février

leurs batailles et leurs eschieles, et vindrent droit au lieu que li Sarrazins avoit enseignié. Mes quant il furent entrez ou flueve, si furent en grant péril, quar trop leur fu li lieus perilleus plus que li Sarrazins n'avoit dit. Leurs chevaus convint noer par force pour ce que la rivière iert trop parfonde, et péril avoit à l'arriver de là outre pour les rives qui estoient hautes et boeuses. Toutes voies, par la volenté de Dieu, nos genz passèrent le flun et vindrent droit au lieu devant la chauciée où les Sarrazins avoient drecié leurs engins. Illuec se combatirent as Sarrazins et moult en occidrent^. Entre les autres leur capitaine fu occiz et aucuns amiraus.

En la parfin avint que les nostres s'esparpeillierent et coururent aucuns parmi les tentes as Sarrazins, occiant et detrenchant quanques il trouvèrent de leurs anemis jusques à la ville de la Masourre. Mes quant les Sarrazins aperçurent ceuz qui estoient csparpeilliez si sotement courir, si pridrent force en euls et retornerent contre no gent et les avironnerent et enclostrent en tele manière que grant partie occidrent de barons, de chevaliers et d'autre gent. Illuec avint une aventure trop laide de par le conte Robert d'Artoiz frère le roy Looys qui chevaliers preus et hardiz estoit. Se feri entre les Sarrazins qui fuirent en la ville de la Masourre, par la porte que il vit ouverte, et illuecques fu pris ou occis, si que puis n'en fu oie nouvele, dont ce fu grant dommaige. En celle journée grevèrent trop Sarrazins nos gens par saietes et par quarriaus que il getoient ausi espessement seur euls comme par pluie ; mes forment se tindrent les nostres jusques à l'eure de none et vainquirent les Sarrazins et enchacierent par l'aide de leurs arbalestiers qui moult en occidrent et de leurs chevaus.

1. En note : « Car il n'espargnoient ne viel ne jeune, ne homme ne femme. »

Quant les Sarrazins furent du champ enchaciez, nostre gent se recueillirent ensamble et mistrent leurs tentes et leurs paveillons delez les perrieres et delez les engins as Sarrazins que il avoient gaaigniées. Illuecques demora le remanant du jour et se reposa toute la nuitiée li rois Looys a poi de gent. Mes ainçoiz firent ses genz i pont de fust par quoi cil qui estoient outre le flueve peussent passer à lui. L'endemain, par le commandement le roy, pluseurs barons passèrent la rivière par le pont, et firent tendre leur tentes delez le tref le roy, et destruirent les engins as Sarrazins et firent faire lices entour leurs paveillons et leurs tentes. Le jour du vendredi aprèz ensuivant^, Sarrazins s'assamblerent de toutes pars a grant multitude et vindrent jusques as lices de nos gens assaillir a si grant efïors que onques mes n'avoit l'en oï dire que les Sarrazins eussent fait si espoentable assaut ^. Quant les nostres virent ce, si coururent as armes hastivement et ordenerent batailles et se ferirent es Sarrazins si viguereusement que il les reculèrent et en occidrent grant plenté, et firent les autres fuir à la Masourre.

Du nouviau Soudan qui i'int à la Masourre, et comment li rois Looys fu pris.

^Un poi de temps trespassé aprèz les choses desus dites, avint que le fil au Soudan qui mandez avoit esté devant la mort son père es parties d'Orient, si comme il est desus contenu, vint à la Masourre a grant compaignie de Sarrazins. Quant les Egyptiens sorent que il venoit, si son-