XC1II
Cornent les Anglois tindrent partie de la ville de Meleun.
Celui samedi , piuseurs Anglois et Navarrois alèrent à Meleun : et les reçut la royne Blanche qui estoit au chastel dedens ledit chastel. Si occupèrent l'isle de Meleun et toute la partie qui est devers Bière (3). Et l'autre partie qui est
(1) En oubliette. En prison perpétuelle.
(2) A divers seings. Le continuateur de Nangis, si favorable aux Parisiens, dit la même chose : « Ipse rex Navarraî cum suis omnibus urbem » Parisiensem citiùs subintraret et homines sibi contrarios laies et taies » quorum ostia signata reperiret, trucidaret. » (Spicileg., t. ni, f° 150.)
(3) Bière. Le petit pays de Bière comprcnoit la rive droite de la Seine, dans le territoire de Melun ; c'est-à-dire Fontainebleau et les environs, La Brie est de l'autre côté de la Seine.
devers la Brie se tint contre eulx, tant que le régent y envoia des gens d'armes et des brigans ; et ainsi fu celle partie françoise : et le chastel et tout le demourant furent Ànglois et Navarrois qui estoient tout un ; et firent moult de maulx et de dommages au pays par devers le Gastinois ; et ardirent toutes les maisons de l'abbaye du Lis, environ la Nostre- Dame de mi-aoust.
Cornent aucuns de Picardie furent desconfis des Anglois et Navarrois qui tenoient le chastel de Mauconseil (1).
Le jeudi vingt-troisiesme jour du moys d'aoust , pluseurs des communes de Tournay et de autres villes de Picardie qui estoient à siège devant un chastel de l'evesque de Noyon avec pluseurs nobles du pays, pource que les Anglois et Navarrois l'avoient pris et se tenoient dedens, furent desconlis par pluseurs de la partie des Anglois et Navarrois, desquels estoit capitaine monseigneur Jehan de Piquegny et monseigneur Robert son frère, lesquels se estoient rendus ennemis du roy de France, de son fils et de son royaume, avec ledit roy de Navarre. Et s'enfouirent lesdites communes ; et les gentilshommes furent pris, jusques au nombre de cent vingt ou environ. Et y fu pris ledit
(1) Mauconseil. Ce nom ne se retrouve plus sur les cartes. Le continuateur de Nangis nous apprend qu'il étoit situé près de Noyon. — La chronique inédite (n° 530, Sup. fr.) nomme le capitaine des François et Flamands Pierre de Flavy, chevalier ; et celui des Navarrois Le Bascon de Mardi. — Froissart dit, à propos de la prise de Mauconseil, que « ces trois » forteresses (Creil, La Harelle et Mauconseil) firent tantdedeslourbiers » au royaume de France, que depuis en avant cent ans ne furent réparcs » né restaurés. » Il eût fallu imprimer qui au lieu de que, avec les manuscrits. Mais comment Froissart, mort vers 1400, peut- il parler de ce qui se voyoit un siècle après l'année 1358 ? Je soupçonne là une faute des nouvelles éditions.
evesque de Noyon et fu mené à Creil, dont ledit monseigneur Robert s'appeloit capitain (1), depuis que ladite ville a voit esté prise des Anglois.
Cornent Paris estoit lors avironnée de for ter es ce s angloises.
En ce temps, en diverses contrées prisrent lesdis Anglois et Navarrois pluseurs forteresces environ Paris, c'est assavoir Ray s, Poissy et pluseurs autres ; et chevauchoient souvent jusques à demi-lieue de Paris de celui costé. Et ceux de Creil chevauchoient souvent jusques à Gonesse et es villes environ, et prenoient prisonniers et emmenoient chevaulx, et rençonnoient villes et aucunes ardoient ; et si ne y résistoit-1'en point, mais s'enfuioit chascun devant eux.
XGVI.
Cornent le roy de Navarre ala à Meleun et ardi Chatres-soubs*
Mont-Lehery%
La première sepmaine de septembre , environ heure de tierce, le roy de Navarre chevaucha bien à deux mil combattans, si comme l'en disoit; et ala à Meleun rafraichir ses gens et veoir ses seurs, la roy ne Blanche et une autre appelée Jehanne, lesquelles estoient dedens le chastel. Et en son chemin ardi pluseurs villes comme Chatres-soubs-Mont- Lehery et autres.
(1) S'appeloit capilain. Plus loin, nos chroniques nomment, comme Froissait, le capitaine de Creil messire Jehan de Foudmjai. (Voyez chapitre cxvi.)
De la mort maisire Thomas de Ladit, chancelier du roy de
Navarre.
Le mercredi douziesme jour dudit mois de septembre, environ heure de tierce, maistre Thomas de Ladit, chancelier du roy de Navarre, qui avoit tous jours esté en prison depuis le quatriesme jour d'aoust qu'il avoit esté pris, si comme dessus est dit, fu rendu aux gens de l'evesque de Paris, par vertu de certaines bulles du pape. Et fu ledit chancelier mis sur un huis et levé sur les épaules de deux hommes qui le portaient, pour ce que il estoit es fers, par les deux jambes ; et en telle manière parti du palais où il avoit esté en prison. Mais avant qu'il fu le giet d'une pierre, loin de la porte de la cour du palais, pluseurs compaignons de Paris luy coururent sus et legietèrent contre terre et le tuèrent; et tantost fu despoillié tout nu, et demoura longuement en tel estât sus les quarreaux, au milieu du missel de la pluie qui courroit au travers de son corps ; et environ vespres, il fu trainé jusques à la rivière et gieté dedens.
