juin
et fu li roys Looys en un petit vessel avec le cardinal qui portoit la sainte croiz nuement et apertement. Devant le roy, en un autre petit vessel aloit l'enseigne monseigneur saint Denys le martyr de France et les frères le roy et autres barons avironnez de grant plenté de chevaliers et d'arbalestiers. Si comme il approchierent prèz de la terre, il firent tantost forment et viguereusement grant assaut à leurs anemis de saietes et de javeloz et les grevèrent moult ^ Mes quant il virent que leurs vessiaus ne pooient venir à sèche terre, pour la mer qui estoit illuec trop espandue et poi parfonde, si saillirent li pluseur en la mer bien armez de leurs armes, et vindrent à pié à sèche terre. Li Sarrazin et li Turc qui le rivage gardoient, s'efïorcierent moult de defîendre que nos genz ne preissent terre et leur lancierent espessement à l'issir de leurs vessiaus saietes, dars et javelos et les ferirent à l'aprochier de lances et de glaives forment. Mes nos gens, par la vertu de Dieu se tindrent si forment que il pridrent terre par force et reculèrent les Sarrazins, et occidrent grant plenté d'euls et de leurs chevaliers et de leurs chevaus. Illuec, sanz poi de damage des nos^, furent occis aucuns granz maistres des Sarrazins ; c'est à savoir le postât de Damiete et II granz amiraus. A ceste bataille ne fu pas li soudanz de Babiloine, quar il estoit venuz de nouvel des parties de Damas et se tenoit à une Hue de Damiete pour ce que il estoit malades et dehaitiez.
Ce jour meismes les galées de nos gens occupèrent l'entrée du flun de Nylus et s'enfuirent les galées as Sarrazins et montèrent contremont le flun. Tantost aprèz ce, li rois de France et les barons et les pèlerins firent leurs
1. En note : « Car par la fiance que il avoient en l'aide de Dieu et en la sainte croix que avec eulz portoient, moult estoient entalentez de combatre les ennemis de la foy. »
2. En note : « Car pou ou nul des nostres ne fu ilec navré. »
paveillons et leurs tentes tendre seur le rivage et se reposèrent illuecques. L'endemain qui fu le jour d'un diemenche ^, il demorerent en ce lieu et ordenerent que les gens, les chevaus et les autres bestes qui encores estoient es nez descendissent en icelle journée et venissent en l'ost.
Ci aprèz ensuivant parole comment Damiete fu prise.
^Aprèz ce bon commencement, envoia Nostre Sires Jhesu Crist au roy Looys et à son pueple chrestien plus beneureuse aventure, quar les Sarrazins qui estoient en la cité de Damiete furent espoentez par la vertu divine ; dont il avint que la nuit que nos genz occupèrent le rivage et se logierent, le pueple de la cité s'en issirent soudainement, et l'endemain, le jour du diemenche, les greignieurs des Sarrazins s'enfuirent et laissierent la cité, et geterent le feu deçà et delà. Nos gens qui aperçurent ce, s'esmurent tantost et coururent vers la cité ensamble et entrèrent dedenz parmi i pont de nez que Sarrazins avoient delessié assez entier, fors une routure i avoit qui fu tantost appareilliée^
Quant li roys Looys entendi la nouvele et sout certainement que Sarrazins s'en estoient fouis, si envoia tantost sa gent illuecques et fist mètre sa garnison par toute la cité. Aprèz ce, en ce jour meismes, il se trest vers le pont de la cité et fist tendre près du pont ses paveillons pour ce que se sa gent qui estoient dedenz avoient mestier d'aide, que l'en les peust secourre plus tost. Moult grant garnison trouvèrent nos gens en la cité, ja soit ce que Sarrazins en eussent moult emporté et que li feuz en eust
