Wigraan (Eginhard

flum d'Albe pour le pais gaster ; cil qui là alerent refermèrent le chastel de Hobuki, qui siet sor la rivière d'Albe, que li Vuilze avoient abatu en l'année devant. La seconde envoia en Pannonie, pour affiner la guerre des Huns, et la tierce envoia en Bretaigne, pour punir la desloiauté de la gent du pais ^ . De ces m parties retornerent ses oz à granz victoires et à granz despoilles de lor anemis.

-Li Hum, (]ui par autre non sont aucunes f'oiz apelé Avare, orent si longuement la guerre maintenue contre les François que il furent si amenuisié et de nombre et de force, que il qui pour gloire aquerre soloient les autres nations envaïr et guerroier, ne se pooient mes défendre, car toute lor gloire et toute lor noblece chai et péri en celé darreene bataille. Tuit lor trésor et toutes lor richeces que il avoient toz jors amassées et acquises par lor granz victoires vindrent es mains des François. Si ne recorde l'on pas que France fust ainques si enrichie par nule victoire de tantes diverses manières de richeces. Tant estoient afebloié que il ne pooient mes soffrir les assauz et les envaies des Esclavons, ainz requistrent à l'empereor une terre pour habiter qui a non Salbarie^; là demoroient en tel manière soz la segnorie de François sanz non de roi et de roiaume.

i. D'après une charte de Louis le Débonnaire du 2G mars 816, cette expédition de Bretagne aurait eu lieu pour réprimer une révolte (de La Borderie, Histoire de Bretagne, t. Il, p. 5 et 6).