Guillaume le Breton, Gesta Pliilippi Augusti

.3. // porpristrcnt, ils occupèrent; latin : « occupaverunt eminentiorem partera campi ».

chauz et plus ardanz en celé jornée que il n'avoit esté devant. Li rois ordena ses batailles et les assist parmi les chans droitement encontre ses aiiemis, par devers miedi, front à front, en tel manière que François a voient le soleil aus espaules. Ensi furent les batailles ordenées et igaument mises de ça et de là.

Ou mileu de ceste disposition estoit li rois ou premier front de sa bataille; si li estoient joint au costé, Guillaumes des Barres, la flors des chevaliers, Bartholemieus de Roie, anciens bons et sages, Gantiers li Jones, chambellans, sages bons et bons chevaliers et de maur conseil, Pierres Mau voisins, Girarz la Truie, Estienes de Loncchamp, Guillaumes de Mortemer, Jehans de Roboroi', Guillaumes de Gallande^, Herris li cuens de Bar^, jones bons et viuz de corage, nobles en force et en vertu, cosins estoit le roi; si avoit novelement receue la contée après la mort son pere^, et maint autre bon chevalier qui pas ne sont ci nomé^, de merveilleuse vertu et exercité en armes. Tuit cist furent mis en la bataille le roi par grant especialité, pour son cors garder, pour leur grant loiauté et pour l'oppinion de leur soveraine prouece. De l'autre part,

1. Jelians de Roboroi, latin : « Johannes de Roboreto », Jean de Rouvrai.

2. Guillaume V de Garlande, seigneur de Livry, qui avait épousé Alix de Châtillon,

3. Henri II, comte de Bar (1214-1240), fils de Thibaut F-" qui lui-même était fils de Renaud II dit le jeune et d'Agnès de Champagne, sœur d'Adèle, mère de Philippe-Auguste.