De la mort d'aucuns traistres, et cornent Anglois et Navarrois avoient lors toutes les rivières venans à Paris.
Le dimenche seiziesme jour du mois de septembre, monseigneur Jehan de Piquegny, accompaignié de grant foison de gens d'armes, ala à Amiens, et par la traïson d'aucuns de ceux de la ville entra es forsbours et les ardi et pilla. Et fu ladite cité en aventure d'estre prise. Toutes voies, parla volenté de Dieu et la résistance des bons de ladite ville et du
conte de Saint-Pol qui hasti vement vint au secours, ledit monseigneur Jehan et sa compaignie furent reboutés. Et depuis furent pris aucuns des bourgois de la ville qui avoient esté consentans de rendre ladite ville audit monseigneur Jehan de Piquegny pour le roy de Navarre, par ceux de ladite ville ; et en orent les testes coppées Jaques de Saint-Fucien (1) et quatre autres bourgois de celle ville. Et depuis firent lesdis Anglois et Navarrois pluseurs chevauchiées en diverses parties du royaume de France ; par espécial ceux qui tenoient Creil chevauchièrent en Mucien (2), à Dampmartin, à Gonesse et es villes environ, et prisrent tout ce que il trouvèrent.
Au mois d'octobre ensuivant, chevauchièrent tout le pays de Mucien et prisrent une petite forteresce à deux lieues de Meaulx appelée Oissery (3), et tantost l'enforcièrent et raençonnèrent le pays. Et pour avoir la rivière de Marne, il alèrent à la Ferté-soubs-Juerre , et prisrent une isle en laquelle il avoit une bonne tour, et tantost renforcièrent. Et ainsi eurent toutes les rivières qui venoient à Paris, c'est assavoir la rivière de Seine à Meleun, celle de Marne à la Ferté-soubs-Juerre, et au-dessous de Paris, Mante et Meulent et Poissi ; la rivière d'Oise, à Creih Et ainsi estoit Paris asségié, et si estoit Rouen et Beauvais, par les forteresces que il tenoient environ , car il estoient seigneurs de tout le Beauvoisin. Si ne povoit-1'en mener vins à Arras, à Tournay, à Lille né es autres villes de Picardie. Et ainsi estoient lesdites villes asségiées quant à ce.
(1) Notre chronique inédite met le maire de la ville, Fremyn de Coqucrel, au nombre de ceux qui furent punis de mort.
(2) Mucien, Dans la Brie.
(3) Oissery. Aujourd'hui bourg du département de Seine-et-Marne. On compte trois lieues de Meaux à Oissery.
Des forteresces que Robin Canole prist en Orlenois.
Audit mois d'octobre, Robin Canole, capitain de pluseurs forteresces angloises en Bretaigne et en Normendie, chevaucha en Orlenois et prist Chastel-Neuf sur Loyre (1), et tantost après Chastillon-sur-Louen ; et après chevaucha plus hault alant en Aucerrois et en la Puysaie, et prist une forteresce appelée Malicorne ; mais les gens du pays s'assemblèrent et alèrent devant ladite forteresce. Et un chevalier appelé messire Arnault de Cervolle, surnommé Tarcheprestre, qui venoit au mandement dudit régent accompagnié de grant nombre de gens d'armes, se mist avec lesdites gens du pays devant ladite forteresce de Malicorne. Mais il s'en partirent honteusement sans prendre ladite forteresce.
De la forteresce de Amblainviller.
Audit mois d'octobre l'an mil trois cens cinquante-huit dessus dit, aucuns se partirent des garnisons angloises qui estoient entour Paris, et laissièrent leur forteresces garnies, et alèrent prendre une forte maison à trois lieues de Paris, en un lieu appelé Amblainviller (2). Et ceux de Paris envoièrent devant ladite maison des gens d'armes et des
(1) Chasiel-JSeuf-sur-Loyre. « Domum pulchram et solemnem, » dit le continuateur de Nangis. Aujourd'hui bourg du département du Loiret, à cinq lieues d'Orléans. — Cliasiillon-sur-Lcnen ou Loing , aujourd'hui petite ville du même département, à cinq lieues de Montargis. Son ancien château existe encore. — - La Puisaie est un petit pays sur la frontière du Gâtinoiset du Nivernois. — Malicorne, aujourd'hui petit village du déparlement de l'Yonne, à sept lieues de Joigny.
(2) Amblainviller. Peut-être A be villers, aujourd'hui village à une lieue de Saint-Denis.
brigans (1) par pluseurs fois; mais il n'y firent chose qui vaulsist, et en la fin ceux de Paris achetèrent la forteresce dessus dite aux Anglois et la firent abattre.
Les noms de pluseurs bourgois de Paris que le régent fist
emprisonner.
Le jeudi vint-cinquiesme jour du mois d'octobre, pluseurs des habitans de Paris desquels les noms s'ensuivent furent pris et emprisonnés ; c'est assavoir : Jehan Giffart le boisteux, Nicholas Poret (2), Jehan Moret, Girart Moret, Estienne de la Fontaine argentier du roy, Pierre Basselin, Jaques de Mante, Jehan de La Tour, Hélie Jourdain, Colin le Flament, Jaques le Flament maistre de la chambre des comptes y Hannequin le Flament, J ehan Gosselin, Jehan Restable, Arnault Roussel, Jaques du Castel, Jaques le Flament trésorier des guerres , Guillaume Lefèvre , Regnault de la Chambre, Pasquet le Flament et Alain de Saint -Benoit, lequel Alain fu l'endemain délivré.
en.
De la requeste qui fu faite à monseigneur le régent sur la délivrance des dessus nommés.
