DEUXIEME PARTIE. — LA KËFOKME

vont de 1387 à 1771 et reposent aux archives de l'hôtel de ville. Les autres, ceux de la gouvernance ou registres aux Dictums, partent de 1543 — le plus ancien va de 1543 à 1555, sauf une lacune de 1516 à 1550 — et reposent au Palais de justice, au greffe de la cour d'appel. Le plus ancien registre aux Dictums est donc postérieur à la condamnation de Jean Garcette qui, d'ailleurs, n'avait pas à y figurer, c'était une affaire échevinale. Quant aux registres de la ville pour les affaires criminelles, loin de nous fournir quelque lumière sur les procès d'hérésie, ils nous apportent une déception, ils subissent une éclipse totale pour la période qui nous occupe. Ils vont, en effet, de 1387 à 1519 et s'interrompent à ce moment; ils ne reprennent qu'en 1573 pour se terminer en 1771, laissant un vide de 54 ans, un trou noir, au moment des persécutions religieuses. On ne sait ce qu'ils sont devenus pour cette époque. Ils ont probablement été détruits. De sorte que nombre de procès d'hérésie ne nous sont connus que par une laconique mention des comptes du domaine : telle dépense pour fustiger ou exécuter quelques hérétiques.

Jugement d'Hector Remy (18 juin 1545).

Veu le procès criminel faict et parfaict a ce siège contre Hector JRemy prisonnier, et les conclusions contre luy prinses par le procureur de lempereur a ce siège, ad cause de son office.

Par lequel procès apparu nous est icelluy prisonnier, tant par informations, confrontations que confessions par luy faictes et réitérées par plussieurs et diverses fois, hors torture et aultrement, avoir des a longtemps mal senti de la foy et constitution et ordonnances de Dieu et de Nostre Mere Saincte Eglise, semant et ayant prophere a diverses fois plusieurs propositions hereticques, erronées et scandaleuses, desrogeantes a lordonnance de Dieu et de Nostre dicte Mere Saincte Eglise, assçavoir : davoir dict et soustenu que la Mere de Nostre Seigneur Jhesus Christ nestoit vierge, et avoir concheu et enflante Nostre dict Seigneur Jhesus Christ par œuvre dhomme et charnel, et non par opperation divine ou du Sainct Esprit. Item, quil ne y a purgatoire, et ne fault prier pour les ames des trespassez, et que soubdain la séparation de lame du corps, elle sen va en paradis ou en enfer seulement, parce que il ny a que deux voyes. Item, Quil ne fault prier ni servir les sainetz, quy ont este hommes mortelz et pécheurs comme nous, ains Dieu seullcment. Item, quil ne fault porter révérence ou faire vénération aux ymaiges, en tant que ce faisant on faict deshonneur a Dieu et est Ion ydolattre. Item, quil ne se fault confesser aux prebtres, mais a Dieu seullement, par ce que les prebtres sont hommes mortelz et pécheurs comme nous. Item, que jeusnes ne sont de commandement de Dieu, ains des hommes, et que Ion ne ofîenseroit point Dieu en mangeant chair le vendredi. Item, que Ion ne debvoit en chahtans le Salve apposer Regina miser 'icordiae.

P1ÈCÉS JUSTIFICATIVES

Pareillement de avoir par ledict prisonnier avec aultres tenu conventicules et este présent ou aulcuns luthériens et hereticques auroient leut, discute et propose plusieurs prépositions hereticques, meismes avoir receu, logie et favorise lesdits hereticques, sans les avoir nonchie a justice. Davantaige de avoir coppie et retenu en sa possession certain livret trouve par théologiens du tout hereticque et contre les ordonnances de Dieu et Nostre dicte Mere Sainte Eglise, combien que precedentement il congnoissoit et sçavoit ledict livre estre tel, et de avoir leut aultre livre hereticque, meismes davoir retenu en sa possession aulcuns livres de la Saincte Escripture, lesquelz par ordonnance de notre prédécesseur en office luy avoient este ordonne de non les tenir. Samblablement, avoir dispute de la Saincte Escripture, signamment en mattiere doubtive et daulcuns passaiges que les hereticques alleghuent pour fonder leurs opinions erronnees. Et au surplus avoir dict, serae et proppose plusieurs aultres proppositions hereticques et erronnees plus amplement déclarées et spécifiées audict procès, et a aulcuns dicelle induict sa femme, aussi a présent prisonnière, en contrevenant par tant directement contre les placcars, statutz et ordonnances impériales, despechies sur le faict de la secte lutheranne.

