tiavis, navire. clier

5. Vu que. 10. Ruer, jeter. t. Les ceinte* sont les cordage* qui 11. De l'attaque.

mesme sur la grève, un aultre froissé1 d'un levier, un aultre bruslé d'un tison, et un aultre meurtri de quelque aultre sorte; mais la plus grande partie avoit été défaite * à coups de trait, et avoit la fortune en peu de lieu produict infinies sortes de divers inconvénients 3, en contaminant le vin de sang, faisant sourdre * un mortel combat en un festin, meslant le meurtre parmi la bonne chère, et conjoignant l'effusion du sang humain avec la coustume usitée es banquets de boire les uns aux aultres en nom d'amitié: lequel spectacle elle présenta aux yeux de ces brigands d'Egypte qui estoient sur la montagne, et voyoient bien devant eulx tout ce que noua avons récité *.

Et comme ils estoient déjà esbranlés et en voie pour aller au pillage, ils aperçeurent assez près de la nef et de ces gens morts estendus, un aultre spectacle qui les estonna plus encore que le demourant : c'estait une jeune pucelle6 assise dessus un rocher, de beauté si rare et si émerveillable qu'a la veoir seulement on l'eust prise pour une déesse. Vray est qu'elle estoit triste et dolente, h cause du piteux estât auquel elle se voyoit pour lors réduite ; mais toutefois encore monstroit-elle à son maintien la noble et vertueuse grandeur de son courage. Elle avoit le chef 7 couronné d'un chapeau de laurier, et des épaules lui pendoit par derrière un carquois qu'elle portoit en écharpe8; son bras gauche estoit appuyé sur son arc tout debout, et laissoit pendre négligemment contre le bas le reste de sa main, et reposant le coude de son autre bras, avoit la joue dedans la paulme de sa main, dont elle soutenoit sa teste, tenant les yeux fichés en terre à regarder devant eile un jeune damoiseau 'estendu tout de son long, lequel estoit tout meurtri et détaillé l0 de coups, et qui sembloit se revenir un peu (ni plus ni moins que d'un profond sommeil), des contins de la mort, dont il avoit approché bien près, combien qu'en si piteux estât encore florissoit-il en virile beauté : car la grande blancheur de son