DÉLIBÉRATIONS DES CONSAULX DE DOUAI

Au conseil tenu en halle a Douai, le xixe jour doctobre XVc LXVI, ou estoient noble Sr Maximilian Vylain, chevalier, baron de Rassenghien,

PIÈCES JUSTIFICATIVES

gouverneur de Lille, Douay et Orchies, le Sr d'Oudenhove, son lieutenant en la gouvernance de ceste ville, le bailly de ceste ville. MMrs les eschevins, six hommes et ceulx du conseil, a este leu le concept dresche sur la reparticion de toutes les compaignies des gens de ceste ville, avec dénomination des Srs chefz capitaines de chacune dicelles, pour, en cas deffroy, alarme ou invasion subite et inopinée que Ion porroit faire a ceste ville, Ion soit tant plus tost prest a la deffense, garde et tuition dicelle et des inhabitans. Auquel concept y a la forme du serment advise estre a faire, tant par les Srs chefz capitaines centeniers, que cinquanteniers, dixeniers et aultres, pour avoir tant plus grande seurete et asseurance de gens fîdelz et leaulx a Dieu, au Roy et a la Ville, faisans profession de meisme foy et religion catholique, apostolique et romaine.

Duquel serment la teneur est telle :

Destre fidel a Dieu, au Roy et a la Ville.

Vivre selon lanchienne, sainte, catholique, apostolique et romaine religion et comme, de tout temps, a publiquement et notoirement este gardée et exercée en ceste ville de Douay.

Ne loger, soustenir ou converser, ne hanter scientement en aucunes compaignies esquelles se traicteroit chose préjudiciable a laditte religion, au Roy et a la Ville. Et silz entendent quelque chose dire, traicter et trafiquer au contraire, ils promettront en faire rapport a leur capitaine, gouverneur et eschevins de ladite ville de Douay, leurs juges, a peine destre chastiez comme fauteurs de sedicieux et ennemis de la patrie.

Sy promettront de défendre la ditte ville et tout le corps dicelle jusques a la mort, en chose concernant le service de Dieu et du Roy, pour le bien et repos publique de ceste ditte ville, conservation et deffense dicelle, et ce si longtemps quilz seront residens en la ville et jurisdiction du gouvernement.

Le clict serment a preste le Sr de Rassenghien, gouverneur, comme aussi a fait ledit Sr d'Oudenhove, lieutenant de la gouvernance. Pareillement ledit Sr de Grincourt, bailly. Eustace d'Aouste, Sr de Jumelles, chef.

(Six échevins, dont un docteur en médecine, cinq des six hommes, dix du conseil et sept autres divers officiers de la ville prêtent le serment.)

Le dernier du mois :

(Trois échevins et le lieutenant du bailli prêtent le serment). Le jour de Toussaint LXVI :

(Un des six hommes, six du conseil et un échevin prêtent le serment.)

Au ve de novembre :

Jacques Commelin (échevin).

Loys de Cantin, du conseil.

Antlioine de Vauchelles a faict ledict serment, ayant de soy meisme nomme et adj ouste aprez ce mot : notoirement, porte au IIe article dudict serment cy devant, ce mot : deuement.