Latin : « cujus arena durât undecunque per unam ma
que il ne pueent estre nombrez par home. Ils sont bons archiers et ont laides faces et diverses ; je ne vous porroie descrire la manière dont il sunt. Bien a passé viii mois que nous ne finames d'errer par nuit et par jour, et encores ne sommes nous pas ou milieu de la terre Cham, le grant roy des Tartarins. Si avons entendu pour certaine chose que puis que Cham, li rois des Tartarins, pères de cestui Cham qui règne maintenant, fu trespassez, que li baron et li chevalier des Tartarins qui estoient par diverses terres, mistrent bien par l'espace de v anz à assambler le roy Cham qui maintenant règne, et à paines porent estre assamblez en un lieu. Aucuns d'euls estoient en Inde et en la terre de Chata ; les autres en Roussie et en la terre de Chascat et de Tangat qui est la terre dont les m rois furent qui vindrent en Jérusalem pour aourer Nostre Seigneur ; et sunt les genz de celle terre chrestiens. Je fui en leurs églises et vi Jhesu Crist paint ainsi comme les m rois li offrent or, myrre et encens. Par ces m rois tindrent et orent premièrement cil de Tangat la foi chrestiane et par euls sont maintenant chrestiens Cham, li rois des Tartarins, et sa gent. Devant leurs portes sont les églises où l'en sonne cloches selonc la coustume des Latins et tables selonc la manière des Griex ; et va l'en au matin premièrement saluer Nostre Seigneur Jhesu Crist es églises, et puis aprèz le roy Cham en son palais. Nous avons trouvez moult de chrestiens espars et espanduz par la terre d'Orient, et moult des églises bêles, hautes et ancianes qui ont esté gastées par les Tartarins avant que il fussent chrestiens ; dont il est avenu que les chrestiens d'Orient espanduz par divers lieus sunt venus au roi Cham des Tartarins qui maintenant règne ; lesquiex il a receu a grant honeur et leur a donné franchise, et a fait crier partout
gnam dietam », c'est-à-dire qu'il faut une grande journée pour aller d'une rive à l'autre.
que nulz ne soit si hardi que il les courrouce ne en fait ne en parole. Et pour ce que Nostre Sires Jhesu Crist n'avoit en ces parties qui preechast son non, il meismes, par ses saintes vertuz que il a demonstré es a preechié en tel manière que les gens croient en lui. En la terre d'Inde que saint Thomas l'apostre converti à la foi chrestiane, avoit ï roy chrestien entre les Sarrazins à cui les Sarrazins avoient moult de griez faiz jusques au temps que Tartarins vindrent, qui pridrent sa terre en leur main, et en fu leur home. Aprèz ce que il fu devenu leur hom, il assambla son ost avec l'ost des Tartarins et entra en Inde contre les Sarrazins et conquist tant que toute sa terre est plaine d'esclaves des genz d'Inde ; et de ces esclaves, je vi plus de v" mille que li rois commanda à vendre. Si sachiez que li papes a envoie au roy Cham des Tartarins messages pour savoir se il estoit chrestiens, et pourquoi il avoit envoie sa gent pour occirre les chrestiens et pour tuer le pueple. A ce respondi li rois Cham que nostres sires Diex avoit mandé à ses devanciers, aieus et besaieus que il envoiassent leur gent par le monde pour occirre et pour destruire les mauvaises genz. Et à ce que li papes li manda se il estoit chrestiens, il respondi que ce savoit Diex, et se li papes le voloit savoir, si venist en sa terre ; si veist et seust comment il estoit des Tartarins. »
De la cause et des demandes que li rois Looys fist as messagiers des Tartarins.
^ Quant les lettres furent leues, li rois Looys demanda as messagiers d'Escarthay combien il avoit que il fu baptiziez et là u il estoit maintenant. Aprèz ce demanda de