Pour lesquels cas, considération neantmoingz eue ad ce que ledict prisonnier a retracte touttes les dictes prépositions erronnees, et déclare ne volloir a icelles adhérer, ains voulloir vivre et morir en la foy de Dieu et selon les constitutions de noste dicte Mere Saincte Eglise, aussi quil ne a tenu lesdicts prepos en beaucoup de lieux, nous, icelluy prisonnier, sieuvant lesdicts placcart et ordonnances dudict Sgr. Empereur, avons a moeure délibération de conseil condempne et condempnons de estre mené sur ung hourt en ceste ville, et illecq avoir la teste tranchiee jus des espaulles tant que la mort sen enssuyve, et son corps et teste mis en tel lieu qui sera par nous advise. Et si avons, suivant lesdicts placcars et ordonnances Imperialles, déclare et déclarons ses biens confisquiez au prouffict du dict S1' Empereur, et ad ces fins les avons saisis et saisissons, prenons et mectons es mains de Sa Majesté, sur lesquelz préalablement se prenderont les fraiz, despens et mises de justice, supportez et a supporter audict procès et exécution dicelluy, a notre taxation.

Faict et prononchie en jugement au chastel a Douay, le XVIIIe jour de juing lan mil chincq cens quarante chincq, par devant Jehan de Lattre, lieutenant dessus nomme.

Greffe de la cour d'appel de Douai, Registre aux Dictums, 1543- 1555, non paginé.

Jugement de Mathienette du Buisset (10 septembre 1545).

Veu le procès criminel faict et parfaict a ce siège contre Mathienette du Buisset, prisonnière, femme de feu Hector Remy, nagueres par nostre sentence exécute par lespee pour hérésie, les conclusions prinses contre

DEUXIÈME PAHïllî. — LA RÉFORME

ladicte prisonnière par le procureur fiscal ad cause de son ollice, par lequel procès apparu nous est, tant par informations, confrontations que confessions faictes et réitérées par plusieurs et diverses fois, sans torture et aultrement, icelle prisonnière avoir dez a longtemps mal senti des constitutions et ordonnances de Dieu et de leglise, semant et ayant prophere a diverses fois et personnes plusieurs propositions hereticques, erronées et scandaleuses desrogeantes ausdites constitutions de Dieu et de nostre dicte mere saincte Eglise, assçavoir : davoir dict et soustenu quil ne fault prier ne servir les sainctz, ains Dieu seulement. Item, Quil ne fault aller en aulcuns pelerinaiges. Item, qu'il ne fault donner aulcunes offrandes aux prebtres, ny a iceulx aussi donner aulcune chose pour célébrer messe et debvoient ce faire sans argent. Item, davoir déclare parlant de certaine comodie liereticque que ledict feu Hector, son mary, avoit coppie, que si ledict. feu et elle pooient venir au dessus de la dite comodie, quils ne tiendroient non plus de prebtres que de flacques de vaches. Item, parlant par la dicte prisonnière de lexecution criminelle puis peu de temps faicte en la ville de Tournay dun prédicateur hérétique venant dAllemaigne (1), avoit déclare que cestoit le placcart de lempereur quy le faisoit mourir, mais que Ion trouvoit en la Saincte Escripture quil estoit peu de martirs en paradis et que Ion faisoit et convenoit faire morir les bons. Pareillement, davoir este présente ou aulcuns hereticques auroient leut, discutte et propose pluisieurs hereticques propositions, par lesquelles estoit blasme purgatoire, le service des sainctz, les yrnaiges, la confession, jusnes et aultres constitutions de Dieu et de leglise, et ausquelles propositions elle aurait confesse y avoir adhère par quelque temps, meismement avoir iceulx hereticques receu, logie et favorise, sans touttes voyes les avoir denoncliiez a justice. Item, davoir en faisant son procès malicieusement accuse dheresie aultruy personne, qui pour ce en auroit este constitue prisonnier, et neantmoingz deppuis, icelluy confronte a lad. prisonnière, icelle auroit retracte toutes les charges et accusations par elle contre luy faictes, déclarant et confessant les avoir faict faulsem1, a tort et par hayne. Et au surplus que icelle prisonnière seroit attaincte par ses dictes confessions daultres cas plus a plain déclarez en son dict procès.

