Cf. Grandes Chroniques, t. VII, p. 151, chap. lvii

OU par aventure, par les péchiez d'aucuns, que li rois Looys et ses ii frères, Aufons et Challes et tuit les autres qui avecques lui retournoient, furent pris ou occis, non pas sanz grant meslée ne sans grant occision de Sarrazins. En celle heure que Sarrazins s'estoient ja meslez à nos genz, avint que le très bon chrestien le roy Looys, que l'en portoit malade, comme il veist le jour tourner et décliner vers le vespre, requist et demanda son bréviaire pour dire nonne à un sien chapellain qui estoit delez lui, plus fu li rois bons et devoz ententis de rendre loenges et son servise à son Créateur que de fouir ou querre comment il peust eschaper as Sarrazins. En ceste manière avint que nuls qui retornast par terre n'eschapa, fors li cardinaus qui s'estoit partiz un poi devant les autres de l'ost. La greigneur partie ausi des nos qui retornoit ausi par le flun fu prise et occise, et leurs vaissiaus et leurs nez quassées et despeciées ou arses de feu, es quiex grant plentez de malades estoient qui morurent dolereusement ^.

^Aprèz, les mauvèz Sarrazins, quant il orent pris ainsi nostre gent, si leur distrent moult de reproches et de laidures, et craschoient sus le signe de la croiz sainte et la defouloient as piez devant nostre gent ou despit de Nostre Seigneur Jhesu-Crist. Et ce ne fait pas à taire que quant li rois Looys fu pris, il estoit griez malades de celle maladie mortel et gênerai de quoi grant partie de l'ost estoit

1. En note : « car il furent dedans les vaisseaulz ars et brouiz ». Le ms. fr. 10132 de la Bibl. nat., fol. 369, ajoute en cet endroit : « En ice tans, la royne de France Marguerite, famé monsaingneur saint Looys ot i enfant qui fu apelez Jehan, en la cité de Damiette, lequel elle fist sornonmer Tristain, pour la tristesce que elle ot de la prise de son mari et de ses frères, et du meschief de fortune qui estoit avenu au pueple crestien. »