Cf. Grandes Chroniques, t. VII, p. 137, chap. xlix

en Acre a grant plenté de chevaliers. Quant li rois Looys sout et entendi ses nouveles, il fist ou visconte et as chevaliers deffendre, et commander que il ne se départissent, quar par tele acoison se porroit l'ost dessevrer, et le commun pourfit de la chrestienté porroit estre empeechié. Mes quant li rois vit que le visconte voloit acomplir du tout ce que il avoit en propos à faire, si fist armer ses galées et fist deffendre as maistres des nez, que nulz ne fust si hardiz qui li baillast vaissel pour passer. Lors quant ce aperçut le visconte, si saisi une nef et la prist par force avec la garnison qui en la nef estoit, quar il disoit que par les convenences qui avoient esté faites entre lui et les seigneurs des nez, la nef devoit estre soe et quanques il avoit dedenz. Ces choses ainsi faites, li rois fist traitier de paiz et fist i compromis en tel manière que chascune des parties esleust pour soi i preudomme, et li rois fust li tiers ou i meist le tiers. Mes pour ce que les ii parties ne se porent concorder, la descorde ne se pot lors ainsi acorder ne apaisier. Toutes voies, à la parfin, avint à l'instance du roy et du légat de Rome que le visconte rendi aprèz Pasques, au Genevoiz la nef, et compromistrent li Genevoiz, sus paine de ii™ livres, que il se jugeroient en la court le roy de France des quereles qui estoient entre euls et le visconte.

^ Entre ces entrefaites, avoit envoie li rois Looys en Acre et en autres lieus pour louer nez et vessiaus ; mes quant les messages furent en Acre, il ne porent en nulle manière fléchir les Genevoiz ne les Veniciens que il vosissent mètre raisonables priz en leurs vessiaus, quar lors, par l'amonestement du dyable, estoit sourse une grant discorde en Acre entre les Genevoiz et les Pisoiz, et avoit esté occiz et feruz d'un javelot li maistres des Genevoiz. Un poi devant ce, estoit ausi contens meus entre les Veni-