Cf. Grandes Chroniques, t. VII, p. 197, chap. lxxix
2. En note : « que il fîst faire en touz les manoirs où il repairoit plus communément, pour ce faire et adcomplir ».
voit discipline par la main de son confessor de v chaiennes petites de fer jointes ensamble, que il portoit en une boiste petite d'ivuire en une aumosniere petite de soie qu'il portoit à sa çainture. Itez boistes atout tez chaiennes de fer donnoit-il aucunes foiz à ses privez amis pour prendre et pour recevoir en lieu et en temps itiex disciplines. Se il avenoit aucunes fois que ses confessors li donnoit trop petis cous si comme il li estoit avis, il li faisoit signe que il ferist plus forment. Pour nulle feste ne pour nul jour solennel ne laissoit à prendre la discipline devant dite. Ne ce ne fait pas à trespasser comment i confessor que li rois out devant frère Giefîroi de Biaulieu, li donnoit aspres et dures disciplines, en tel manière que sa char qui tendre estoit, en iert moult grevée, mes onques li bons rois, tant comme il vesqui ne li vout dire ; ainçoiz le dist aprèz sa mort, tout en jouant et en riant à frère Giefîroy ^. Et ja soit ce que il eust acoustumé à soi confesser touz les vendredis de l'an, pour ce ne laissoit pas soy à confesser en autres jors, se il li remembroit d'aucune chose, ou avenoit qu'il feist à confesser, ainçoiz se confessoit au plus tost qu'il pooit. Se il li avenist aucune chose de nuit ausi comme il seut avenir, se il n'avoit son confessor prest, il l'envoioit querre avant que il commençast matines pour soi confesser. Et se il ne le pooit bien avoir à celle heure, il se confessoit au chapellain qui li aidoit à dire ses heures. Lonc temps porta li rois la haire à sa char nue touz les vendrediz de quaresme et des Avens, et es iiii vigiles Nostre Dame. Mes pour ce que ceste penitance li grevoit moult, il la laissa puis par le conseil de son confessor, et portoit en quaresme, en lieu de haire, une corroie de haire. Et pour ce que il laissa à faire ceste pénitence, vout il que son confessor receust touz les vendredis de l'Avent et de