Le lundi ensuivant vingt -nueviesme jour du moys d'octobre, pluseurs des mestiers de Paris, au pourchas de amis des dessus nommés prisonniers , alèrent en la maison
(1) Brigans. On donnoit en général ce nom aux compagnies franches qui ne reconnoissoient le commandement d'aucun chevalier banneret,
(2) Poret. Variante : Le Petit. (Msc, 8302,) Sans doute le frère de Jehan Porret le jeune, tué avec Marcel.
de la ville et firent grant clamour de leur amis qui avoient esté pris, en disant que autel pourroit-on faire de tous les autres de Paris. Et faisoient sentir, par leur paroles, que ce avoit esté fait par vengeance de ce qui avoit esté fait au temps passé par ceux de Paris ; en disant que l'en les prendroit ainsi les uns après les autres ; et tout, pour esmouvoir le peuple. Et portoit la parolle un clerc de Paris appelé maistre Jehan Blondel, lequel requist au prévost des marchans qui lors estoit appelé Jehan Culdoe, et pluseurs autres qui là estoient, qu'il alassent par devers le régent qui estoit au Louvre, pour lui requérir que il féist tantost délivrer les dessus emprisonnés, ou que il déist les causes pour lesquelles il les avoit fait emprisonner. Et ainsi le firent contre la voulenté du prevost des marchans et firent audit régent lesdites requestes ; lequel respondi que il iroit l'endemain à la maison de la ville, et là feroit dire les causes pour lesquelles il les avoit fait emprisonner ; et quant il les auroient oies , se il vouloient que il les délivrast il les délivreront. Et ainsi se despartirent.
cm.
Cornent les dessus nommés furent accusés et tesmoigniés traistres devant ledit régent ; mais, pource que il ne pot estre prouvé par pluseurs , il furent délivrés.
L'endemain jour de mardi , trentiesme jour du moys dessus dit, pluseurs des bons et loyaux subgiés dudit régent qui bien sceurent que leur dit seigneur devoit aler à ladite maison pour la cause dessus dite, et qui doubtèrent que les amis ou aliés desdis prisonniers ne alaissent en ladite maison fors que pour constraindre leur dit seigneur de faire aucune chose contre sa voulenté, s'armèrent et fuient en ladite
maison et en la place de Grève, si fors que il ne dévoient doubter les autres. Et là vint ledit régent qui monta sur les degrés de la croix de Grève, et dist au peuple que il avoit esté informé que les dessusdis emprisonnés estoient traîtres et aliés au roy de Navarre. Et là , un jeune homme de Paris appelé Jehan d'Amiens, et avoit espousé la fdle de l'un des dessusdis emprisonnés appelé Jehan Restable, le^ quel Jehan d'Amiens avoit esté par devers le roy de Navarre pour pourchacier la délivrance d'un sien ami prisonnier dudit roy, dist que il savoit bien les choses dites par ledit régent estre vraies. Pour lesquelles choses ceux qui par avant avoient moult arrogamment demandé et requis la délivrance des dessusdis prisonniers, n'osèrent plus parler. Mais ledit maistre Jehan Blondel requist audit régent pardon de ce que il en avoit dit et fait, lequel régent le pardonna audit Jehan et aux autres qui en avoient parlé. Et s'en parti ledit régent. Si ordena certains commissaires pour savoir la vérité des choses qui luy avoient esté dites contre les dessus dis prisonniers. Mais les choses estoient si secrètes et si obscures que l'en ne trouva lors aucune chose encontre eux. Et pour ce en furent quatorze délivrés le jour de la saint Clément ensuivant, vint-troisiesme (1) jour de novembre. Et assez tost après tous les autres.
(1) vint-troisiesme. Et non pas dix-huiliesme , comme les précédentes éditions. — Yillaret a faussé l'histoire dans cet endroit, quand il a dit que « le régent voulant gagner les cœurs par sa douceur, après avoir fait » instruire le procès des coupables , leur pardonna. » Il paroit que le régent n'eut à renvoyer que desinnocens.
tom. vi.
Des cardinaux qui vindrent à Paris pour traie lier de paix entre le régent de France et le roy de Navarre.
Le jeudi treiziesme jour de décembre, entrèrent à Paris les cardinaux de Pierregort et d'Urgel, pour traictier de paix entre le régent et le roy de Navarre. Et depuis alèrent à Meulent par devers ledit roy ; et depuis à Meleun par devers la roy ne Blanche sa suer, et partout ne firent riens. Et s'en alèrent à Avignon. Et en alant, ledit cardinal de Pierregort fu pillié et robe de grant avoir ; mais depuis luy fu tout rendu, si comme l'en disoit. — Item, le premier jour de janvier , pluseurs de la ville d'Amiens qui avoient traï ladite ville furent décapités (1).
Cornent Laignj -sur-Marne fu pilliée et gastee.
Le mardi après l'apparicion (2), huitiesme jour du moys de janvier l'an mil trois cens cinquante-huit, les Anglois et Navarrois qui tenoient la Ferté-soubs-Juerre alèrent à Laigny-sus-Marne et pillièrent la ville et y prisrent des bonnes gens. Et depuis alèrent en la ville grant nombre de brigans qui estoient venus de Milan, qui gastèrent ladite ville par telle manière que tous les habitans s'en paiiirent ; et demoura toute gastée.
(1) Cette dernière phrase ne se trouve que dons le manuscrit de
(V) L'Apparition L'Epiphanie.
