DEUXIÈME PARTIE. — LA RÉFORME

Aubin de Ricqucbourg a faict le serment aprez quil a dict : si avant que sa conscience ny soit bleschee.

Jacques Bonnenuict a faict le dit serinent...

f° 3. Au dit jour de Toussaint XVc LXV1 :

Jehan du Fay, bailly de Fresnes, en la présence de Messrs les eschevins, six hommes, bailly de la ville et du Sr d'Oudenhove, lieutenant de la gouvernance, aprez lecture diceluy serment a dict quil ne vcult jurer de défendre le pape, ny les ecclésiastiques, ny les abus, finalement a faict et preste icellui, requérant instamment en avoir copie.

Hugues Villain, detailleur de drap, a faict ledict serment aprez avoir allègue aucuns abus qui sont en leglise, si comme des questeues sur les imaiges et aultres, lesquelz il nentendoit comprendre.

Au VIIe du dit mois :

Guillaume Lhernou, brasseur de la Rose, mande pour prester ledict serment, aprez avoir oy lecture dicelluy, a demande copie et jour dadvis.

André Vaillant, carpentier, aussy mande et ayant oy lecture dudict serment et aprez aucunes difficultez, a requis copie dudict serment et jour dadvis.

Ledit jour, Emery le Maire, hostelain de Saincte Catherine, a faict et preste le serment en la forme advisee.

{Quatre autres, dont Robert de Ricquebourg prêtent te serment. ) Valerien de le Becque, mande, aprez avoir oy ledict serment a requis jour dadvis pour y penser, et quaultrement il nest délibère de le faire, parce que la chose est de grande conséquence demandant 4 à 5 jours. Advise lui bailler heure jusques a trois heures de lapres disner, a quoy il sest... Et ce sur peine de désobéissance.

Audit jour :

Ledit Vaillant retourne en halle a persiste quil ne veult prester ledit serment, que sil le faisoit, sa conscience se trouveroit bleschee. Advise de le retenir et lenvoyer en hault, en la chambre des Electeurs, et a lapresdisner sera interrogue de sa foy par frère Anthoine du Bus, cordelier.

Léon Dablaing a este mande devant disner, lequel na este trouve en sa maison, et ordonne quil sera appelle pour lapres disner.

Audict jour de lapres disner :

0 *• Ledict André, admoneste par ledkït du Bus, sest enfin condescendu et a

faict ledit serment.

Ledict Valerien, retourne de lapres disner, enquis sil a pense a son cas, a repondu : « Lheure a este courte, et me semble que telle chose est nouvelle et non accoustumee ». Depuis admoneste que ledict serment est juste et raisonnable, après avoir vacet quelque temps enfin le a faict.

Ledict Léon Dablaing, aprez lecture, na volu passer ce mot romaine, ne prester le serment, soy demonstrant fort suspect. Advise le renvoyer en sa maison jusques a demain les 9 heures, a laquelle heure sera tenu

PIÈCES JUSTIFICATIVES

se représenter et dire absolument quelle profession de foy il veult faire.

Robert le Maire, marchand de houplons, a dit quil ne lentend et requiert en avoir copie. Ledict a aussi este renvoyé en sa maison jusques a ladicte heure de ix heures du matin — et a laquelle heure sera tenu se représenter et dire absolument quelle profession de foy il veult faire — et luy a este ordonne et enjoinct que, ledict jour, il se treuve vers ledict frère Anthoine du Bus, cordelier, pour, en cas quil face quelque scrupule au serinent, se conseiller a luy, et aprez venir faire profession de sa foy.

Conseil tenu en halle a Douay le vne jour de marsxvclxvi (1) ou estoient Messrs les eschevins, tous les six hommes, saulf Balduin de Vermeilles et plusieurs du conseil, auquel conseil a este propose en substance comme il sen suit.

Que tout ainsi que ung nautonnier ou marinier, estant sur ia mer, advise et estudie, principallement quand la tempeste et les ventz tourmentent sa navire, de dresser ses voiles, les abbaisser, redresser et tournoyer, puis delà, puis deçà, une fois hault aultres fois bas, selon les occurencces et que les ventz ont domination, et en ce, saccommodant pour éviter le naufraige et aultres dangiers apparans, tant des siens que de luy ; semblablement doibt faire le sénat et magistrat dune republique, signament en temps turbulent et plain demotions et sedicions, pourvoyant aulcunes fois de remèdes promptz, rigoreux et vehementz, aultres fois plus modérez, selon les circunstances des temps, des lieux et des personnes, gardant tous jours et portant le soing sur toutes choses que aucunes sedicions adviennent, et, en cas quelles se présentassent, penser du remède, craindant le naufraige et commotion populaire.

A quoy, jusques a présent, ledict magistrat a tenu la main, comme encoires il faict; de manière que pour cognoistre et discerner les bons des mauvais et les mauvais des bons, a trouve bon, voires expédient et nécessaire, par ladvis, tant de monseigneur le gouverneur, que de tout le conseil, rédiger par escript quelque forme de serment que feroient lesdicts Sr et conseil, et tous les bourgeois et manans, lequel serment auroient faict et preste ledict Sr gouverneur, ceulx du conseil, les officiers, aucuns Srs et bourgeois, saulf que aucuns bourgeois auroient diffère ce faire, les aucuns demande copie et jour dadvis. Par ou se void et perçoit que, en f° 5. ce, y a apparente suspicion en aucuns de mal sentir de la foi et religion chrétienne, catholique et romaine.

Et doubtant que encoires aultres bourgeois et manans en feissent refus absolut de prester ledict serment, mesdicts Srs les eschevins ont faict assembler cedict conseil pour sur ce avoir advis et délibérer, sçavoir si, en cas dudict refus, Ion debvra interdire et deffendre la ville aux refusans, comme suspeetz et notez de religion contraire, et aussi perturbateurs de republique, comme membres pourris, innutilz et a retrancher

(1) 1567, nouveau style.