Guillaume de Jumièges, op. cit., liv. IV, chap. n

2. Latin : « Rodulphus et Bernardus, atque Anslech totius Normannici ducatus tutores. «

[94'i] LOUIS IV D'OUTRE-MER. 337

Lors commanda que li enfes Richarz fust amenez devant lui. Moult le vit bel et avenant et de bêle forme, et vot que il fust norriz en son palais et que on li queist autres nobles enfanz pour lui faire compagnie. Maintenant corut la novele par toute la cité, que li rois voloit tolir à l'enfant sa terre et que il l'avoit ja detenu en prison. Tout maintenant s'armèrent li borjois et la chevalerie, et corurent parmi la cité tuit forsené, les espées et les glaives es poinz. La cort le roi brisierent à force et voloient ja entrer ou palais pour lui occierre. Moult ot li rois grant paor quant il vit ce. Par le conseil Bernart le Danois, prist l'enfant entre ses bras et vint encontre eus, et quant il virent leur segneur que li rois tenoit, si se tindrent en pais, et li rois qui vot du tout leur cuers apaisier, rendi à l'enfant sa terre et son héritage, sauf son droit et son bornage, et le reçut en garde, en foi et en loiauté, et promist aus barons que il leur rendroit bien entroduit et bien apris de la doctrine du palais.

^ Quant ces choses furent ensi apaisiés, li rois retorna en France; mes moult porta grief, toutes voies, la vilenie que li Normant li orent faite et enmena l'enfant Richart ausi comme pour prendre venjance de la mort son père. Et li traitres Arnous, cuens de Flandres, se douta moult que li rois ne corust seur lui pour son meffait. Au roi envoia avant, par ses messages, x livres d'or, puis vint à cort, et se vot en tel manière escuser devant le roi que il dist que il n'avoit corpes en la mort le duc Guillaume, et promist que il baniroit hors du roiaume les homicides qui ce avoient fait, se li rois le commandoit; et puis, si dist au roi que bien li