Turpini historia Karoli niagni, chap. xxxii

je oi chanté por les feeus Dieu^ une messe de Requiem et je disoie un psiaume du psautier que je avoie acostumé à dire après la messe, je vi une légion de deables trespàsser soudainement par devant moi^. Je en apelai un qui darriers aloit et le conjurai, de la vertu de Dieu, que il me deist où il aloient. Il me respondi que il aloient à la mort Karlemaine, qui en celé heure devoit morir. Je n'oi pas pardit^ le psiaume que je avoie encommencié, que je les vi retorner et passer par devant mon siège. Je demandai au derrenier, à cui je avoie devant parlé, que il a voient fait, et il me respondi que uns Galiciens sanz chiet' et uns François decolez^ avoient tant mis de fuz et de pierres de mostiers et d'églises en balances, que les aumosnes et li bienfait que il avoit faiz pesèrent plus que li mal; et pour ce lor avoient li ange tolue l'àme et l'avoient mise es mains du soverain Roi.

Quant li deables ot ce dit, il s'esvanoi tantost. Lors soi-je et entendi certainement que Karlemaines estoit trespassez, à la joie de Paradis, en celé heure maismes. Bien li sovint à la mort de la promesse que il m'ot faite quant il se parti de moi à Viene ; car il commanda à un chevalier que il me venist nuncier et faire certain de sa mort, xv jors après son trespassement, vint à moi li messages qui me raconta la manière de sa mort. Lors fui certains que il estoit trespassez ou mois, ou