DEUXIÈME PARTIE
Audict jour, suyvant le dict conseil, a este mande :
Marc Creteau, mande en halle, moridictsr le gouverneur le a requis faire profession de sa foy, sur quoy a respondu que, en la sorte quil luy a baille billet, est prest le faire, aultrement point, sans aucunement y comprendre ce mot romaine, plus tost se retirer hors la ville, voires demain. Et sur ce luy a este faicte lordonnance portée cy dessus. Sy ont este apportées ses armes et livres céans.
Jehan du Gardin, mande comme dessus, na volu faire et prester le serment, disant quil ne recognoisl aultre chef en leglise que Jésus Christ. A cause de quoy a este faicte la meisme ordonnance et debvoir que dessus.
A faict apparoir dacte de reconciliation donne du docteur Masseus (1), a requis avoir ses armes qui luy a este accorde, en faisant préalablement le serment par luy refuse.
Jehan le Comte na volu passer ce mot romaine, disant que sa conscience ne porte de faire ledict serment, et pense quon ne le voldroit forcer. Et sur ce que luy a este dict que Ion advisera ce que Ion a faire, a respondu : « Faictes ce que vous volez ». Partant, luy a este faict comme aux aultres.
Jehan Brillet, passementier, aprez lecture a luy faicte du serment, dict quil nentend ce mot romaine, et quil doibt suffir dire leglise de Dieu, et quil ne cognoist aultre chef en icelle que Jésus Christ. A raison duquel refus et de ces propos a este condemne sortir la ville promptement. Et quant et quant Ion a envoyé en sa maison querre ses livres et ses armes.
Nicolas du Four, hugier, natif d'Anis (2) demeurant en ceste ville, na aussi volu passer ce mot romaine, disant quil ne cognoist aultre chef de leglise que Jésus Christ. Enquis sil croid que au sacrifice de la messe le corps de nostre Seigneur y soit corporellement, a respondu quil scied a la dextre de Dieu son pere, et nen descendra jusques a ce quil vienne juger les vifz et les mortz. Soy demonstrant sacramentaire et de la secte calviniste.
Oy ledict refus, a este ordonne audict Nicolas de sortir la ville incontinent, main tenue. Ce oyanta dict : « 11 vaut mieux estre banny des hommes que de Dieu ». Ce disant bien bravement et arrogamment, avec ung maintien assez estrange.
Ledict Guillaume Lhernou dict quil a baille son serment par escript a Monsr le gouverneur selon lequel se veult régler. Depuis, aprez avoir este admoneste par plusieurs bonnes raisons, a dict : « Si ainsi est que Monsr le gouverneur et le conseil le ayent faict, est prest le faire ».
(1) Doyen de l'église Saint-Pierre. Souvenirs de la Flandre wallonne, 1886, p. 37.
(2) Menuisier, d'Aniche.
PIÈCES JUSTIFICATIVES
Et ainsi le a faict, tant de cœur que de bouce, si quil a dict.
Philippe Fovet, fïlz de Nicolas (1) et gendre audict Marc Creteau, ne veult passer ce mot romainne, disant quil veult suyvre le symbole, le decalogue et evangille, aultre chose point.
Enquis sil est délibère daller a la confesse a Pasques prochain, a dict quil nen scet riens et y pensera.
A tant luy a este faict semblable ordonnance que aux aultres, signament dudict du Gardin.
Nicolas Fournier, pigneur, aprez lecture a luy faicte du serment, a de prime face requis jour dadvis, disant quil est simple homme. Depuis a dict : « Si vous, Messrs, lavez faict je suis content le faire. » Et suyvant ce, le a faict.
Et luy a este interdict recevoir ouvriers estrangiers quilz ne apportent certifficat de leur cure, et avec icellui les venir représenter en plaine halle pour estre admis a les recevoir.
f» 15. Jacques Lanssel dict Tout Hault, lingier, a faict serment ledict jour.
Robert le Maire, remande, a dict quil est prest faire et prester le serment advise et a luy leu plusieurs fois, et dont il en auroit eu copie pour soy conseiller. Suyvant ce, a este receu et a faict ledict serment, disant, sur ce enquis, quille faict aussi bien de cœur que de bouce. -
Du XXe de mars dudit an LXVI .
Charles de Venduille, cy devant nomme, a faict le serment advise.
Robert Chiret, mande, aprez lecture a luy faicte dudict serment, a dénie le faire, priant estre receu a tel serment quil a couche par escript, lequel escript il dict, sur ce plusieurs fois interrogue, avoir prins et copie sur ung semblable a luy baille par Guillaume Lhernou, estant en plain Marchiet de ceste ville.
Et, aprez avoir refuse absolutement de faire ledict serment, luy a este faicte la meisme ordonnance quaux aultres bourgeois.
Jehan le Maire le Josne a faict ledict serment en la forme. Jacques Ruffin a faict le mesme serment. r. 16. Du XXIIII» de mars LXVI.
[Quarante-sept prêtent le serment.)
Pinchon, greffier,
Archives de Douai, Série BB 2 bis, Layette n° 282.
(1) Nicolas Fovet avait subi en 1547 une condamnation pour « mal sentir » de plusieurs articles de foi.
