En note : « de par nez gens
moult degasté, quar la ville avoit esté garnie moult habundaument de lonc temps. La cité de Damiete estoit moult fort de murs et de tours et pour le flueve de Nylus qui l'avironnoit, et avoit esté moult enforciée puis lors que li rois Jehans de Jérusalem l'avoit prise. Dont moult de gens disoient que par force ne peust estre prise, se Nostre Seigneur ne l'eust fait par sa vertu et par ses miracles, quar tant comme il eust gent dedenz qui eussent souffisaument garnison de vitaille, il peussent tenir la cité et demorer illuecques tant comme il vousissent. Quant la cité fu netoiée et vuidiée d'aucunes charoignes de homes et de bestes, et li feuz fu estains, li legas et li patriarches de Jérusalem, et les evesques qui presens estoient, entrèrent à procession chantant en la cité, et les sui li rois Looys et les barons et li pueples nus piez moult dévotement. Au premier vint li legas ou lieu de leur mahomerie et le prist à reconcilier, quar autrefoiz, quant la cité fu prise de nos gens, y avoit l'en dédié une église en l'oneur de Nostre Dame Sainte Marie. Illuecques rendirent grâces et loenges à Nostre Seigneur li rois Looys et les barons, et célébra une messe li legas et li clergiez en l'onneur de la Vierge Marie mère Nostre Seigneur^. L'entencion du roy fu que il meist illuec prélat et chanoines qui servissent en ce lieu assiduelment Nostre Seigneur. Ainsi comme vous avés oï, fu prise merveilleusement Damiete le jour des octaves de la Trinité l'an de Nostre Seigneur MCC et XLIX. Illuecques demora li roys Looys et li os des chrestiens, tout l'esté jusques atant que li flueves de Nylus fust descreus, qui en ce temps occupoit la terre, pour ce que par sa poissance avoit autrefoiz grevé les chrestiens quant li roys Jehans prist Damiete.
En ce meismes an, le jour de la feste Saint Jehan Bap-
1. En note : « laquelle fu solennele, et la chanta le légat du Saint-Pere. »
tiste, Auphons contes de Poitiers, frères le roy Looys, et la contesse d'Artois, qui demorée fu au port d'Aigue- Morte, si comme il est dit desus, murent à venir outre mer, et demora la royne Blanche seule à garder le royaume de France. L'endemain de la feste Saint Bertremil l'apostre ^, entra li contes de Poitiers et la contesse d'Artoiz en mer au port d'Aigue-Morte, et arrivèrent au port de Damiete le diemenche avant la feste des apostres saint Symon et saint Jude ^.
Ci aprèz ensuivant, parole comment li rois de France et li ost des chrestiens se partirent de Damiete pour aler vers la Masourre, et d'aucuns assaus que il soustindrent en la voie, des Sarrazins, desquiex il i ot moult d'occis.
^Entour la feste de Touz Sains, li rois Looys et les barons de l'ost as chrestiens pridrent conseil ensamble et appareillierent leur ost par terre et par yaue, et issirent de Damiete le vintisme jour de novembre contre les Sarrazins qui avoient leur ost assamblé ou lieu que l'en dit la Masçourre. En la voie, orent et soustindrent aucuns assaus des Sarrazins ; mes plus i perdirent les Sarrazins que il n'i gaaignierent *. Nouveles vindrent lors à nostre gent que li soudans de Babiloine estoit de nouviau trespassez de cest siècle, et avoit mandé à un sien fil qui demoroit lors es parties d'Orient, que il venist hastivement en Egypte. Mes avant que il morust, fist faire serement à touz les greigneurs de son ost que il porteroient loiauté
