Cf. Grandes Chroniques, t. VIT, p. 240, chap. xcii

APPENDICE. Ui

ainsi priz, comme vous avez oï, et li oz de France se fu illuec un poi reposez, Challes, li rois, s'esmut a tout son ost pour ensuivre ceuz qui s'en estoient fuis de Saint Germain. Mes quant il sorent que Challes li rois les ensuivoit ^, au plus tost que il porent s'en alerent vers Mainfroy leur seigneur ^ et se logierent devant Bonivent, en une plaine où Mainfroy estoit. Li contes Gauvains, li contes Jourdains, le conte Bertelemii qui fuis s'en estoient, et pluseurs autres, du chastiau Saint Germain l'Aguillier, recueillirent illuec leurs forces pour leur honte couvrir et pour ce que il ne fussent repris de souspeçon et que il rachetassent la honte que il avoient eue. Il donnèrent conseil à Mainfroy que il attendist illuec le roy Challe à bataille. Entre ces choses continua sa voie^ a granz journées et chevaucha par chans hors de voie, et par moult de divers lieus, tant que il vint prèz de l'ost Mainfroy qui estoit ja ordené à bataille, en la plaine de Bonivent. Quant Challes et sa gent orent monté une montaigne, et il virent et aperçurent l'ost Mainfroy* ; si apela Challes les greigneurs barons et chevaliers de son ost à conseil, et leur demanda comment et quant il voudroient alez sus leurs anemis^. Aucuns distrent et loerent que ce estoit meilleur et pourfitable chose de pourloignier la bataille jusques à l'endemain, que de soi combatre tantost ; quar, si comme il disoient, l'eure de miedi estoit ja passée, et les gens et les chevaus estoient traveilliez de la voie ; si seroient plus fors et plus convenables l'endemain à ba-

1. En note : « Et quant il scorent que le roy les suivoit moult asprement, il s'enfuirent vers la cité de Bonivent. »