Cornent les Anglois furent desconfis devant Traies,
Le samedi ensuivant, douziesme jour dudit moys , les Anglois et Navarrois qui tenoient une maison de Févesqtie de Troies appellée Ais-en-Ote (1), alèrent devant Troies, et estoient environ quatre cens. Si issirent de Troies le conte de Vaudemont et ceux de ladite ville et desconfirent lesdis Anglois et en y ot environ six vint mors et autant de pris, et pour ceste cause , les autres qui escliappèrent ardirent ladite maison de Ai s et s'en partirent. Et aussi furent autres qui tenoient une autre forteresce appellée Champlost (2), entre la rivière de Saine et d'Yonne, et alèrent tous à Regennes près d'Aucerre ; et par ce, le chemin qui avoit esté empeschié de Sens à Troies fu délivre.
Cornent la cité d1 Aucerre fu prise et mise à raencon des Anglois.
Le jour des Brandons ensuivant , dixiesme jour de mars avant le point du jour, pluseurs des garnisons angloisches qui s'estoient assemblés à Regennes, près d'Aucerre à deux lieues, partirent dudit lieu de Regennes et alèrent à Aucerre et y trouvèrent petite ou nulle garde. Si eschiellèrent ladite ville par devers la porte de Gligny; et entrèrent lesdis Anglois dedens par dessus les murs, et pristrent'la
(1) Ais-en-Ole. Aujourd'hui Aix-en Otheou Aixole, bourg du département de l'Aube, à huit lieues de Troyes.
(2) Champlost. Bourg du département de l'Yonne, à six lieues de Joigny . — Regennes est un hameau sur la route d'Auxerre à Joigny.
ville, la cité et le chastel avant soleil levant. Et jasoit ce que eust grant foison de gens habitans en ladite ville et en eust deux mille ou plus de bien armés , néantmoins y trouvèrent lesdis Anglois petite résistance (1). Et à la prise de ladite ville , furent fais chevaliers deux Anglois : l'un appelle Robin Canole et l'autre Thomelin Fouque , lesquels estoient capitains de grant foison d'Anglois. Et si y estoient deux chevaliers anglois dont l'un estoit appelle messire Jehan d'Arton et l'autre messire Nichole Tarnore. Au chastel de laquelle ville fu pris monseigneur Guillaume de Chalons fils du conte d'Aucerre , et sa femme et pluseurs autres. Et de ladite ville et cité eschappèrent pou d'hommes ou femmes qui ne fussent pris par lesdis Anglois. Toutesvoies en mistrent - il pou à mort , mais pristrent tous à raençon et pillièrent la ville par tele manière que il n'y ot riens mucié que il ne trouvassent , feust en terre, en murs ou autre part. Et toutesvoies disoit-1'en que il n'estoient pas plus de mil, que de maistres que de varies. Et disoient pluseurs, tant de ladite ville comme des Anglois, que il y avoient bien trouvé de biens qui valoient cinq cens mil moutons d'or ; et les raençons des personnes singulières qui valoient trop grossement. Et quant lesdis Anglois se virent tous seigneurs de ladite ville , et l'eurent pillié, et mis à point leur prisonniers, environ huit jours après ladite ville prise il parlèrent à aucuns des plus notables habitans, et leur distrent que il en ardroient toute la ville, ou que il en ardroient la plus grant partie et enforceroient aucuns lieux qui y estoient , et les tendroient ; et ceux qui deinouri oient en ce qui ne seroit ars promestroient aux Anglois bonne obéissance , ou lesdis habitans raençonne-
(1) La chronique inédite du msc. 530 dit : « En ce temps, Phelippe de » Navarre et Robert Canolle prindrent la cité d'Aucerre, par aucuns des » bourgois de la cité qui la leur rendirent par trahison. » (F° 75, R°.)
roient (1) ladite ville. Si fu traictié par pluseurs journées entre lesdis Anglois et ceux de ladite ville. Et finablement furent à tel accort, c'est assavoir que lesdis Anglois auroient pour la raençon de ladite ville quarante mil moutons, et quarante mil perles du pris de dix mil moutons , et si emporteroient tous les biens que il a voient trouvés en ladite ville, se il vouloient, exceptés les joiaux de l'églyse Saint-Germain , lesquels ils prendroient pour gaige seulement, jusques à tant que il fussent paies de la raençon dessus dite. Mais ceux de ladite ville s'obligeroient à ceux de ladite églyse Saint - Germain de racheter desdis Anglois lesdis joiaux dedens la nativité saint Jehan- Baptiste après ensuivant, ou de paier perpétuellement auxdis religieux de Saint-Germain , chascun an trois mil florins de rente ; et si feroient lesdis Anglois abattre des murs de la ville tant comme il leur plairoit , et ardoir les portes. Lesquelles choses furent accordées par ceux qui traictoient pour ladite ville Et pour ce allèrent aucuns d'iceux par devers le régent pour avoir son consentement sur ce. Et cependant lesdis Anglois firent abattre partie des murs et les créneaux, et emplir les fossés de ladite ville des pierres desdis murs, et ardoir les portes.
GVIII.
De la prise de messire James Pipes, anglois , et de pluseurs autres ses compaignons .
Le jeudi, quatorziesme jour de mars ensuivant, messire James Pipes (2), messire Othe de Hollande, anglois, et environ seize ou dix- huit personnes notables de leur compai-
(1) liaençonneroienl. Piachèleroient.
(2) James Pipes. Froissart fait agir et parler vaillamment James Pipes à trois mois de là au prétendu siège de Melun.
gnie, qui estoient partis d'Evreux de la compaignie du roy
de Navarre et de monseigneur Plielippe son frère, fuient
pris par les compaignons de la garnison d'une forte maison
qui est au seigneur de Garancliières ( 1 ) appellée Grant-
Seuvre.
