En note : « li roys
4. En note : « Et de la montaigne où il estoit vit l'ost de Mainfroy. »
5. En note : « Et ce fist-il pour ce que il ne vouloit pas ouvrer de son singulier conseil, si que d'aucuns n'en feust repris. »
taille se il avoient un poi de repos. Les autres, qui par aventure estoient plus fervent à bataille, distrent le contraire et loerent que en nulle manière l'en ne pourloignast la bataille, pour ce que leurs anemis qui estoient près et appareilliez de combatre quant il les verroient tenir en pais, cuidassent que il eussent paour d'euls, et par ce leur en croistroit hardement. Ainsi comme les uns parloient de l'un et les autres de l'autre, Giles li Bruns, connestables de France, chevaliers esprouvez d'anciane chevalerie, si comme nous avons desuz dit, qui avoit en son conduit Robert, lil le conte de Flandres et sa gent, dist au roy Challe, queque li autre feissent, la gent son enfant se combatroit en la journée à ses anemis, quar il avoit espérance que Nostre Sires, en cui service il estoient, et cui église il defîendoient, leur donroit victoire. Quant Challes li rois, qui ausi estoit ardanz de combatre comme li autre estoient, ou plus, oï le conseil Gile le connestable, si le crut, et commanda maintenant que tuit se courussent armés et feissent m batailles en conroi ausi comme leurs anemis avoient fait. Maintenant sonna l'en trompes et buisines, et s'armèrent et appareillierent, si comme li rois l'avoit commandé, et se confessèrent et apelerent l'aide Nostre Seigneur, comme bons crestiens.
Lorsque il furent appareilliez et près de combatre, li rois Challes qui fu devant euls armés et appareilliez, les amonesta et leur dist en tel manière : « O vous, seigneurs chevaliers et genz qui estes de France nez, dont tant de proesces sunt et furent jadiz racontées, qui ne vous combatez pas pour moi, mes pour la cause de sainte Eglise, par laquele auctorité vous estes assouz de touz vos péchiez, regardez et veez vos anemis qui despisent Dieu et sainte Eglise et qui sont escommeniez, qui est signe et commencement de mort perpétuel, et qui sont ci assamblez de diverses nations et de diverses lois, par quoi il
sont plus fuebles et seront plus tost vaincus. Des quiex nulle humaine mémoire ne recorde que leurs pères eussent onques ancianement loenge de proece, ainçoiz sont lasches et de petit cuer, si comme vous avez bien veu à Saint Germain l'Aguillier, en l'assaut du chastel, lesquiex vous avez chaciez et vaincuz une foiz, et en un lieu meesmement qui leur povoit estre souvrain refuge, et où il deussent avoir contresté à tout le pueple du roiaume de France, pour la forteresce et la garnison du lieu. Resgardez, seigneurs qui estes estraiz de la noble gent de France, dont le non fu ancianement espoentable à toute nation, et est ausi comme mail du monde en tout estrange pueple ; regardez vous et alez hardiement contre ceuz qui jà sont demi vaincuz et ne doubtez riens. »
