En note : « En soy agenouillant devant eulz
laver les piez aus moines, si comme il veoit que il faisoient. Mes pour ce que grans gens estoient avecques lui qui n'estoient pas moult ses familiers, par le conseil d'autrui, se souffri de ceste humilité.
Ses confessors ama H rois et honora touz jours et porta grant révérence ; dont il avint aucunez foiz que quant il s'estoit assis devant son confessor pour soi confesser et aucun huis ou fenestre se debatoit, clooit ou ouvroit en tele manière que noise feist, li bons rois se levoit hastivement du lieu où il se confessoit et aloit clorre la fenestre ou l'uis avant que son confessor i peust estre alez. Et quant son confessor l'en reprenoit, il respondoit humblement et li disoit : « Chiers amis, vous estes ci endroit pères et je filz, et pour ce le doi-je faire. »
Comment li bons rois Looys se contint saintement en son mariage, et en quele manière il faisoit norrir ses enfans.
^Li bons rois Looys, du consentement sa famé la royne Marguerite, se tenoit tous jours par tout l'Avent et par tout Quaresme de charnel atouchement à sa famé, et en aucuns certains jours de la semaine, et es vigiles et es jours de grans f estes. Meesmement il se contenoit es jours solennex es quiex il devoit recevoir le cors Nostre Seigneur et pluseurs jours devant ce que il le devoit recevoir et pluseurs jours aprèz, pour la révérence du saint Sacrement. Se il avenoit aucunes foiz que il le convenist, pour certaine cause estre avec la roine es jours de s'astinence devant dite ; se il sentoit lors aucuns esmouvemens de char desordenez pour l'aprochement de sa famé, il se levoit tantost de son lit et aloit parmi sa chambre jusques
1. Cf. Grandes Chroniques, t. VII, p, 196, chap. lxxviii. X 8
atant que il fust refroidiez et cel esraouvement de char se tenist en paiz. Et pour ce que li bons rois out plenté d'enfans de si saint mariage, il nous convient dire comment il se out chrestiennement en euls nourrir et enseignier. Il voloit que ses enfans qui estoient ja touz en aage et parcreus, que il oïssent chascun jour matines, messe, vespres et toutes les heures canoniaus à note, et fussent avec lui quant il ooit le sermon. Derechief, il voloit que tuit apreissent des lettres et deissent touz les jours les heures Nostre Dame et que il fussent touz jours avec lui à complie que il fesoit chascun jour chanter solennelment aprèz souper. En la fin de laquele heure l'en chantoit chascun jour une antiene de Nostre Dame. Aprèz complie, retournoit en sa chambre et ses enfans avec lui et prenoit de l'iaue beneoite et faisoit jeter à son chapelain par toute la chambre et environ son lit ; et puis se seoient si enfant entour lui et leur disoit aucune parole d'enseignement avant que il se partissent de lui. Es jours du vendredi, faisoit porter chapiaus de roses ou d'autres fleurs à ses enfans en remembrance de la sainte corone d'espines dont li chief Nostre Seigneur Jhesu Crist fu le jour de sa passion coronez, et de laquele il avoit le royaume de France honoré et garni, si comme il est dit par devant.
Esquiex jours li rois Looys aloit à confesse, et de la penitance que il faisoit.
^Acoustumé avoit li sains rois Looys à soi confesser touz les vendredis de l'an humblement et dévotement en aucun lieu secrè ^. Touz jours aprèz sa confession, rece-