Incidence. Item , samedi , trentiesme jour du moys de mars, et fu le samedi devant Lœtare Jérusalem, fu trouvée une grant quantité de monnoie noire de divers coings ; et en y avoit environ une baignouère pleine, sur un pilier de la petite Maison-Dieu de Sens, laquele l'en abatoit, pour ce que elle estoit trop près des murs de ladite cité de Sens. Et dedens deux ou trois jours après, monseigneur Jehan de Chalon, seigneur d'Arlay , lors lieutenant dudit régent es parties de Champaigne et du bailliage de ladite ville de Sens, ala à Sens pour avoir ladite monnoie, et de fait la prist et l'en fist portera Troie
Cornent aucuns de ceux a" Aucerrc furent destourbés en aluni de Paris à Aucerrc. *
Tout le moys ensuivant, les Anglois qui avoient pris ladite ville d'Aucerre demourèrent en ycelle , en attendant ceux qui estoient aies pour ladite ville à Paris par devers le régent, pour ladite finance, lesquels ne retournèrent point que deux ou trois exceptés qui en retournant furent
(1) Garennhières. Garencihres est aujourd'hui un village du département de l'Eure, à deux lieues d'Evreux. Gmnl-Seuvres , aujourd'hui Grosœuvre, est un bourg du même département, à peu de distance de Garencicres. — Notre chronique inédite touche à cet événement sans doute, quand elle dit que : « le sire d'Ivery, Phelippe Malvoisin et pluseurs autres bons » chevaliers et escuiers du pays devers la rivière d'Eure, firent pluseurs » belles besongnes, et en trois places ruèrent jus en pou de temps leur » ennemis. » (Msc. 530, f° 71, r°.)
desrobés, entre Joigny et Aucerre, d'une grande finance que il aportoient, par Bourguignons; desquels Bourguignons l'un estoit appelle messire Symon de Saint-Aubin, chevalier, et l'autre Huguenin de Binant, escuier, et pluseurs autres.
D'une assemblée que monseigneur le régent fist faire au palais des gens de Paris, pour oïr prononcier les demandes du roy a" Angleterre.
L'an de grâce mil trois cens cinquante-neuf, fu prise la ville d'Aubigny-sur-Nierre (1), par escheler, comme avoit esté Aucerre dont dessus est faite mencion.
Item, le jeudi secont jour de may ensuivant, fu arse la ville de Chastillon-sur-Loaing , par messire Robert Canole qui retournoit d'Aucerre à Chastel Nuef sur Loyre, et en raportoit sa part de la pille d'Aucerre. Quar le mardi précédent, derrenier jour d'avril, lesdis Anglois avoient laissié ladite ville d'Aucerre , et s'en estoient aies en leur forteresces, à tout leur pille; et en avoient mené grant nombre de hommes, de femmes et de petits enfans de laage de dix ans ou environ , et avoient arses les portes et abatu grant foison des murs de la ville. Et néantmoins y aloient depuis lesdis Anglois souvent quérir des vivres qui y estoient demourés ; par espécial ceux de Begennes.
Item, le dimenche dix-neuviesme jour de may ensuivant, fu faite une convocation à Paris de gens d'églyse , de nobles et de bonnes villes , par lettres de monseigneur le régent, pour oïr un certain traictié de paix qui avoit
(1) Aubiyny-sur-IS terre. El non pas Dabigne-sur-M élire , comme dans les précédentes éditions. C'est une ville de l'ancien Berry, aujourd'hui département du Cher, Elle est située sur la Nere, à neuf lieues de Sancerre.
esté pourparlé en Angleterre entre le roy de France et celuy d'Angleterre. Lequel traictié avoit esté aporté par devers ledit régent, par monseigneur Guillaume de Meleun, ai chevesque de Sens , par le conte de Tanquarville frère dudit archevesque, par le conte de Dampmartin, et par messire Arnoul d'Odeneliam, maresclial de France, tous prisonniers des Anglois. A laquelle journée vint pou de gens, tant pour ce que l'en ne fistpas assez tost assavoir ladite convocacion, comme pour ce que les chemins estoient empeschiés des Anglois et Navarrois qui tenoient forteresces en toutes les parties par lesquelles l'en povoit aler à Paris ; et aussi pour cause des pilleurs qui tenoient forteresces françaises qui ne faisoient gaires mieux que les Anglois. Et en estoit tout le royaume semé , par telle manière que on ne povoit aler par le païs. Lesdis Anglois et Navarrois tenoient le chastel de Meleun, l'isle et toute la ville du costé devers Bière ; et la partie devers Brie estoit françoise. Item, il tenoient la Ferté-soubs- Juerre , Oysseri , Nogent -l'Artaut, et bien cinq ou six forteresces sur la rivière de Marne; en Brie il tenoient Becoisel et la Houssoie (1). En Mucien il tenoient Juilly, Creil et pluseurs autres sur la rivière d'Oyse : sur Saine en dévalant , Poissy , Meullent, Mante, Rais; et plus de cent autres en diverses parties, tant en Picardie comme ailleurs.
