, et à sa chiere suer Emeline la roine, et à noble home Jehan de Ybelin son frère, li connestables d'Arménie, salut et amour. Sachiez quar aussi comme je m'esmui à aler là où vous savez pour Dieu et pour le pourfit de la foi chrestiane, tout ausi Nostre Seigneur m'a conduit sain et sauf jusques à la ville que l'en apele Saucequant. Moult de terres estranges ai veues en la voie. Inde laissâmes derrière nous. Par le royaume de Baudach passâmes et meismes ii mois à passer toute la terre de ce roiaume. Moult de citez vcismes que les Tartarins avoient gastées, desqueles nulz ne porroit dire la grandeur ne les richeces dont elles estoient plaines. Nous veismes aucunes villes granz par l'espace de m journées, et plus CM monciaus granz et merveilleus des os de ceuz que Tartarins avoient tué et occiz. Et se la grâce Dieu n'eust amené les Tartarins pour occirre les païens, il eussent destruit si comme nous poons veoir la terre toute deçà la mer. Nous trespassames un grant flueve qui vient de Paradiz terrestre et a non Gion, duquel les haraines durent d'une part et d'autre par l'espace d'une grande journée^. Si sachiez que des Tartarins est si grant plenté
