DEUXIÈME PARTIE

— LA HÉFOKMË

Jugement de Michel Crombecq (20 novembre 1567).

Veu le procès faict et demene a ce siège pour office allencontre de Michiet Crombecq ayant este par nous appréhende et aultres officiers de ce siège comme imposteur, et charge davoir contrevenu aux placcartz de sa Majesté decidantz sur le faict de la religion et nouvelle secte, les informations sur ce tenues, interrogatoires et confessions faictes par le dict Crombecq, par ou apparu nous soit iceluy avoir passe plusieurs années en hantise et conversations avecq gens hereticques et suspects, meismement soy trouve en aulcuns conventicules et assemblées particulières qui se faisoient par lesdicts sectaires et lectures diceulx. Item, soy trouve au presche des predicants faits durant les troubles depuis la deffense faicte par sa Majte par ses placarts, mesme de aulcuns predicants etrangiers; convocque en assemblée aulcuns sectaires pour eulx trouver aux dicts presches, les advertir et annonchier le jour et lieu que icelles se faisoient, portant la viande et livres de aulcuns se trouvant au dict presche. Item, de ne avoir comparu en leglise ny soy confessie, ensseignant la doctrine desdicts predicants et ministres, ayant faict serment en leurs mains de ne converser ou hanter a leglise rommaine et catholique quilz appellent leglise des papaux de Babilonne. Item, avoir par serment renonchie a ladicte église, jure et promis de croire seullement deux sacrements, telz que mariaige et baptesme, et jamais converser ni hanter ou croire ladicte église romaine, et de vivre a ladvenir selon la nouvelle religion de ces sectaires, estant comme tel enrolle et enregistre sur le registre dudict predicant et suivant la doctrine diceulx, tenu et dict plusieurs propos erronez et hereticques, contre lequel neantmoingz nous auroit este rendu sentence, attendant quelque ordonnance sur ce de la court. Aussi que iceluy se soit soy meisme pendu et estrangle es prisons de ce chastel auparavant de nostre sentence.

Nous, pour ces causes et eu sur tout conseil et advis, avons ordonne et ordonnons que le corps dudit Michiel Crombesq sera mené et tregnie sur une cloye, jusques au lieu patibulaire de ceste gouvernance, pour illecq estre par led. mc officier des haultes œuvres mis en une fourche a lexemple des aultres. Et quant aux biens que pooit avoir ledit Michiel Crombesq, avons surcey ladjudication et confiscation diceulx. attendant lordonnance que sur ce sera faite par la court suivant ledict envoi et advertissement de soy prins, pendant quoi neantmoingz avons interdit a sa femme ou héritiers faire aulcun dy a lalienation des dicts biens, desquelz le flsque fera inventaire et estimation a la confirmation du droict de tous ceux quil appartiendra.

Faict et prononchie au chastel a Douay par messieurs les lieutenants de la gouvernance a Douay.

Du XXe de novembre (1567).

Registre aux Dictums, octobre 1567 à novembre 1571.

PIÈCES JUSTIFICATIVES

Jugement de André Catoirs (18 décembre 1567).

Veu le procès fait et demene pour office a lencontre de André Catoirs, prisonnier, les informations tant préparatoires que aultres tenues sur les cas imposes a iccluy, les desfenses et justifications par luy proposées

Pour avoir este trouve en sa possession un livret compose par maitre Jehan Calvin et quelques aultres cahiers en pappier escript de la main du dict prisonnier, auxquels, par ladvis de docteurs en théologie, ont este remarques et trouves plusieurs impietez et blasphèmes contre le Saint Sacrement de lautel, le sacrifice de la messe, sacrement de pénitence, préparation que Ion doit faire pour recevoir le précieux corps de nostre Seigneur, prononce des impostures contre les prostrés, blasphémant le caresme et confession, dénonçant iceluy avoir fréquente les presches des predicants et ministres des nouveaux sectaires contre lintention de sa Majesté.

Nous pour ces causes.... sur tout considère, avons nous condamne et condamnons ledict prisonnier défaire un escondit en jugement, teste nue, genoux fleschys, ayant une candelle de chire ardente en ses mains pesant deux livres, et disant que luy desplait davoir commis et faict les actes cidessus, véhémentement prier merchy a Dieu, au roy et a nous pour justice, et que sy ne fait lavoit pour rien ne le feroit. Puis ledict chierge estre pose en la chappelle du S1 Sacrement de leglise S1 Amet en ceste ville. Par dessus, de brusler luy mesme en jugement le dict livret compose par le dict Calvin, et ensemble le dict pappier escript de sa main faisant mention du dict S1 Sacrement de lautel, caresme et confession, et estre tenu de jeusner trois jours tenant prison au pain et a lault.

Le jugement porte que le prisonnier subira une peine analogue dans la ville dOrchies d'où il était sans doute originaire ayant en main « une candelle de chire ardente pesant deux livres dans la présence de Monseigneur le bailli d'Orchies »; il devait y déclarer publiquement qu'il renonçait à la nouvelle religion, « a peine destre chastie de pugnition arbitraire ». Jugement du 18 décembre 1567 .

Registre aux Dictums, octobre 1567 à novembre 1571.

Jugement de Jean Buscaille (9 avril 1568).

Veu le procès demene pour justice en ceste court allencontre de Jehan Buscaille prisonnier, les informations tant préparatoires que aultres, interrogatoires a luy faictes, responses et confessions dicelluy, par ou apparu nous soit le dict prisonnier avoir porte les armes contre sa Mate en lassemblee de ghœulx et sectaires aux quartiers de Tournay et Lannoy, harmez dune espee et dune harquebouse a trois bouses et senrolle soubz lung des capitaines diceulx. Par dessus, de sestre mis en chemin avecq armes, associe de quelques aultres sectaires, pour soy trouver au sacagement de leglise de Marchiennes dont il fut retarde pour la crainte quil