mars
132 I.KS C.HANDKS CHRONIQUES.
(juaraiitaine, dona congié à chascun de retorner en sa contrée; mais il ne se mut de la vile jusques vers la fin ilu caresme. A Mez list la sollempnité de la Résurrection. Après la Penthecoste ala tenir «gênerai parlement en la cité de Warmaise^ A celé assemblée furent si dui fil, Pépins et Looys; lors n'entrelessa pas li empereres que il ne pensast du profit de la chose commune, selonc sa costume, car il fist avant venir les messages que il avoit envoiez par tout le roiaume, et enquist diligemment à chascun comment il avoit esploitié. Et quant il sot que aucun de ses contes avoient esté lasche et pareceus en leur terres garder et en prendre venjance des larrons et des maufeteurs, il les dampna de diverses sentences et les pugni de tiex paines com il avoient deservi par leur pareces. (^Si doit-on ci entendre que ce n'estoient pas conte qui fussent prince, ne haut home qui tenissent les contéez par héritage, ainz estoient ausi comme baillif que l'on ostoit et metoit à tens et pugnissoit de leur meffaiz quand il le deservoient.) Et si releva et aleja les preudeshomes (jue si fil avoient mal menez et grevez à tort, et blasma et reprist ses fiuz des gries que il fesoient à cens que il dévoient garder et leur defendi que plus ne le feissent se il ne voloient estre inobedient à ses commandemenz, et se il le fesoient il l'amenderoit selonc droit jugement. Atant fina li parlemenz; mais avant que il departist, en fist un autre crier après Pasques à Theodone. Après ces choses se traist pour yverner à Es la Chapelle. A son fil Lothaire manda que il li en-
1. C'est le placite de Grémieu (voir ci-dessus, p. 130, note 1).
2. Cette parenthèse est de l'auteur des Grandes Chroniques, qui fait comprendre ainsi que les comtes, sous les Carolingiens, notaient que des fonctionnaires.
voiast aucuns de ses plus nobles homes pour traitier d'amor et de concorde entre iaus ii.
De la requeste Judith fempereriz; cornent Lothaires ne pot venir à son père pour sa maladie; des chastoiemenz que il li mande pour les gries que il fesoit à sainte Eglise; des messages l'Apostoile que Lothaire retint; de la mort des barons Lothaire et comment li empereres manda ses fiuz au parlement et d'autres choses.
L'empereriz Judith, qui bien veoit que li empereres at'ebleoit et envieillissoit plus et plus, se douta moult et s'apensa que se il avenoit que il morust en tel point, que ele et Challes ses fiuz seroient en péril, se il ne f'esoient tant vers l'un de ses frères que il fust de leur acort. De ce se conseilla aus princes et au conseil l'empereor, et il li loerent que ce fust Lothaire, car il leur sembloit que ce fust li plus porfitables. A l'empereor prièrent que il envoiast là message de pais et d'amor et que il le priast de ceste chose. Et li empereres, qui touz jors ama pais et concorde, non mie tant seulement de ses fiuz, mais des estranges et de ses anemis meismes qui aucune foiz avoient sa mort jurée, le fist volentiers. ^Mais en ces entrefaites, vindrent à cort li messagier son fil Lothaire, desquiex Walles^ fu li soverains. Li empereres leur toucha la
