juin

à movoir en la besoigne Nostre Seigneur, ala à Saint Denis a grant compagnie pour prendre congié au glorieus martyr et à ses compagnons, selonc la costume des anciens rois de France, Car quant il movent à armes contre leur anemis, il doivent venir visiter les martyrs et prendre l'oriflambe desus l'autel et porter ovec eus pour garde et pour défense. Et doit estre portée tôt devant quant on se doit combatre, dont il est aucunes t'oiz avenu, quant leur anemi la veoient, que il estoient si durement espoanté, que il s'enfuioient mat et confus.

Quant li rois fu en l'église entrez, il vint devant les martyrs; en oreson s'estendi deseur le pavement par grant dévotion, en plors et en lermes, et se recommanda à Dieu et à la benoite Virge Marie et aus glorieus martyrs, a toz sainz et à totes saintes, puis se leva et prist l'escherpe et le bordon de la main Guillaume l'arcevesque de Rains', son oncle, qui au tens de lors estoit legaz en France. Lors s'aprocha li rois des martyrs et prist de ses propres mains ii standaleset II ensengnes d'or croisetées, de desus les cors des glorieus martyrs pour défendre, quant il se devroit combatre contre les anemis de la croiz. Après se recommanda aus oresons du covent et de la gent^, et prist beneiçon du saint clo et de la sainte corone et de la destre saint Symeon. Atant se départi de l'église; si se mist tantost au chemin et erra tant par ses jor-

1. Guillaume de Cliampagne aux blanches mains (cf. p. 95, note 3).

2. Standales, étendards; latin : ^ Uuo standalia serica optinia et duo magna vexilla aurifrisiis crucibus decenter insignita. »