C'est Gui de Mello (cf. supra, p. 138, n
Charles capitainnes de la première eschielle et bataille, se ordenerent du tout, et leur bataille pour combatre la première bataille de Mainfroy] ^ où il avoit grant tourbe d'Alemans en quoi Mainfroy avoit mis toute s'esperance, et en avoit fait ausi comme mur par devant son ost, pour ce que la forsenerie des Alemanz se combatist à la hardiece de France premièrement. Si grant plenté et si entassez furent li Alemant que au premier assaut il reculèrent I poi les Françoiz. Mes tantost comme il furent i poi espandus, les Françoiz se ferirent en euls et se combatirent aus espées trop forment. Illuec fu dure et aspre la bataille, et dura longuement. Mes, d'autre part, Challes li rois qui fu en la seconde eschiele des siens, où il n'avoit si purs Françoiz non, qui se devoit combatre à la seconde eschiele Mainfroy, que le conte Gauvain oncle Mainfroy conduisoit ; quant il vit les Alemanz si forment combatre à sa gent, il se feri a toute sa bataille en euls moult iréement et a grant bruit. Moult bien se tindrent li Alemant et moult longuement, quar bons chevaliers estoient et ausi comme touz armez de doubles armeures, si que les espées aus Françoiz ne leur pooient faire mal de plain cop^. Quant ce virent li Françoiz et aperçurent, si pridrent petites espées que il avoient ; si s'escrierent que l'en ferist d'estoc desouz les esceles où li Alemant estoient legierement armez. A ceste criée fu la bataille grant et mortel, quar les Françoiz les poignoient, et boutoient les miséricordes es costez jusques au poing, si que en tele manière furent vaincuz les Alemanz par la soutiveté des Françoiz ; et poi ou noient en eschapa qui ne fussent occiz.
1. Cette phrase entre crochets a été ajoutée en note dans le manuscrit.
2. En note : « Car pour la grant force et espesseur des armeures dont les Alemans estoient armez, les coups des François redondoient contremont senz leur nul mal faire. »
Aprèz ce que les Alemanz furent ainsi vaincuz, li rois Challes et sa gent se ferirent en la seconde eschiele de leurs anemis, que le conte Gauvain et le conte Jourdain, et autres princes par cui la mauvaistié Mainfroy estoit gouvernée et soustenue, conduisoient. Mes quant il virent que li Alemant furent desconfit, en qui il avoient mise toute leur espérance, et que Françoiz faisoient trop grant occision de leurs genz, si s'apareillierent à fuir et s'en cuidierent aler. Lorsque les Françoiz aperçurent leurs mauvaiz samblans, si leur coururent sus plus aigrement, si que il ne porent fuir, et se combatirent si forment à euls que il les occidrent et desconfirent touz. Illuecques furent pris li contes Gauvains et li contes Jourdains, li contes Bertelemil et pluseurs autres.
Ci aprèz ensuwant parole comment Mainfroy fu occis, et puis comment la cité de Bonivent fu prise ; et d'une autre incidence qui avint aprèz.
^Aprèz ce que les ii batailles de l'ost Mainfroy furent matées et vaincues, la tierce demora qui estoit de Puillois et de gent Sarrazine, où Mainfroiz estoit sires, maistres et chievetaine ; et estoit ordenée pour combatre front à front contre la bataille Robert, le fil au conte de Flandres, gendre le roy Challe qui l'atendoit. Mes puisque Mainfroy vit que ses batailles furent vaincues et desroutées, si perdi toute espérance et se doubta moult que il ne fust occiz, et tourna en fuie lui et sa gent au plus tost que il porent. Lorsque la bataille Robert de Flandres où il avoit Flamenz et Picars a grant plenté, virent leurs anemis fuir du champ, tost et isnelement leur coururent sus, et en
