DEUXIÈME PARTIE. LA RÉFORME
quil cognoist leglise catholique et apostolique. Destre fidel a Dieu dict quil est mal possible.
Enquis sil ne recognoist le pape pour chef de leglise catholique, a respondu quil nest saige assez, disant que cest une chose nouvelle, ne purgeant ce point de chef aultrement : « Faictes ce que vous volez. »
Dict neantmoins quil veult vivre comme ses prédécesseurs, et croit que son pere est bien mort.
Et faire rapport, ne le veult faire. Enfin a dict quil nest délibère quant a présent faire le dict serment et y pensera, et a tant sest retire.
Au XVIIIe de novembre 66, après disner : Nicolas de Deuxrieul, hoste de l'Escu d'Artois, na faict difficulté au serment, mais, a cause quil estoit aucunement embut, a prie quon attende jusques a demain.
Bon Graindor, chavetier, a faict ledict serment sans aucun contredict.
Du XIXe de novembre :
Anthoine Senel a dict de prime face que jurer destre fidel a Dieu luy st impossible, et sur ce que luy a este dict que le grâce de Dieu intervevenante ce se peult faire, a persiste.
Au regard du mot romaine ne le voloit passer, et quand au pape chef de leglise visible ne le croid, et sen attend a des plus saiges.
Depuis, sur ce admoneste, a dict quil confesse leglise dont le pape est chef. Depuis a faict et preste le serment. Du gardin de serment des archiers.
(Seize) ont fait le dict serment.
Du XXe dudict mois :
Gambier Simon, natif de Remonde, demeurant en ceste ville depuis deux ans, a faict et preste ledict serment.
Du XXIe dudict mois :
Charles du Four a prins jour dadvis.
Du XVIIe dudict mois :
(Trois prêtent serment).
Ledict Nicolas de Deuxrieul, retourne, a faict ledict serment.
Robert Nyot, mande, dit quil est prest de jurer destre ridel au Roy et a la ville, et au regard de Dieu est impossible et difficile lestre. Ne doubte, sur ce enquis, que le pape ne soit le chef visible et ministerial, mais de prester le serment ne le treuve debvoir faire. Dénie avoir tenu quelques conventicles, ne receu gens suspeetz, disant que Ion est mal informe. Dict que sa conscience ne porte debvoir faire ledict serment, sans alléguer aucune raison estant de ce requis. Depuis, a dict quil ne veult jurer pour chose advenir. Admoneste par bonnes raisons de prester le serment, a persiste que sa conscience ne le porte point.
PIÈCES JUSTIFICATIVES
Advise luy interdire cabaret et logement, ny vendre a débit, contrevenant sera banny. Ce oyant, a respondu quil advisera ce quil en aura a faire, ce disant arrogamment et par menaches.
{Neuf personnes diverses prêtent le serment.)
Pierre Laubegeois ne veult passer ce mot romaine, mais confesse le pape estre le chef de leglise, et pour la hantise (1) ne la aussi volu passer absolutement.
Ledict Laubegeois a faict ledict serment.
Charles de Venduille, aprez lecture a luy faicte du serment seulement jusques larticle de leglise catholique et romaine, a respondu que sa conscience ne porte de faire ledict serment et seroit parjure sil juroit estre fidel, parce que cela nest en sa puissance.
Offre de prester le serment de vivre comme ses ancestres ont vécu et estre fidel a Dieu de tout son pooir.
A demande, pour son appaisement, jour dadvis pour y penser et respondra en dedans huict jours.
Le dict jour sont venus en halle Monsr le gouverneur, le sr d'Oudenhove, le bailly, ou estoient Mesrs les eschevins presentz. Iceulx ont este mandez :
Ame Galois.
Michel Fiefvet, ardier.
Jude Nayre.
Charles de le Becq.
Du XXVIIIe dudict mois :
Le xxvne de novembre, Emile Candelier et Denis de la Personne, sergents a mâche, ont relate que cejourdhuy ont este en la maison PvobertNyot, au chelier duquel ont trouve deux a trois tonneaux de bierre. Et leur a confesse la femme quelle loge encoirres.
Le dict Nyot est retourne, remonstrant que la deffense a luy faicte dene vendre est sa ruine, priant que luy soit permis y continuer.
Confesse avoir assis gens depuis la deffense, et loge ses ouvriers, et persiste a ne faire le serment. Et a par tant este renvoyé.
Du XXVIIIe de novembre LXVI :
(1) L'article 3 du serment.