Laquelle journée du dix-neuviesme jour fu continuée de jour en jour en attendant plus de gens, jusques au samedi ensuivant, vint- cinquiesme jour dudit moys. Auquel samedi ledit régent fu au palais sur le perron de marbre en la court ; et là , en présence de tout le peuple , fist lire ledit traictié par maistre Guillaume des Dormans, advocat
{[) La Houssoye ou La Houssaye. Aujourd'hui village du département de Seine-et-Marne, à cinq lieues de Coulommiers, — Je n'ai pas retrouvé Becohd, que le msc, 9,652 écrit Le Tmet.
du roy en parlement, par lequel traictié apparoit que le roy d'Angleterre vouloit avoir la ducliié de Normendie, la duchié de Guienne, la cité et le ehastel de Saintes , toute la dyocèse et pais; la cité d'Agen, la cité de Tarbe, la cité de Pierregort, la cité de Limoges, la cité de Caours et toutes les diocèses et pais, la conté de Bigorre, la conté de Poitiers, la conté d'Anjou et du Maine, la cité et ehastel de Tours et toute la diocèse et pais de Touraine, la conté de Bouloigne, la conté de Guines, la conté de Pontieu, la ville de Mons- Irueil-sur-Mer et toute la chastellerie, la ville de Calais et toute la terre de Merq (1) en toute justice et seigneurie, ressort et souveraineté , sans ce que , des terres dessus dites le roy d'Angleterre fust en aucune manière subgiet au roy de France présent né à ses successeurs roys de France , mais seulement voisin. Et oultre vouloit avoir ledit roy d'Angleterre l'homage, ressort et souveraineté de la duchié de Bretaigne , perpétuellement , si comme les autres terres dessus dites.
Et oultre vouloit avoir quatre millions d'escus de Phelippe, avec toutes les autres terres que il tenoit au royaume de Fiance , par tel condicion que le roy de France devoit faire récompensacion de autres terres à tous ceux qui a voient aucunes choses sur lesdites terres, par aliénation faite par les roys de France ou par ceux qui ont eu cause (2) d'eux, depuis que lesdites terres et pays vindrent et furent aux roys de France.
Et encore requéroit ledit Anglois avoir la possession des villes et chastiaux de Rouen, de Caen, de Vernon , du Pont-de-F Arche , du Goulet (3), de Gisors, de Moliniaux,
(1) Merq. Ce nom de pays, peut-être le même que Marquenterre, en Ponthieu, a élé oublié dans l'estimable indication des Provinces et pays de la France, publiée dans Y Annuaire de V Histoire de France, année 1837.
(2) Qui ont eu cause. Qui prétendoient à des droits transmis par eux.
(3) Le Goulet. Place forte dont il reste à peine des vestiges. — Moliniaux
d'Arqués, de Gaillart, de Vite, de Boulongne, de Monstrueilsur-la-Mer, de la Rochelle; cent mille livres d'Esterlins et dix seigneurs pour ostages dedens le premier jour d'aoust ensuivant. Et ce fait , il de voit mettre le roy de France en son royaume, en son povoir ; toutesvoies tousjours loyal prisonnier jusque à ce que toutes les choses dessusdites fussent acomplies. Lequel traictié fu moult déplaisant à tout le peuple de France. Et après ce qu'il orent eu délibéracion, il respondirent audit régent que ledit traictié n'estoit passable né faisable : et pour ce ordennèrent à faire bonne guerre aux Anglois.
Cornent les officiers du roy furent rappelles par le régent, et de Vaide que Vcn ojffri pour la guerre.
Le mardi vint-huitiesme jour du moys de may, ledit régent prononça par sa bouche que, à tort et sans cause raisonnable, il avoit privé de ses offices les vint-deux personnes quiavoient esté privées par l'ordonance des trois estas, Tan cinquante-sept ; et qu'il les avoit tousjours trouvés bons et loyaux ; mais l'evesque de Laon et les tirans traitres qui avoient empris le gouvernement le firent faire par contraincte, si comme il dit lors. Et les restitua en leur estas et renommées.
Item , le dimenche secont jour de juing ensuivant , fu accordé au régent que les nobles le serviroient un moys à leur despens, chascun selon son estât, sans compter aler né venir. Et avec ce paieraient les imposicions qui seroient ordenées par les bonnes villes. Les gens d'églyse offrirent à payer
ou Moulineaux , aujourd'hui village à trois lieues de Caen. — Arques, petite ville de Normandie, près de Dieppe.
(Wod.) JEHAN-LE-BON. 156
lesdites imposicions ; la ville de Paris et viscontés offrirent six cens glaives, trois cens archiers et mil brigans. Et fu ordené que tous ceux qui là estoient s'en retournaissent en leur villes, pour ce que il ne vouloient aucune chose ottroier sans parler à leur villes, et qu'il envoiassent leur responses dedens le lundi après la Trinité. Et depuis envolèrent pluseurs villes leur response : mais pour ce que le plat pais estoit tout gasté par les ennemis anglois et navarrois, et aussi par les garnisons des forteresces françoises , lesdites bonnes villes ne porent acomplir le nombre de douze mil glaives qui luy avoient esté accordés de la Langue d'oc.
Cornent un traicliéfu fait entre le régent et le rof de Navarre.
Audit moys, le régent ala à Meleun : et là se tint et fist faire le moustier duLis fort (1), et y establi une bastide contre ses ennemis qui tenoient le chastel et l'isle de Meleun et la partie de ladite ville devers Bière ; et l'avoient tenue depuis l'entrée du moys précédent. Et y estoit tousjoursla royne Blanche et Jchanne, sa seur, seurs audit roy de Navarre. Et ledit régent et ses gens tenoient l'autre partie de ladite ville qui est devers Brie.
Et pendant ce que ledit régent estoit à Meleun, aucuns de ses gens traictièrent de paix avec aucuns des gens du roy de Navarre, à Rosny et à Veteil (2). Et finablement furent à accort que ledit régent î endroit audit roy de Navarre toutes les forteresces que il tenoit de luy, et outre paieroit encore douze mille livrées de terre et six cens mil escus de Jehan, à
(1) Fort. C'est-à-dire il fortifia le monastère du Lys.
