De oris Syriae

valier cors à cors. Premièrement i envoia Karlemaines Ogier le Danois. Quant Fernaguz le vit tout seul ou champ, il s'en ala tout bêlement delez lui, à la main destre le prist et l'embraça a toutes ses armes et l'emporta ou chastel devant touz, ausi legierement come il feist une berbiz. Si granz estoit que il avoit XII coudes de lonc, sa face i coude, ses nés une paume, ses braz et ses cuisses chascuns iiii cuetes^ et li doit de ses mains m pognies de lonc.

Après Ogier i ala Renauz d'Aubeespine, et li geanz le prist a un seul braz et l'emporta en sa chartre. Après, i alerent Gostantins, li prevoz de Rome, et Hoiaus, li cuens de Nantes, et il les saisi a ii braz, en II ensemble, et les enporta en chartre^. Après i furent envoie xx chevalier des plus puissanz de l'ost, et li géant les emporta toz n et ii en la cité et les mist en sa chartre. Quant li empereres vit la force du géant, il n'i osa plus nuli envoier ; si estoit toz li oz esbahiz des merveilles que cil fesoit.

Rolant, qui aine nul home ne douta, s'en vint lors à Karlemaine et li requist la bataille contre Fernagu, et li empereres, qui de li se douta, la li otroia a granz proieres. Rolant s'arma et ala contre lui et il le vit venir; il ala vers lui et le prist tantost a la main destre et le leva legierement sor le col du cheval. En ce que il l'emportoit vers la cité, Rolant le prist par le men-