DEUXIÈME PARTIE. LA RÉFORME

Jean Cupre, painctre.

Anthoinc de parmenticr.

Ledict Galois dict quil cognoist leglise catholique et apostolique, disant quil nentend ce mot romaine et ne le voeult passer, requérant dy pooir penser.

Depuis, a dict que comme ses prédécesseurs ont vescu il veult vivre.

Enfin a demande jour dadvis et quil se informera particulièrement.

Et a tant luy a este accorde la retraicte et jour dadvis par luy demande.

Guillaume Lhernou, remande, a présente ung billet quil dict estre escript de sa main, estant es mains de Mons' le gouverneur, auquel nest comprins ce mot romaine.

Enquis sil ne veult détester la doctrine de Calvin, anabaptistes et aultres, a.respondu assez froidement, mais de le adjouster a son billet ne le veult, ny ce mot romaine.

Enquis sil estoit présent ou quelque conspiration se feist pour abattre les imaiges et saccager les églises, il ne le voldroit empescher... dire, a dict quil ne veult jurer et promettre le déclarer. Induict a ce faire par ledict sr gouverneur et quil veult sçavoir de sa bouce oy ou non, a respondu que sil estoit présent a telles choses le voldroit déclarer, mais au regard dassistera empescher les sectaires ne le sçauroit faire.

Dict que le serment en la forme quy lui a este leu. il ne le veult faire.

A dict en effet, aprez que son billet luy a este rendu, quil mettra par escript plus amplement son intention. Est encherge par ledict sr gouverneur de le apporter aprez disner.

Et admoneste avec defïense de ne persuader personne a faire refus, a a ce condescendu.

Le dict le Fet, remande et interrogue, a respondu que, moyennant la grâce de Dieu, prétend luy estre fldel et vivre selon les anchiens docteurs de leglise.

Quant au mot romaine, ne le veult passer. Déteste bien les doctrines de Calvin, Luther, anabaptistes et aultres.

Quant aux presches, entend que si le Roy le permet y aller (1). Luy a este dict quil nest icy permis les presches, que partant ne se y doibt trouver. A promis de ne point y aller.

Admoneste, a faict le serment, détestant toutes doctrines, erreurs et hérésies de Calvin, Luther, anabaptistes et tous sectaires, promettant dassister et empescher les abbatisons et saccagement des imaiges et églises, et aultres semblables choses.

Noms et surnoms de ceulx du gardin des arbalestriers de plaisance de ceste ville, lesquels Monseigneur le gouverneur a mande chez lui pour faire et prester le serment dont aucuns en auroient fait refus, si comme est porte par icelui, cest a savoir :

(1) Allusion à l'autorisation du 25 août 1566.

PIÈCES JUSTIFICATIVES

Cinquante et un prêtent le serment, dont Guillaume Lhernou qui fait son serment par écrit, Amé Galois, etc.)

Michel Fiefvet, serviteur du gardin, a faict es mains du gouverneur le premier serment, venant sexcuser de soy meisme de ce quil avoit refuse premièrement, disant quil ne le entendoit point.

Ledict Robert Nyot, retourne derechef et admoneste par monsieur le gouverneur, a dicr. quil veult suyvre lanchien chemin, mais dçstre fîdel à Dieu luy est impossible. Et depuis a dit, moyennant la grâce de Dieu, sa volonté est destre fîdel a luy.

Dict quil ne veult changer de religion, ains vivre comme ses prédécesseurs. Dict que les pécheurs ne sont du corps de leglise. Veult suyvre leglise catholique et romaine, saulf les abus, entre aultres telz que la Vierge Marie a Sainct Pierre (1), que aucuns croyent quelle face miracles, et cela croiroit il durement. Depuis a dict quil croid que les sainetz par leur intercession peuvent proficter aux vivans.

A dict que, les abus hors, il est prest faire ledict serment, et suyvant ce le a faict, aprez defïense a luy faicte de ne recevoir estrangiers, et a charge que dimence prochain se représentera a son cure parochial.

f 13. Au conseil tenu en halle a Douay, le xixc jour de mars xvc lxvi (2) ou

estoient monseigneur le gouverneur, le sr d'Oudenhove, son lieutenant, Messrs les eschevins, six hommes et ceulx du conseil, a este advise que les bourgeois naturelz de la ville refusans et delayens a faire et prester le serment conceu, les priver de laditte bourgeoisie et de tous bénéfices et privilèges dicelle, de ne faire guet et garde aux portes ny ailleurs, mais payeront argent pour contribuer audict guet et garde. Sy leur seront ostees les armes et les livres qui seront apportez en halle dont sen fera inventaire et déclaration. Sy leur sera aussi interdict la hantise et conversation avec ceulx quy auroient faict le meisme refus, et au cas quilz soient trouvez, aprez ledict refus, avoir use de quelques menaches, prétendu suborner aultruy, ou avoir este en assemblées et conventicles illicites pour pratiquer chose contraire audict serment et a ce quy en dépend, estre bannis hors de la ville, et au pardessus punis arbitrairement selon lexigence du cas. Et en cas defîroy, sera ordonne aux refusans demeurer on leurs maisons sans en pooir sortir, a peine de bannissement. Et au regard des manans non bourgeois ou estrangiers faisans le meisme refus, seront promptement bannis sans pooir emporter avec eulx aucunes armes.

Ce faict par provision et jusques au rappel de loy et du conseil.

(1) La statue de Notre-Dame des Miracles, pour laquelle des pratiques de dévotion commencèrent en 153-2. Souvenirs de la Flandre wallonne,

(2) 1567, nouveau style.