Cf. Grandes Chroniques, t. VII, p. 133, chap. xlvii

ner en s'aide contre les chrestiens, et fist que li califes de Baudas et le Viel des Montaignes roy des Harcasis leur envoierent lettres et messages pour ce qu'il les peussent concorder ensamble. Mes li soudanz de Halape qui cognut bien la tricherie et le malice du soudan de Babiloine si ne s'osa fier en lui, ne ne vout faire pais ne composition de concorde vers lui ; pour laquele chose, li soudanz de Babiloine fu forment courouciez et fist asseoir la cité de Chamele par sa gent qui estoit de la seignorie au soudan de Halape, puis s'en retorna à Damas pour le temps d'iver.

Au siège de Chamele, out li soudanz de Babiloine moult de damages, en genz, en bestes et en armes et en autres choses pour l'yver, et pour la pluie et pour les Bédouins qui couroient çà et là. Quant li soudanz de Halape entendi que la citez estoit assegiée, si appareilla tantost grant ost et s'esmut pour oster le siège. Mes li message au calife vint encontre li et l'amonesta de par son maistre que il feist pais au soudan de Babiloine. Li messages proposa et dist que moult de periz vendroient à la gent sarradine se il ne faisoient paiz ensamble, quar chrestiens venoient pour destruire la loi Mahommet. Et s'il avenoit que li Sarrazin se combatissent ausi les uns as autres, grant confusion leur en porroit venir et joie et profit acroistroit as chrestiens qui sunt leurs anemis. Ces choses et moult d'autres dites par le message au calife, li soudans ne vot faire pais, ainçoiz dist que tant comme cil de Babiloine seroient en sa seignorie, il ne traiteroit en tele chose, et se il ne laissoient le siège de la cité, il se combatroit l'endemain à euls.

Quant li messages du calife vit que il ne porroit faire pais ne confermer par devers le soudan de Halape, si se départi tantost et ala à l'ost de ceuz de Babiloine, et leur dist le péril qui leur sourdoit se il ne se partoient du siège. Tantost comme cil de Babiloine entendirent les paroles au message au calife, si se départirent du siège de Cha- X 5

mêle et retornerent a grant confusion à Damas où le soudan de Babiloine estoit griement malades.

Entre ces choses qui ainsi avenoient, envoia H maistres du Temple et li mareschaus de l'Ospital d'Acre, lettres au roy Looys, es queles il li signifioit que li soudanz de Babiloine estoit venuz a grant ost es parties de Gaze pour fere paiz au soudan de Halape et de Damas et se doubtoient forment que il n'asseist ou Japhe ou Cesaire. Aprèz ce, derechief escript li maistres du Temple au roy Looys que un amiraut de l'ost au Soudan de Babiloine estoit venuz à lui pour enquerre et pour savoir se li rois Looys de France voudroit faire pais au soudan, quar ce feroit-il volontiers. Quant li rois Looys entendi ce, si li desplut moult et à touz ses barons ausi meesmement, quar ausi comme aucuns disoient, li soudan à la requeste le maistre, li Soudan li avoit envoie l'amiral. Tantost li rois Looys manda au maistre du Temple par ses lettres, que il ne fust des ore en avant si hardiz que il receust tiex messages sanz son especial mandement, ne que parlement venist as Sarrazins de tex choses.

L'en disoit parmi Chypre, cil qui cognoissoient les fais de la terre de Syrie, que li Syrien, de combien que il fussent grevez, ne faisoient pas premiers mention ne parole de trêves prendre ; mes lors le faisoient quant il en estoient requis a grant instance. Et pour ce que li maistres du Temple en avoit fait premier parler, si comme l'en disoit, la condition des chrestiens en estoit empiriée, et meesmement pour ce pooient li Turc croire que se li roys Looys ne se sentist mains fueble des Sarrazins, il ne quesist pas occasion ^ de retorner en son païs.

1. Les mots il ne quesist pas occasion ont été barrés dans le manuscrit, et on a mis en note : « Et pour ce ne se voulsist soustiver par quelque manière, se il peust. »

Des messages que li rois d'Ermenie envoia au roy Looys en Chipre, et d'un descort qui fu entre les mariniers et le visconte de Chastiaudun.

^En ce temps meismes que li roys Looys demoroit en Chipre, li rois d'Ermenie qui sout sa venue, si envoia messager solenniex, i evesque Ermin^ et autres de ses privez qui aporterent dons precieus et lettres en quoi il estoit contenu que il offroit tout son roiaume au roy Looys à sa volenté. Li rois reçut ses lettres et ses messages moult honorablement ; et quant il sout le descort qui estoit entre le prince d'Anthioche et le roi d'Ermenie qui avoit ja duré longuement^, si envoia pour ce et pour autres choses propres messages à l'un et à l'autre. Dont il avint aprèz ce, que le prince d'Anthioche et le roy d'Ermenie envolèrent derechief messages solenniex au roy Looys qui pridrent trêves devant lui, de la feste saint Jehan prochaine venant jusques à ii anz ensuivant. Et pour ce que li Turc avoient un poi devant ce gastée la terre d'Anthioche, li prince et li patriarches d'Anthioche requistrent aide au roy Looys, li quiex leur envoia vi" arbalestiers.

*En ce temps meismes, avint en la terre de Chipre que li dyables esmut contens entre le visconte de Chastiaudun et ses mariniers, dont il avint que les arbalestiers au visconte occidrent ii Genevois, dont li uns estoit grans hons et nobles. Et fu lors li viscontes si troublez et esmeus que il prist conseil au conte de Montfort et vout passer