DEUXIÈME PARTIE. — LA RÉFORME

arrière des aultres, pour éviter quilz ne infectent et gastent les aultres encoires sains et entiers.

Sy a este mis en avant; lintontion de sa Majesté quy est de garder et faire entretenir lanchien estât au faict de la religion, comme par ses lettres du me du mois passe le donne assez a entendre, louant le bon ordre qui jusques icy a este garde et maintenu en cestc ville, exhortant le magistrat en ce continuer comme chose a luy aggreable. En conformité de quoy, Son Alteze a depuis escript a mesdicts Srs les eschevins de selon ce eulx conformer, meismes empescher toutes presches, assemblées et conventicles illicites, aussi duser, allencontre des contrevenans, des peines indictes par ledict publie en may dernier et jusques a les prendre et chastier par le dernier supplice et en tout prévenir et... le mal qui, a cause des troubles et diversité dopinions, porroit advenir, et tellement faire que le droict, puissance et la force, demeure a sa dicte Majesté, comme en ce fonde, tant de droict naturel et divin que humain, allendroict de ses vassaulx et subjectz, lesquels luy doibvent toute obéissance.

Sur ce que dessus a este advise, résolu et délibère, voyant les dangiers et émotions ou se retreuvent aucunes des villes voisines pour le faict de la religion et soubz ce title prendans et portans armes contre leur prince et Sr naturel, de mander et faire appeller, par devers MM" les eschevins, les bourgeois et manans de la ville, leur faire lecture du serment advise présentement et requerre voloir faire et prester icelluy, et en cas de refus, les jetter hors la ville, comme suspectz, rebelles et desobeissans, sans en ce attendre ordonnance de son Alteze, combien que aucuns dudit conseil en fussent dadvis, mais la plus saine partie a este dadvis... eulx reglans et conformans a lintention de sa Majesté portée par lesdictes lettres.

Et au regard de ceulx qui feroient tumulte et émotion, a aussi este délibère les bannir de la ville.

Du IXe de novembre.

f°6. Ledict jour ont este mande les Roy, connestable, dixeniers et confrères

du gardin de serment des arbalestriers de ceste ville ci aprez nommes, pour prester ledict serment, et aussi affin quilz soient a la garde de Messr9, si d'aventure quelque émotion advenoit, dont Dieu nous veulle garder.

Cest :

Jehan de la Porte, prebtre chapelain.

Grard Renart, connestable.

{Vingt-sept autres membres présents).

Absents : {Quatorze).

Dudict IX*.

f° 7. Ledict Robert le Maire est retourne du matin en halle, ledict ne veult faire serment ou ce mot romaine y soit, disant que, quant au pape et a la

PIÈCES JUSTIFICATIVES

succession diceulx, il ne veult point dire quelle ne soit ou quelle soit. Soy demonstrant suspect.

Dict que plusieurs ne treuvent ce serment bon, et que aucuns quy le ont faict sont marris, entre aultres Hugues Villain quy luy a dict quil ne la fait volontiers, et le bailly de Fresnes par constraincte.

Enquis sil ne recognoist le pape pour souverain evesque visible, a dict que ne le veult confesser ne denier. Depuis ledict Robert a requis y penser.

Ledict Léon Dablaing, retourne du matin, a présente certain escript de sa main, contenant la profession de sa foy, laquelle profession sent son calvinisme, concluant aussi par icelle quil se veult conformer a laccord fait par Madame aux Sl's confederez (1). Lequel escript est es mains de Monsr d'Aoust chef. Et aultrement ne le veult faire.

Dict que aucuns ont fait le serment par constraincte.

Enquis quelz sont ceux la, a respondu : Emmery le Maire estant sur le Marchiet se vantoit de ne le point faire, et encoire aultres, sans les nommer.

Enquis combien il y a de sacremens en leglise, a respondu quil ne veult entrer en ceste voye, disant que ce seroit inquisition, et ne respondra a cela.

A este renvoyé en sa maison et ce pendant Ion advisera ce que Ion aura a faire contre luy.

Depuis est venu en halle, le jour Sainct Martin, prester le serment comme les aultres.

Du XVIIIe jour de novembre :

...Plichon, chirurgien, a faict et preste le serment en tel cas pertinent. Jehan le Fet, hugier (2), a dict que vray est quil a refuse de le faire. Admoneste de le faire, a dict quil ne le sçauroit observer, parce quil ne sçauroit estre fidel a Dieu. Dict que sil alloit es villes ou se font les presches, il iroit. A persiste et, sur ce que lui a este dict quil sera mis au roole des refusans, a respondu : « Faictes ce que vous volez. » Et a tant sest retire.

f» 8. Robert de le Pierre, chirurgien hollandais, a respondu de prime face

quil nest délibère faire le dict serment, parce que lhomme est fragille, et ne veult accuser personne (3). Depuis, a dict quil est prest faire le dict serment, saulf quil ne veult accuser personne, ores que iceulx feissent debvoir le suborner et gaster. Et sur ce, a faict et preste le serment.

Michel Fiefvet, ardier, dict le Prince, dict que au ne article le mot romaine ne lempesche, et puisque les aultres lont faict il faut quil le face, disant

(1) Acte de la régente du 25 août 1566 accordant la liberté du culte dans les endroits où il avait déjà été célébré.

(2) Menuisier.

(3) L'article 3 du serment obligeait à dénoncer les hérétiques.