En note : « de l'ordre des Frères Prescheurs

quaresme, en sa bourse, xl s. pour donner as povres en secrè.

Acoustumé avoit li rois, touz les vendredis de l'an à jeûner, ne ne mengoit point de char ne de sain aus merquediz ne aus lundis aucunes foiz. Mes pour ce que il estoit fuebles de cors, ce jour du lundi entrelessa il du conseil de sages gens. Es iiii vegiles des festes principaus à la Vierge Marie, jeûna touz jours en pain et en yaue, et le jour du vendredi aouré, et aucunes foiz la vigile de Touz Sainz, et en aucunes jeunes solenniex par an. Es vendredis de l'avent et de quaresme il ne mengoit ne fruit ne poisson, se n'estoit aucunes foiz par le congié de son confessor ; mes lors n' avoit que un mes de poisson et une manière de fruit. Pou ou noient fu des homes en son temps qui meissent tant d'yaue en leur vin comme li bons roys Looys faisoit.

Des oiwres de miséricorde et de largesce que li rois Looys faisoit as poivres.

^Dès le temps de s'enfance, out li roys pitié avec lui, laquele, si comme nous lisons de Job, fu criée avec li et issi du ventre sa mère. Et pour ce que il out touz jours pitié des soufîreteus et des povres, les aumosnes que toute sainte Eglise raconte que il fist, je ne doi pas taire, ja soit ce que je ne soie pas souffîsans du raconter. Acoustumé avoit li bons rois, partout là où il estoit, que vi"" povres fussent touz jours peus en sa meson, de pain, de vin, de char ou de poisson chascun jour. En quaresme, en l'avent et es jours solenniex, croissoit le nombre des povres. Pluseurs foiz avenoit que li rois les servoit et metoit les viandes devant euls et leur trenchoit, et leur donnoit au