Colons, colombes
Après le conte de Saint Pol, mut li cuens de Biaumoiit par ausi grant hardiece ; Matheus de Monmorenci et li sien, et li dux Heudes de Borgoigne qui ot maint hon chevalier en sa route. Tuit cil se ferirent en l'estor, engrés et chauz de conibatre, et rendirent à leur anemis merveilleuse bataille.
Li dux de Borgoigne, qui estoit lions corpulanz et de fleumatique complexion, chai à terre, car ses destriers tu soz lui occis. Quant ses genz le virent chau, il s'asemblerent entor lui ; sor un noviau cheval le firent tantost monter. Quant il fu remontez, il ot grant duel de ce que il fu chauz et dist que il vencheroit ceste honte. Il brandi la lance et brocha des espérons, puis se feri ou plus dru de ses anemis par grant ire, ne ne prenoit garde où il feroit ne cui il encontroit, ançois venchoit son mautalent seur toz, ausi nques come se chascuns de ses anemis li eust son cheval occis.
D'autre part se combatoit li viuzcuens de Meleun qui avoit en sa route chevaliers cogneuz et exercitez en armes, et envai ses anemis d'autre part tôt en celé manieie que li cuens de Saint Pol ot fait. Tôt outre les tresperça et retorna d'autre part parmi celé meisme bataille.
En cel estor fu feruz Michiaus de Harmes d'une lance ^ parmi l'escu et le haubert et parmi la cuisse, et fu cousuz aus auves^ de la sele et au cheval, et fu tre-
1. Guillaume le Breton spécifie qu'il fut frappé par un Flamand « a quodam Flandrensi ».
2. Latin : « consutus fuit alvee selle ». Les ain-es ou aunes de la selle sont les pièces de bois arquées sur lesquelles s'enfourchent et s'assemblent les arçons.
[\1\'i] PHILIPPE II AUGUSTE. 341
bûchiez à terre, et il et li chevaus. Hues de Malaunoi et maint autre furent trebuchié à terre, car leur cheval furent occis, mais il resalirent sus par grant vertu, ne ne se combatirent pas mains proueusement seur leur piez que seur leur chevaus.
^Li cuens de Saint Pol, qui moult forment et moult longuement s'estoit combatuz, si ert ja auques traveilliez por la multitude des cos que il ot donez et receuz, se retraist hors de l'estor pour soi refreschir et esventer et pour reprendre un poi son esperit. Le vis torna devers ses anemis. Tandis corne il se reposoit ensi, il choisi un de ses chevaliers que si anemi a voient si avironé que il ne paroit entrée par quoi l'on peust à li venir. Et jasoit ce que li cuens n'eust pas encores s'alene reprise, laça-il le hyaume, la teste joinst au col du cheval et l'embraça forment au ii braz, puis hurta des hesperons et tresperça en tel manière toz ses anemis jusques atant que il vint à son chevalier. Lors se dreça sor les estriers et sacha l'espée, et en départi si granz cos que il desjoinst et desrompi la presse de ses anemis par merveilleuse vertu. Et quant il ot son chevalier délivré de lor mains a grant péril de son cors, par grant hardiece ou par folie, il retorna à sa bataille et se reçut entre ses genz. Et come cil tesmoignerent, puisque ce virent, il fu là en si grant péril de mort que il fu feruz de xii lances en un meisme moment. Et si come la soveraine vertuz li aida, il ne le porent trebuchier, ne li ne le cheval. Quant il ot fait ceste proece merveilleuse et il se fu un poi refreschiz, il et si chevalier qui endementres s'estoient reposé, il se
