Cf. Grandes Chroniques, t. VII, p. 173, chap. lxviii

envoia son ost vers Belinas et fist toute la terre entour gaster, et puis vint m semaines à Saieste aprèz ce, a poi de gent pour veoir le damage que Sarrazins avoient fait et pour faire ouvrer derechief. Mes quant il fu prèz de Saieste sus le rivage de la mer, si trouva les cors des chrestiens que Sarrazins avoient detrenchiez et occis, qui encores estoient sus terre et puoient merveilleusement i. Li bons rois dous et débonnaires, quant il vit ce, il out grant pitié en son cuer, et fist tantost toutes autres choses laissiées faire fosses enmi les chans et dédier ilueques un cymitiere par le légat et par les evesques qui là furent, pour enterrer les mors qui gisoient sus le rivage de la mer. Illuec aida li rois a ses propres "mains à enterrer les mors. Il prenoit les piez, les jambes, les bras et les mains des cors occis et detrenchiez qui puoient moult forment et les metoit en sas, et faisoit porter as fosses moult dévotement. Aucunes foiz avenoit que les pièces des cors detrenchiez estoient si pourries que quant l'en les prenoit pour mètre en sas, que elles cheoient à terre et rendoient si grant puour, qu'à paines trouvoit l'en qui i vousist mètre la main. Li rois fist louer vilains et asnes qui portoient les sas as fosses et venoit touz les matins de v jours que l'en mist à enterrer les aprèz sa messe au lieu, et disoit à sa gent : « Alons ensevelir les martyrs qui ont souffert mort pour Nostre Seigneur, et ne soiez pas lassez de ce faire, quar il ont plus souffert que nous n'avons. » Illuecques estoient presens touz revestuz li archevesques de Sur et li evesques de Damiete et leur clergié qui disoient le service des mors ; mes il estoupoient touz jours leurs nez pour la puour ; mes onques ne fu veus li bons rois Looys estouper le sien, tant le faisoit fervaument et dévotement. Toutes ces choses faites ou temps que li roys Looys

1. En note : « Car ja avoit quatre jours que ilec estoient, pourquoy nul ne povoit la punaisie porter ne soustenir. »

demouroit à Saieste, vindrent messages et lettres au roy qui disoient que puis que sa chiere mère fu morte et trespassée de cest siècle, grant péril apparut et pooit venir ou roiaume de France par devers Engleterre et devers Alemaigne, se il ne retournoit en France prochainnement. Quant li rois entendi ce, il prist conseil à ses barons et as prelas qui estoient avecques lui, liquel s'acorderent et douèrent conseil que il retornast en France. A ce conseil se consenti li rois, et lessa avec le cardinal grant planté de chevaliers à ses propres despenz pour le secours de la sainte terre. Il establi en la cité d'Acre i sien chevalier preu et hardi aus armes, en son lieu, que l'en apeloit monseigneur GyefTroi de Sergines, et commanda que tuit li obéissent ausi comme à lui ; liquiex Gyeffroi se contint moult loiaument et moult sagement emprèz la départie le roy jusques atant que il trespassa de cest siècle.

Comment li roys Looys retourna d'outre mer en France, et du péril où il fu.

1 En l'an de l' Incarnation Nostre Seigneur MCC et LI I II, trespassa de cest siècle papes Innocent en la cité de Naples ; aprèz lequel fut Apostoiles Alexandre le quart nez de Compieigne. ^ Celle année meisrnes, quant li rois Looys de France out sa navie appareillié et establi en Acre, si comme il est desuz dit, il prist congié as prelas et as barons de la terre d'outre mer, et entra en sa nef pour retorner en France. Mes quant il i entra, nulz ne porroit penser la grant dévotion, la grant procession, la grant compaignie, les pleurs, les souspirs et les lermes que les

1. Cette première phrase est donnée par les Grandes Chroniques, t. VII, p. 178, chap. Lxx.