(2) Rosny et Vétheuil sont dans les environs de Mantes, aujourd'hui déparlement de Seine-ot-Qise.
paier cliascun an cinquante mille jusques à douze ans. Et par ce ledit roy demourroit ami bienvueillant et alié du roy de France et dudit régent, et de nouvel feroit homage audit régent. Lequel traictié fu rapporté audit régent à Meleun. Et pour ce se parti le mercredi darrenier jour de juillet ensuivant , après disner , et s'en ala par yaue à Paris toute jour et la nuit ensuivant et arriva à Paris le jeudi bien matin, premier jour d'aoust. Et celuy jour fist assambler à heure de relevée, en la chambre des comptes, pluseurs de son conseil , le prévost des marchans de Paris et aucuns autres bourgois de ladite ville. Et là ledit régent fist narracion dudit traictié que il ne vouloit avoir passé sans avoir eu leur advis et déhbéracion. Si fu ordené que il y auroit plus des gens de Paris. Et pour ce fu dit que l'en retourneroit le vendredi matin , secont jour dudit moys d'aoust ; et ainsi fu fait, et fu rassemblée en la chambre de parlement. Et là ledit régent répéta ledit traictié, et fu dit que l'en retourneroit l'endemain, samedi tiers jour dudit moys , pour dire chascun ce que il ly en sambleroit. Auquel samedi retournèrent en ladite chambre de parlement, et là fu conseillié audit régent que il féist accort audit roy de Navarre, en luy baillant ce que dessus est dit. Si retourna à Mante et à Meulent le seigneur de Vignay qui ces choses traictoit pour ledit régent avec aucuns autres , par devers Friquet de Fricamp, le seigneur de Luce, et monseigneur Regnault de Braquemont qui ces choses traictoient pour le roy de Navarre. Lesquels vindrent à Paris parler audit régent, et leur ala à l'encontre Jehan Culdoe, lors prévost des marchans, acompaignié de Jehan Maillart et de aucuns autres de Paris jusques à Saint-Denis, afin, si comme l'en disoit, que on ne féist villenie à Paris aux dessusdis chevaliers du roy de Navarre» Et les conduist ledit prévost et sa compaignie jusques au Louvre, par devers ledit régent,
lequel régent fist moult grantchière auxdisFriquet, seigneur de Luce et de Braquemont, jasoit ce que eussent esté des plus principaux conseilliers dudit roy et encore estoient ; et les fist mangier à sa table , et leur fist livrer chambre au Louvre. Et furent par pluseurs journées avec luy. Et après retourna ledit Braquemont par devers le roy qui estoit à Mante, si comme l'en disoit, et les deux autres demourèrent à Paris.
Item , le samedi dix-septiesme jour du moys d'aoust , ledit régent parti de Paris, et ala à St-Denis au disner, et au giste à Pontoise, là où le roy de Navarre devoit aler pour parler à luy et pour parfaire le traictié.
Des hostages qui furent envoies à Meulenl avant que le roy de Navarre osast venir à Pontoise par devers ledit régent.
Le lundi ensuivant , dix-neuviesme jour dudit moys d'aoust, après disner , ledit régent issi hors de Pontoise pour aler au devant du roy de Navarre, et mena ledit régent avec luy moult de gens d'armes, et chevaucha en alant vers Meulent environ une lieue.
Et lors vit ledit roy qui estoit issu dudit Meulent , et venoit devers ledit régent ; et avoit avec luy environ cent hommes d'armes ; et si en y avoit bien autant des gens ledit régent que il avoit envoies contre ledit roy. Et si en avoit aucuns que ledit régent avait envoies pour convoier certains hostages lesquels monseigneur ledit régent avoit envoies à Meulent, pour ce que ledit roy n'osoit né vouloit aler à Pontoise, se il n'avoit hostages. Et furent hostages le duc de Bourbon, monseigneur Loys de Harecourt , le sire de Mo-
rency (1), le sire de Saint-Venant, monseigneur Guillaume Martel, le Bauclrin de la Heuse et aucuns autres chevaliers, le prévost des marchans et deux bourgois de Paris. Mais ledit roy ramena avec luy ledit prévost et bourgois de Paris, quant il ala par devers ledit régent , et les autres demourèrent à Meulent.
Et quant ledit roy vit ledit régent sus les champs, il renvoia sa gent à Meulent, et ne retint avec luy que quarante chevaux ou environ. Si s'approchièrent l'un de l'autre, et avoient chascun le chapperon avalé (2), hors de la teste. Et quant il furent près l'un de l'autre, si se entresaluèrent, et retournèrent ensemble à Pontoise à l'anuitier. Et furent les torches alumées à l'entrée de la ville. Et mena ledit régent avec luy descendre ledit roy au chastel auquel le régent estoit hébergié ; et livra-1'en audit roy chambre dessous la chambre dudit régent, et ce soir souppèrent ensemble.
Et l'end emain , jour de mardi , fu le conseil des deux assemblé pour traictier de Fassiete des douze mille livrées de terre que ledit régent devoit baillier audit roy. Et réquéroit audit régent et son conseil ledit roy et son conseil que on luy baillast pour ladite terre , les viscontés de Faloise, de Baieux , d'Auge et de Vire. Et de ce ne furent pas à acort les gens du conseil dudit régent. Pour ce alèrent devers ledit régent , et luy distrent les requestes des gens dudit roy, et les offres qui leur avoient esté faites par les gens dudit régent. Et sembla audit régent que on le seurquéroit (3) de la partie dudit roy. Et pour ce envoia le conte d'Estampes par devers ledit roy et luy manda que se il ne prenoit
(1) Morency. La maison de Montmorency est souvent ainsi désignée dans les anciens monumens.
