Cf. Grandes Chroniques, t. VII, p. 246, chap. xcvi
et assamblerent et esmurent moult d'autres anciens comme il estoient encontre le roy Challe. Li uns des greigneurs de celle assamblée si fu dant Henri d'Espaigne, à cui Challes li rois avoit baillié à gouverner la senaterie de Rome, si comme nous avons dit pardevant. Et pour ce que leur mauvaistié fust couverte et affublée d'aucune couleur de droit, et il samblast que il eussent seigneur qui par droit héritage deust avoir le roiaume de Sezile, il envoierent querre Corradin le fil Corrat jadiz fil l'empereeur Frédéric en Alemaigne, et l'establirent prince et maistre de leur mauvaistié. Icist Corradins s'en estoit fuiz de Sezile, quant il estoit petiz erifes, au duc de Baiviere qui estoit pères sa mère, pour la paour de Mainfroy son oncle, si comme nous avons dit devant. Par l'aide le duc de Baiviere, Corradinz assambla grant plenté d'Alemanz et d'autre gent, et fist i grant ost avecques sa gent de ceuz de Sezile qui ne s'estoient pas encore renduz au roy Challe, et d'Espaignos que dant Henriz avoit amenez avecques lui.
De ceste assamblée ne de ceste traïson ne savoit encores riens li rois Karles, qui lors avoit assise la cité de Nochieres, dont li Sarrazin s'estoient révélez aprèz ce que il s'estoient premièrement renduz. Corradinz et dant Henris, qui bien sorent que li rois Challes estoit occupez du siège de Nochieres, et il ne savoit rien de leur couvine, entrèrent en la terre de Puille par devers Sedile, pour ce que il peussent le roy Challe et ses Françoiz sousprendre et miex desconfîre. Mes quant Challes le sout, il se départi du siège de Nochieres et assambla tant de gent comme il pout^, et ala hardiement contre ses anemis. Si se hasta et si desiroit à combatre à euls, qu'à paines donna repos
1. En note : « Car il fist sa cemonse au plus test que il pot de toutes, pars, si que il furent assez plus qu'il n'estoient devant. »
à sa gent ne ans chevaus de son ost, et ala tant qu'à un anuitier, il se loga prèz de ses anemis seur un petit flueve qui estoit entre les ii oz, ne ne sorent ce soir les uns riens des autres.
Quant vint à l'ajourner et les ténèbres de la nuit furent chaciées, si que l'un ost pout veoir l'autre, Corradinz et sa gent furent moult esbahiz quant il virent si prèz le roy Challe que il cuidoient estre moult loing^. Tantost coururent aus armes et s'apareillierent pour combatre, et ordenerent en ii batailles leurs genz parmi le champ où il estoient logiez. En la première fu dant Henri d'Espaigne et ses Espaignos, et issirent premiers de leurs herberges pour combatre contre la première eschiele des Françoiz. Li rois Challes et sa gent qui moult furent traveilliez de la grant voie que il avoient faite, se dormoient encores en leurs paveillons, ne ne cuidoient pas que leurs anemis se deussent si tost combatre à euls. Aucuns en i avoit de levez, mes touz desarmez estoient encores et attendoient le mandement le roy qui encores se reposoit, ausi comme se il fust touz seurs de la victoire^. Mes quant il virent par delà leurs anemis armez et ordener leurs batailles et
1. En note : « Lors proposèrent les ennemis de Charles de le combatre senz demeure, et... »
2. En note : « Car par le grant couraige de son cuer, nulle paour de ses ennemis n' avoit. »
« Ha que pourroit-on dire de bien d'un tel home, qui oncques par labour ne fu las, qui oncques en bataille ne fu vaincuz ; qui point ne doutoit ses ennemis ; qui oncques bataille ne refusa ; plus fu grande sa constance que de Judas Machabeus, ne de Alixandre le grant, qui despourveuement, a un pou d'ost et de chevaliers, en la grant multitude des Alemens, qui grant et fort estoit, se bouta hardiement senz les doubtez ; et eulz, et touz les autres très fors chevaliers de l'ost Mainfroy qui estoit aussi come innumerables, viguereusement desconfist. »
touz appareilliez pour combatre, il esmurent l'ost et crièrent : « Aus armes ! », et s'armèrent tost et isnelement. Li rois qui le cri et la noise entendi, se leva et s'arma tantost ; et quant il fu montez seur son cheval, il ordena II eschieles de ses genz ausi comme ses anemis avoient fait. En la première mist ses genz de Provence qui jusques au jour de lors li avoient bien aidié ; et avecques euls ceuls de Champaigne et de Lombardie, et touz les autres d'estrange nation. En celle eschiele mist m chevaliers de France chievetains : Henri de Cusances, chevalier preu et hardi, qui en ce jour fu vestu des armes le roy Challe ; Jehan de Clari et Guillaume L'Estandart, chevaliers bons et seurs, desquiex li rois Charles cognoissoit les hardemens et les proesces. En la seconde eschiele mist li rois avecques lui touz ceuz de la nation de France, es quiex il se fioit moult, et par lesquiex il out victoire en la journée, si comme vous orrés. A celle heure et à ce point que li rois Challes ordenoit ainsi ses batailles, Erars de Valeri, chevalier preuz et renommez, et autres chevaliers de France qui repairoient d'outre mer p ar la terre de Puille, vindrent en l'ost au roi Challe ausi comme angres que Diex y eust envoiez, et furent en la bataille en l'eschiele le roy, où il firent moult de proeces par quoi il sont dignes de mémoire.
Comment la première eschiele le roy Challe fu vaincue ; et comment la soue eschiele vainqui Courradin et sa gent.
^Quant les batailles furent ainsi ordenées, la première eschiele le roy Challe ala encontre la bataille Henri d'Espaigne qui venoit a grant compaignie et bien armée et appareillié contre euls. Mes empeechiez furent pour les
