Cf. Grandes Chroniques, t. VU, p. 244, chap. xciv. X

firent grant occision d'une part. De l'autre part, Françoiz qui aperçurent que grant partie pour eschiver l'angoisse de la mort s'enfuioient tout droit vers Bonivent, s'esmurent aprèz euls et se ferirent avec euls dedenz la ville. Illuec, out bataille merveilleuse et occision grant de ceuz de la ville ; et firent tant li Françoiz que il pridrent la cité. En ceste manière, par la vertu de Dieu et par le hardement et la proesce des Françoiz fu prise Bonivent la cité et rendirent au roy Challe. Illuec furent pris et retenuz les greigneurs de l'ost Mainfroy, et se reposèrent celle nuit en pais les genz de l'ost Challes pour ce que il n'orent à cui combatre.

L'endemain par matin il cerchierent le champ oii la bataille avoit esté et se merveillierent moult que Mainfroy estoit devenuz, et estoient tuit en doubtance que il ne fust eschapez par fuie. Nulz ne savoit se il avoit esté occis sanz estre cogneus, pour ce que en la pièce, nulz ne faisoit différence au ferir, tant estoient en grant doleur de leurs anemis destruire. En la parfin, avint que il fu trouvez occiz entre les mors, et fu cogneus d'aucuns qui avoient esté pris en la bataille, que li rois Challes tenoit en prison et qui avoient esté moult ses privez. Mes grant merveilles fu que l'en ne pout savoir qui occiz l'avoit, ne n'ot home en tout l'ost le roy Challe qui peust dire certainement : « Je l'occis. » Et fu la cause par aventure tele, que il avoit vestu autres armeures que les seues, que il ne fust cogneus comme sires et rois. Et jasoit que il eust esté honorez fausement et contre droit de roial majesté, Challes qui de ce fu bien remembrant et qui libéral cuer et franc avoit, ne soufïri pas que sa charoigne fust laissiée aus bestes et aus oisiaus du ciel à dévorer, ainçoiz la fist couvrir d'un monciau de pierres en une voie commune prèz de Bonivent. Les autres barons et chevaliers que il avoit pris en la bataille, qui avoient esté princes

et niaistres de la mauvestié Mainfroy, il fist mètre en liens, et les envoia et fist garder par divers lieus en prison. Mèz aprèz ce, en poi de temps, par sa miséricorde, il les délivra et leur donna la vie que il avoient deservi à perdre selonc les lois, et leur rendi debonnairement leurs terres et leurs possessions sanz souffrir nulles paines, pour ce que il les cuida à traire par debonnaireté. Mais miex li vausist que il les eust fait punir et décoller, quar il avint aprèz, que il monstrerent que il furent tesmoinz de l'Escripture qui dist : Misereamur impio, et non discet facere justiciam. C'est à dire : « Aions pitié du mauvais, et ja puis n'aprendra à faire bien ne droit. » Quar puis, li furent rebelles et firent tant par leurs machinations, que nouviaus anemis et plus cruieux s'esleverent encontre Je roy Challe, si comme vous orrez ci aprèz. Aprèz ce que li rois Challes out Bonivent conquis, si comme vous avez oï, ne demoura gueres que la famé Mainfroy, ses enfanz et sa suer li furent renduz, et la cité de Nochieres qui est de Sarrazins se rendirent à lui, et tout le pais entour et tint li rois Challes la terre de Puille en pais une pièce.

Incidence. En ice temps meismes ; c'est à savoir l'an de l'Incarnation Nostre Seigneur M CC et LXVI, vint au roi Challe, Henri le frère au roi d'Espaigne, son cousin, chevalier preuz aus armes, sages et malicieus à merveilles et qui n'amoit Dieu ne sainte Eglise. Icist Henris s'en estoit fuis atout grant plenté d'Espaignos au roy de Tunes, où il avoit esté soudoiers, pour un courrons qui estoit entre lui et son frère le roy d'Espaigne. Quant il sout que Challes out vaincu Mainfroy et la terre de Puille gaaignié où il vint à li, si comme nous avons dit, et amena en sa compaignie moult de chevaliers d'Espaigne preuz et viguereus aus armes. A grant honeur le reçut Challes li rois, et moult liéement, pour ce que il estoit de son lignage, et pour ce que il savoit bien qu'il estoit preuz

chevaliers aus armes et hardiz ; et pour ce encore que il estoit ententis à gouverner en paiz, se il peust, la terre que il avoit conquise. Pour ce que il honorast plus ledit Henri, il li bailla à gouverner la senaterie de Rome ou lieu de soi, dont il out puis grant anui et grant damage, si comme vous orrez ci emprèz.

^En l'an ensuivant, c'est à savoir en l'an Nostre Seigneur M ce et LXVII, li rois Loys de France assambla à Paris les barons et les prelas de son roiaume, et fist à la feste de Pentecoste, Phelippe son premier fil et Robert le conte d'Artoiz, son neveu ^, avec grant plenté d'autres, nouviaus chevaliers. Iluec, fu faite si grant feste et si grant solennité, que li pueples de Paris se tint de faire euvre touz les viii jours, et n'entendirent seulement qu'à feste faire et à mener joie ; et fu la cité encourtinée moult richement toutes les octaves de Pentecoste. L'année aprèz ensuivant^, Ysabiau la fille le roy d'Arragon, famé Phelippe, le premier fil le roy Looys qui out esté nouviau chevalier, out i fil, qui fu apelez Phelippes, ausi comme son père.

Comment Corradins et Henris d'Espaigne assamhlerent grant ost contre Challe le roy de Sezile.

^En temps et en l'année derrainement dite, avint que aucune mauvaise gent de la terre de Puille et de Calabre, à cui li rois Challes de Sezile avoit donné la vie, si comme nous avons dit pardevant, firent conspiration contre lui,