(2) Avalé. Descendu.
(3) Surquéroit. Demandoil trop de choses exorbitantes. Surenchérissait,
les offres qui luy avoient esté faites de par luy , lesquelles estoient bonnes et honnorables et raisonnables, que il n'auroit paix né acort avec luy, mais le feroit mettre seulement là où il Pavoit pris, et après féist chascun le mieux que il pourroit. Laquelle chose ledit roy ne voulut accorder ; et cuida-Pen que le traictié fust tout rompu.
GXIV.
Du bel langage que le roy de Navarre dist au conseil de monseigneur le régent.
L'endemain , jour de mercredi vint-et-uniesme jour du moys d'aoust, ledit roy manda un pou avant heure de disner le conseil dudit régent pour aler parler à luy en sa chambre, et leur dist que il vouloit estre bon ami du roy et dudit régent et du royaume de France ; car il véoit bien, si comme il disoit, que le royaume de France estoit sur le point d'estre destruit; et luy, qui estoit si prochain de par père et de par mère, ne le povoit né vouloit souffrir. Et pour ce, ne vouloit avoir terre né argent, fors seulement la terre que il avoit par devant ; ains le vouloit emploie r à faire tout le bien que il pourrait pour le royaume. Et il pensoit que l'en luy déserviroit se il faisoit bien. Et dist, en oultre, que il vouloit ces choses dire devant le peuple.
Et ces choses ainsi dites au conseil dudit régent, ledit conseil s'en retourna devers le régent, et luy dit ces choses dont ledit régent moult s'esjoy, et aussi communément ceux qui Poïrent, car par avant Peu tenoit que tout le traictié estoit rompu. Et disoient pi Liseurs que Dieu avoit inspiré ledit roy, se il disoit en bonne entencion ce que il disoit. Et lors fu ordenné que on feroit venir des gens de ladite ville de Pontoise en la sale du chaste], et le roy diroit
les choses dessus dites. Et ainsi fu fait celuy jour. Et leur dit le roy de Navarre ce qui dessus est dit; et, oultre, que il délivreroit toutes les forteresces qui avoient este; prises depuis que il avoit esté ennemi du roy de France et du régent , par ses gens ou par ses aliés. Et assez tost après s'en partirent les Anglois qui estoient à Poissy, de Chaumont-en-Vouquessin , à Jouy, à la Ville-au-Tertre (I), et à Latainville. Dont pluseurs disoient que le roy de Navarre feroit bien besongne, et que, par ladite paix, moult de bien vendroit au royaume. Et les autres disoient que le roy de Navarre faisoit tout ce que il faisoit par cautèle et par malice, pour décevoir ledit régent et le peuple, et que il ne feroit jà bien de sa vie.
Cornent monseigneur le régent parla bien en parlement pour le roy de Navarre , et de la response que fist maistre Jehan des Mares contre pluseurs traîtres.
Le samedi, vint-quatriesme jour du moys d'aoust, ledit régent s'en retourna de Pontoise à Paris, et ledit roy s'en ala à Meulent. Etdeurent estre à Paris ensemble, le dimenche premier jour de septembre ensuivant, pour ordener du fait de la guerre ; pour ce que l'en disoit que le navire du roy anglois estoit tout prest, et que celuy roy devoit passer bie veinent à grant ost pour venir en France. Et jasoit ce que ledit régent eust jà partout envoie lettres au royaume , contenant le traictié de la paix de luy et du roy de Navarre, par lesquelles il se pénoit ,
(1) ha Ville-au-Tertre. Aujourd'hui la Villelertrey près de Chaumont en Vexin. — Latainville, et non pas La Chanville, comme dit Villaret. C'est un village encore plus rapproché de Chaumont que la Villelerlre.
tant comme il povoit, de recommander ledit roy et de le mettre en la grâce du peuple , toutesvoies ne le vouloit -il ou n'osa faire venir à Paris, jusques à ce que il eust parlé au peuple sur ce. Et pour ce fist une grande assemblée en la chambre de parlement, et là récita au peuple le traictié dudit roy , et leur dist de sa bouche qu'il ne vouloit point faire venir ledit roy de Navarre à Paris se ce n'estoit de leur bon gré, et que il ne vouldroit point que l'en féist né déist audit roy né à ses gens aucunes choses qui leur déust déplaire.
Et lors, un advocat de parlement appelle maistre Jehan des Mares, pour et au nom du prévost des marchans et de ladite ville , respondi en substance que le peuple de Paris estoit joieux et lie de la bonne paix dessusdite , et leur plaisoit bien que il féist venir à Paris ledit roy toutesfois que il luy plairoit : mais les bonnes gens de Paris supplioient audit régent que il ne voulsist souffrir que aucuns traistres venissent à Paris que ledit maistre Jehan nomma lors. Et dist au régent que se il venoient à Paris, que il tenoit fermement que le peuple ne les y pourroit souffrir. Et estoient ceux dont les noms s'ensuivent : maistre Robert le Coq évesque de Laon , maistre Michiel Casse chancelier de l'églyse de Noyon, Jehan de Sainte-Aude, Pierre de la Courtneuve , Vincent du Valrichier , Pierre des Barres , Gieffroi le Flament du porche St-Jaques et aucuns autres.
Lequel régent respondi que ce n'estoit point son entencion né sa volenté que lesdis traistres venissent à Paris ; et jasoit ce que ledit roy luy eust fait requeste pour les dessus nommés, afin que il leur pardonnast tout, toutesvoies ne luy avoit-il voulu accorder né pensoit à faire.
