XL IV

De la bataille qui fu devant Bonivent, et comment les II premières eschieles Mainfroy furent desconfites.

^Aprèz ce que Challes li rois out ainsi amonesté sa gent. Gui de Biaulieu, evesque d'Auçoirre ^ qui estoit ausi prest et hardi de combatre comme nul qui fust en la compaignie, se ne fust la dignité d'evesque, et qui avoit, de l'auctorité l'Apostoile pooir d'euls assoudre, les assout de leurs péchiez. Aprèz ce que il leut out donné sa beneïçon et leur charcha en penitance que il doublassent les cops de leurs espées seur leurs anemis. Aprèz ce, quant les batailles furent ordenées et mises en conroi, Phelippes de Monfort et le mareschal de Mirepoiz qui estoient chievetaines de la première eschiele, [nobles hommes et en armes expers, plains de hardi couraige, ordenez de par