Cf. Grandes Chroniques, t. VII, p. 139, chap. l

ciens et le baillif au roy de Chipre, pourquoi il convint que li rois renvoiast la seconde foiz le patriarche de Jérusalem, l'evesque de Soissons et son connestable pour louer vessiaus et pour apaisier les dites discordes. En Chipre fîst li rois Looys faire petiz vessiaus qui estoient nécessaires et convenables à prendre terre sus les anemis de la foi. Et lors, furent pris en Chipre aucuns homes qui regehirent que euls et autres avoient esté envoiez en Chipre de par le Soudan de Babiloine pour occirre par venin le roy Looys et les greigneurs de son ost.

Comment li rois Looys et son ost partirent de Chipre, et comment il prièrent le port de Damiete.

^En l'an de l'Incarnation Nostre Seigneur MCC et XLIX, entour l'Ascension, vindrent en Chipre au roy Looys les nez que il avoit fait louer, et des isles d'entour vindrent autres nez assez et grant plenté de barons et de chevaliers et de pèlerins qui avoient séjourné es isles d'entour Chipre ou temps d'yver devant trespassé. Le jour du samedi aprèz l'Ascension^, li rois Looys qui entrez fu en sa nef et out assamblé illuec touz ses barons, fist par son conseil publier et crier par tout l'ost que tuit adreçassent leur voie au port de Damiete, quar là baioit à arriver par la grâce de Dieu. Dès le jour de l'Ascension^ que nos genz furent entrez en leurs nez, il demorerent ou port jusques au jour du merquedi* aprèz, pour ce que il n'avoient pas temps convenable pour sigler, et pour ce que touz les pèlerins n'estoient pas appareilliez. Ce jour