Tout à un fais, tous ensemble

f817] LOUIS LE DÉBONNAIRE. 57

que tuit cil (|ui ou palais estoient orent grant paor. Tuit se doutèrent que li empereres ne fust rnorz, mais Diex qui l'amoit le garanti en ce péril. Ovec lui chairent à terre plus de xx, que contes que barons, sanz les chevaliers et les serjanz qui entor estoient, et furent blecié en diverses manières. Mais li empereres n'ot mal, fors que tant que li poumiaus de s'espée le hurta ou piz et que Tune des orilles li fu un petit escorchié, et l'une des cuisses, bien amont les illiers^, fu I poi serrée entre ii fuz. Mais assez tost fu gariz de toutes ces blecheures par le conseil des cirurgiens, si que il chevacha et ch;iça en bois entor xx jors après. General parlement fist assembler à Es la Ghapele; si ne fu pas celé assemblée tant seulement de barons, ainz fu d'arcevesques, d'evesques, d'abbez et de touz les estaz de sainte Eglise. Là fu bien monstrée la fervor et la dévotion que il avoit à sainte religion, car il fist faire et ordener i livre de la canonial vie, en quoi toute la perfections de celé ordre est contenue, si com il apert par cens qui la gardent et qui la metent à ovre. En ce livre maismes, fist-il ordener de la quantité du pain et de la mesure dou vin et des autres choses nécessaires, si que tuit chanoine et moine et nonains, qui souz ceste ordre serviront Nostre Segneur, ne fussent destorbé ne enpeechié pour défaut ne pour nécessité^. Et quant cil livres fu compilez et ordenez,