Cf. Grandes Chroniques, t. VII, p. 146, chap. liv

4. En note : « Car à chascune foiz perdoient grant foison de leurs gens. »

à son fil, et bailla la garde de son ost et de sa terre à un amiraut qui avoit non Farchadin.

^Le jour de mardi devant NoeP vint l'ost des chrestiens prèz de l'ost de la Masourre, mes accès ne porent lors avoir as Turs ne as Sarrasins pour le flueve de Thaneos qui couroit entre les ii os et se devisoit illuecques du grant flueve de Nylus. Entre ces ii flueves tendirent nos gens leurs trez et leurs pavillons, et se herbergierent illuecques de l'un flueve jusques à l'autre. En ce lieu orent aucunes foiz nos genz bataille as Sarrazins ; mes moult i out occiz des Sarrazins et de noiez en la rivière de Nylus qui roide iert et parfonde. Mes pour ce que le flueve de Thaneos ne pooit estre trespassez n'a pié n'a cheval pour sa parfondeur et pour les rives qui hautes estoient, nostre gent commencierent à faire une chauciée sus la rive pour ce que li oz peust passer par illuec as Sarrazins. Grant pièce de temps mistrent à la chauciée faire et appareillier, et en moult de péris et de travaus en furent^, quar les Sarrazins qui d'autre part de la rivière furent, mistrent toute leur force à destruire la chauciée par engins que il drecierent contre les engins de nos gens. Aucuns chastiaus de fust que nos gens avoient dreciez sus le pas de la chauciée despecierent les Sarrazins par leurs engins et ardirent de feu grejoiz, si qu'il perdirent leur espérance de parfaire la chauciée. En la parfin, avint que par un Sarrazin, qui de l'ost as Egiptiens venoit, entendirent nostre gent que i petit desouz le lieu où l'en faisoit la chauciée, avoit i pas à guéer chevaus, par lequel nostre gent porroient bien passer. Lors pridrent nos barons conseil ensamble et ordenerent le jour de quaresme prenant*