Cf. Grandes Chroniques, t. VII, p. 128, chap. xlv
Testât des Tartarins et la cause pourquoi il furent meus à venir, et l'occasion et par cui il sorent que li rois de France devoit venir outre mer. A ces choses respondirent les messagiers et distrent que unes lettres furent envoiées à Cham, le grant roi des Tartarins, de par le soudan de Moissac, la cité qui jadiz fu apelée Ninive, que il avoit receues du soudan de Babiloine, esqueles il estoit contenu que li rois de France venoit outre mer. Et disoit encores par fraude en ces lettres, li soudans de Babiloine, que il avoit priz lx nez par force qui estoient le roy de France et les avoit fait mener en Egypte, par quoi il voloit monstrer que le soudan de Moissac ne se devoit pas fier en la venue le roy de France ; et pour ceste raison, a envoie Ercalthay ses messages au roy de France pour ce que il li facent asavoir que le propos des Tartarins est d'assegier Baudas et le calife des Sarrazins en l'esté prochain, et prioit Ercalthay le roy de France que il assaillist premièrement Egypte pour ce que li califes ne peust estre aidiez des Egyptiens.
Li messagier dirent encores au roy Looys que li pueples qui est apelez Tartarins issi hors de sa terre xl anz ja passez. Citez n'ont ne chastiaus ne villes où il puissent estre ne demorer. En pastures se tapissent et illuecques entendent à norrir leurs bestes. La terre dont il vindrent et dont il issirent est loing de la terre où Cham, le grant roy, demeure et en laquele il a mis son siège, par l'espasse de XL journées ; et a non celle terre Tartar, pour laquele il sont apelez Tartarins. Aprèz distrent les messages que les Tartarins, au commencement, quant il issirent de leur terre, il se combatirent contre le fil Jehan le Prestre roy d'Inde et desconfirent son ost et les occidrent touz. Item, disoient li messagier que li roys Cham avoit avec lui ausi comme touz les chapitaines du pueple et si grant multitude de gent à pié et à cheval et si grant plenté de bestes,
que nulz ne les porroit nombrer. En paveillons et en tentes demeurent touz jours, quar nulle cité ne les porroit recevoir. Leurs chevaus et leurs bestes demeurent touz jours en pastures, quar il n'ont ne orge ne paille ne autre chose qui peust souffire à leurs bestes. Li capitaine envoient devant euls forriers qui courent par les régions et les sousmetent à euls, et il demeurent touz jours avec le grant roy. Quant il avient que li grans rois muert, li capitaine ont pooir de restablir et de mètre à leur volenté roy nouvel i des neveus ou i des filz au roy mort.
Les messages disoient encores que li rois Cham, qui lors regnoit, avoit esté nez de mère chrestiane et avoit esté fille le roy d'Ynde Jehan le Prestre ; par l'amonestement de laquele et d'un saint evesque qui estoit nommez Malassias, li rois Cham et xviii filz des roys et des capitaines et pluseurs autres avoient receu le saint baptesme. Mes moult sunt encores de genz entreuls qui ne sont ne ne voilent estre chrestiens. Ercalthay qui ça nous envoia est chrestien de lonc temps, ne n'est pas de la roial ligniée nez, mes granz hons et poissanz est es parties de Perse. Li rois Looys demanda as messages pourquoi 11 dux Bachon avoit si malement receu les messages le pape qui aloient au roy Cham. Il respondirent et distrent que Bachon estoit paiens et avoit conseiliiers sarrazins ; mes il n'avoit pas posté tele comme il soloit, quar il estoit mis sous la poesté Eccarchay. Li rois requist derechief savoir mon se le Soudan de Moissac, qui seut estre apelée Ninive, estoit chrestiens. Li messages respondirent que il estoit filz de famé chrestiane et que il amoit de cuer les chrestiens, et gardoit leurs festes, ne n'obéissoit de riens à la loi Mahomet et creoient moult de genz que se il avoit temps ne oportunité, que il secoroit volentiers chrestiens. Et encores disoient les messages que le non du pape estoit ja moult celebrable ou pueple des Tartarins et que Ercalthay proposoit au temps nouvel venir sus le Calife des
Sarrazins pour vengier la honte que les Sarrazins f aisoient à la gent chrestiane.
Comment li roys Looys envoia messages aus Tartarins.
^Les choses desus dites et entendues, li rois Looys envoia messages as Tartarins par son conseil, et envoia par ses propres messages lettres et joiaus au roy Cham des Tartarins et à Erchalthay, et repaireroient les uns tantost comme il avoient parlé à lui, et les autres iroient d'iluecques au roy Cham, Li rois Looys qui entendi des messages as Tartarins que li rois Cham aroit moult chier une tente ou une chapele d'escarlate vermeille, en fist une appareillier et faire moult bêle où il avoit aucuns penniaus broudez de legiere brouderie fichiez à la tente, esquiex il estoit descript et broudé ce que Nostre Sires fist pour nous quant il deigna venir en terre. Ices choses et autres qui apartenoient à aornemenz de chapele, envoia li rois Looys au roy Cham des Tartarins pour lui esmouvoir à la dévotion de la foi chrestiane. Derechief, li rois Looys envoia au roy Cham et à Ercarthay, le prince des Tartarins, du fust de la sainte croiz, et les amonesta moult dévotement par ses lettres, que Nostre Sire Jhesu Crist, qui par sa grâce les avoit apelez à sa foi, il amassent et servissent si comme il dévoient, et persévérassent touz jours de miex en miex en s'amour. Mesire Oedes de Chastiau Raoul, cardinal et légat de l'église de Rome, envoia ausi au roy Cham et à sa mère, et à Ercarthay, et as prelas et as barons des Tartarins une epistre en quoi il leur denonçoit que l'église de Rome les recevroit volentiers comme chiers filz, qui estoit moult liez de ce que il avoient
