DEUXIEME PARTIE
LA RÊF0K3IE
soit grand debvoir avecq le prince de Conde pour remettre la religion en lavraye foy. Item, aulroit en divers lieux eu disputes de la sainte Escripture et alleghue plusieurs passaiges sur lesquels les nouvelles sectes prendroient leur fondation. Item, soy trouve en assemblées et tenu aulcunes lectures avecq hereticques et gens suspectz, et aulcuns desquelz aulroient este condamnez au dernier supplice et aultrement corrigez pour les sectes. Item, avoir blasrne les prières et services de la Vierge Marie et des sainctz, voyaiges et pelierinaiges que Ion faict a iceulx, disant que cestoit ydolatrie de faire lesdits pelerinaigos. Item, volu induire aultruy a ses opinions, et a cest efïect leur présente et délivre aulcuns livres. Item, déclare que les prebstres estoient tous meschans et quilz ne debvroient prendre aulcune chose pour administration des sacremens. Item, déclare que Ion ne se doibt confesser a prebstres, ains seulement a Dieu, et que prebstres nont puissance dabsoudre. Item, que lame estant séparée du corps sen va en paradis ou infer, et quil ny a poinct de purgatoire, disant que sil trouvoit ung passaige de la Saincte Escripture contenant quil y eust ung purgatoire, le croiroit. Item, déclare que Dieu naulroit commande les jeusnes, ains soeulement les hommes. Item, que les prières que Ion faict en sa maison sont aussy oies que celles que Ion faict a leglise. Item, par curiosité avoir demande a aultruy personne que cestoit de Dieu. Item, comme aultruy non auctorise de leglise se vantoit de preschier en plein marchiet de Douay, aulroit déclare quil trouveroit bien trois ou quatre cens hommes pour louyr prescher.
Nous, pour ces causes et aultres reprinses par son procès, a mœure délibération de conseil, le tout considère et eu advis, mesmes prins esgard aux placcartz décernez par sa Mate sur le faict des sectes réprouvées, avons ledict prisonnier condamne et adjuge, condamnons et adjugeons aux galères, pour y servir sa Mate le temps et espace de dix ans continue^, et a cest effect ledit seurement mené et conduyct jusques au lieu ou sont les commissaires de sa Majesté, pour a iceulx délivrer ledit prisonnier, pour servir auxdites galères comme dictest ledit temps et espace de dix ans lesquelz expirez avons oultre ce banny et bannissons, a tous jours et touttes nuictz, le dit prisonnier du pays et comte de Flandres, a paine du dernier supplice.
Faict et prononche en jugement au chastel audict Douay le mie de rnay
Ceste coppie a este extraicte du registre aux dictoms reposant au greffe de la gouvernance de Douay, et icelle collationnee et trouve concorde. Par moy greffier soubsigne.
Paiquet.
Archives de Douai, Dossier criminel FF, année 1564.