Pour lesquels cas, nous, par nostre sentence, suivant les lres de placcart décernées de par ledict Sr Empereur sur le faict de la dicte secte luterane, meismement certaines lettres dordonnances a nous envoyées par la Reginalle Majesté, avons, a meure délibération de conseil, condempne et condempnons la dicte prisonnière estre menée en la plache que Ion dit le Barlet, en ceste ville de Douay, et illecq estre mise en une fosse et couverte de terre tant que la mort sen enssuyve. Et si avons déclare et déclarons ses biens confisques, et si avons, suivant lesditz placcartz et ordonnances imperialles, déclare et déclarons ses biens confisquez au proufïict du dict

(1) Pierre Brully.

Sr Empereur, et ad ces fins les avons saisis et saisissons, prenons et mectons es mains de sa Majesté, sur lesquelz préalablement se prendront les fraictz et mises de justice supportez et a supporter audict procez et exécution dicelle, a notre taxation.

Faict et prononchie en jugement au chastel a Douay, le dixiesme jour de septembre 1545, par devant Jehan de Lattre, lieutenant dessus nommé.

Greffe de la cour d'appel de Douai, Registre aux Dictums, 1543- 7555, non paginé.

Jugements de Jacques Catoire, de Philippe Descairies et d'un troisième

prisonnier (1555).

Veu le procès demene pour office a nos juges dentre le procureur fiscal ad cause de son office contre Jacques Catoire prisonnier, les informations tant préparatoires que aultres contre luy tenues, interrogatoires, confessions et dénégations du dict prisonnier, par lequel apparu nous est icelluy avoir témérairement, scandalleusement, irreverentement et indiscrètement parle de la Vierge Marie et des Sainctz, contre lhonneur, services, miracles, pelerinaiges et vénération diceulx. Disant par lui, sur ce que quelque personne recitoit avoir este en pelerinaiges a Monsr S1 Laurens d'Aix, termes de cette Gouvernance, et ailleurs, espérant récupérer garison dun mal de jambbe, sans neantmoings avoir este sane, que, puisquil ne lavoit gary, lui deut avoir rue ung caillou en la teste et labatre de lautel. Et oultres, parlant par aultrui en sa présence des miracles que faisoit Nostre Dame de Miracle S1 Pierre a Douay, pour confutation du propos précèdent tenu dud1 S1 Laurens par led1 prisonnier, allegant que aulcuns enffant présentez au devant de elle auroient este resuscitez ayant saingne et leur face rougi, icelui prisonnier auroit demande si on creoit quelle euist telle puissance, allegant que le diable et lennemi se mettoit aulcunes fois aux corps des enffans pour les faire saingner et rougir. Comment que plusieurs lont poursuivi audict procès.

Le tout considère et eu advis tant des théologiens et légistes que clercqz de droit, ayant neantmoingz regard que icelluy prisonnier se trouve avoir toujours vescu catholicquement... nous en préférant grâce et miséricorde a rigoeur de justice... condamnons a ung escondit et réparation en jugement, teste nue, a faire dire une messe a lautel de la chapelle de N. D. de Miracle, a laquelle il assistera en personne et pour la décoration du dict autel donnera ung drap dautel en valeur et estimation de dix florins carolus, au milieu du quel sera pourtraicte limage de la Vierge Marie, en outre a faire célébrer une messe en leglise du village d'Aix et a faire faire un drap dautel représentant S1 Laurent.

Veu le procès demene pour office a nos juges dentre le procureurfiscal ad cause de son office contre Philippe Descairies prisonnier, les informations tant préparatoires que aultres contre luy faictes depuis son