Cf. Grandes Chroniques, t. VII, p. 198, chap. lxxx

départir, de sa propre main, moult de deniers. Especiaument es vegiles solenniex et en aucunes jeunes propres, il servoit ce povres de toutes les choses desus dites, de ses propres mains, avant que il mengast. Avec toutes ces choses, avoit chascun jour au diner et au souper prèz de lui III povres anciens homes, aus quiex il faisoit aministrer de toutes ses viandes, et leur donnoit en la fin du mengier certaine somme d'argent. Pardesus toutes ces choses, li rois donnoit chascun jour si granz et si larges aumosnes aus povres de religions, aus povres hospitaus, aus maladeries et à autres povres congregacions, et à gentiz homes et famés deceus ^, qu'à paines porroit estre raconté. Dont nous poons bien raconter que il fu plus beneurés que Tytus l'empereeur de Rome, duquel les ancianes hystoires racontent que il se dolu du jour ouquel il n'avoit donné nul bénéfice ; quar nul jour ne trespassa au roy Looys que il ne donnast aumosne ou bénéfice, à bien prèz dès le commencement que il vint à son royaume tenir.

Il fist édifier pluseurs maisons de Frères Preecheeurs et de Frères Meneurs en pluseurs lieus de son roiaume, et celles qui commenciées estoient, il fist asouvir. La Maison Dieu de Paris et celle de Pontoise, de Compiegne et de Vernon il fist faire et leur donna granz rentes. Il fonda l'abbeïe Saint Mahi de Roam où il mist famés de l'ordre as Frères Preecheeurs, et celle de Loncchamp delez Saint Clôt sus Saine où il mist sereurs de l'ordre as Frères Meneurs, et leur donna granz rentes pour euls vivre. L'abbaïe du Lis delez Meleun sus Saine et celle de Pontoise que l'en dit Maubuisson, esqueles il a nonnains blanches ^, il otroia fonder à sa mère, la royne Blanche, et puis leur

1. En note : « Et qui par maie fortune estoient à povreté devenuz. »